Kolose 2:8 - Ka Lamana'a Monoꞌi Lu Mu Tifiꞌehina Ka Yabe

⁸ To fato bona'magi kehelise'natini le'mo sibina hilune'mu nehanagi enemege'i memalalo. Enali Yesu Kilisitohi ka lu melenelepise enali'ani enekesa kehelite to ma melugu nehana bona'magihi hapa'ani anasi kehelite mono'i li sibina hite ka lu lepilabe. Yesuhi kaga mekehelise nehite faga faga lite lu lenelepilanamo kaba hu bati hilo.

Kolose 2:8 ပူးပေါင်းရင်းမြစ်များ

Matiu 10:17

Lenali kaba hu bati hilo. Enali bona'i luga'amagi naga'i lepelete ka foya li lepelete enali li nupa hite minelata nehana nonugu lenele'mo melete naga osatu lenibi yigilana'mu yabe.

Matiu 16:6

To Yesu ma luto lu epi'ehina: Lenali kaba hu bati hilo. Lenali Felosi bona'i hiti to Satusi bona'i hiti enali yisiti legita hapa'anilo kaba hu bati hilo.

Matiu 7:15

Lenali fagalo lu yege hose bomagihi kaba hu bati hilo. Enali sipisipi yagamofihi gufa'a gukete li hekelelete lenalitoga elata nehabe. Ya hi'ahana enali komopa'anigu lopi kala suhi hite nehanago lenali'iya lenehete salu kite nalana'mu yabe.

Aposolo 17:18

To luga'a Epikuli bona'i to Sitoiki bona'i kaga enelepilata bo'animagi Polu hiti kenasabo bilete luga'amagi ma lite li'ahana: Ya'ma hagulu hagulu ka nolina bo ai henamofihi kaga lu epilube'mu nohibe? To luga'a bona'magi li'ahana: Ai fato melugu meha'agi kaga'ani lu yege nohabe. Polu Yesu kumu ai fili'ehinagati aku'i ho ti'ehibe luto ka lamana'a lu yege ho epina'mu ya lite li'ahana yabe.

Aposolo 17:32

Filise bo kene keliguti aku'i ho ti'ehibe luto Polu lina kamu'i luga'a bona'magi kiya hi ete'ahana. To luga'amagi ma lite li'ahana: Mone yupahi ana kaga aku'i lu limitogo kehelilune.

Romu 16:17

Nalalu'nigitabe, lenegekesa lito'ni lu nolepube. Bona'i mone'amagi Yesuhi naga'a loko hilune'mu to keheli ule'ale hise'namu li sibina nehanamofihi kaba hu bati hilo. Nani kaga lepi'ohunanamofihi le'mo sibi saba hilata to hetofa mono kaga keheli he'milata nehana yabe. Lenemegesa hi epilo.

1 Koliti 10:12

Ya hu'ehina'mu ya'ma moneuba ai'amu kehelito Hu'mamofihi kagu amuya moloto nohilina bouba buto sibina hu laligi, yamofihi legeso huto kaba huto minalibe.

1 Koliti 8:9

To bonatinitoga mone ya huto ni'ifi, meni'ifi kehelilo. Fa'mene luga'amagita lenali lenegekesa kehelite fa'mene nalune lite nehana'amagita lenalalutinigihi mono kagu amuya memele'ahanamagihi enali komopa'ani li sibina hi lalagi, ya'mu kehelinogo keta lepesino.

2 Koliti 10:5

Hu'mamofihi hapa'a keheliya ise'namofihi kapo'a hekini lalune'mu ana'ina lite enita bise kaga'ani li nohe'mune. To Kilisitohi agoya hu emiluta'asigo huto hilibe luto kehelito fato fato'mofihi naga'i emito nohune.

Galesia 1:14

Yuta yagapana'i nafalu'nigihi enebe ligito ito'nigihi afo'nigihi to tatatigihi ka'ani ya'ma limi lalibe luto ana kauba amuya moloto minalibe luto luloto ya'ma amuya moloto ya hulata hu'ohunamo ni'ibe.

Galesia 4:3

Ana suhi ya huto lali koyapa'i Hu'mamofihi kagu olopa bona'magi suhi huto meminose melugu bona'magi lu laga hi'ahana ka mege'i mololata hu'ohuta yabe.

Galesia 4:9

To yatai lenali Hu'mamofihi hapa'a bu go fotogo nehabe. Ya'mu ya'ma luto lu nolepube. Lama'naka. Hu'mau lenali'i bu lenogoto nohibe. Ya higo fa'menena gusunupa'a meni'ina felisa meni'ina yamofihi henabe luto aku'i lenogobisa emite ya'ma felemagihi nasana'mu agoya nehi etete neminabe?

Galesia 5:15

Lenali ma he'mise. Yagamagi suhi lite ai heni etago ai heni etago hite asaga'i sibina hi lalabe luto kaba hu bati hilo luto lenegekesa nolube.

Efeso 2:2

Ya'ma kanagu'ya lenali melugu bona'magihi foipa kapogu foipanamofihi komopagu bila ela hite foipa kene'magihi kaba bo'ani Sataha amuyalo minete aitoga i ke'mete minelata hi'ahanamo ni'ibe.

Efeso 4:20

Lali Kilisitohi hapa'a lu nolepito lenali ya'ma suhi hite minalabe luto melepi'ohutamo ni'ibe.

Efeso 5:6

To bona'i luga'amagi fi taga hi lepalalabe lite faga faga lite lu nelepinogo ka'ani mekehelilo. Foipa nasana yamofihi hite minelata nehananamu'i enali'i Hu'mamofihi keheli meemi'ahana bona'i enalitoga Hu'mamofihi ita bise'na huto hilina'mu yabe.

Filipai 3:2

Lenali foipa nehana bona kumu kaba hilo. Enali kala suhi lite momofa'na nehana bona'magi ma lite lu lepilabe. Lenugufa laga hilenogo Hu'mau lenele'malinagihe lite nelanagi enali kumu kaba hilo. Faga lilata nehana yabe.

Kolose 2:18

To bona'i mone'amagi enali'ani enegekesa yigi yigi nehanana to bamu'i bu neganana lusi mono ka ni'ibe lite, lali lenebe ligi'ohuta nohune lite liyafa hite neminabe. Faga nelina bona'i nehabe. Enali enugufa'ani le'mo sibina nehite'ani to agelomagihi Hu'ma tegi hite nehabe lite enali'ani enegekesa yigise'na'ani liyafa nehana yabe. Ya bati mehina yabe. Enalimoya lenalitoga ete ana suhi hite minalo lite ka lepekinogomo enemege'i memalalo. Enali komopatiniguti sabiyanatini lu he'mi lepalalana'mu yabe.

Kolose 2:20

To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Kolose 2:22

To ya'ma nose'na hiti ana'ina hiti asaga'i minoba minoba hilina nasana ni'ifiye? O'e. Su halina'a fa'menena ni'ibe. To enali ya'ma nemalana ka ana huto fa'mene bona'magihi kaga anasi ni'ina yabe. Kilisitohi kaga meni'ibe.

Kolose 2:23

Ana, ya'ma kaga'ani agelomagihi liyafa hilo lite to lenugufa le'mo laba hilo nelana kaga hetofa ka legi huto ni'ibe lite mone'amagi kehelilanaya ana kagauba lenugufa le'mo bati mehilina'mu yabe. Ya'ma kagauba lenubuto bilina'a meni'inagi lenali ya'ma mekehelise minalo.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

2 Timoti 3:13

Ya hu'ehinaya bona'i foipa'a enali enimi'i melenogo lelite nebite fala kite bite ai mi'i malago ai mi'i malago ya'ma foya'a lelite nebinogo napa ho lito buto hofa talube'mu hibe.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

Hibulu 3:12

Nalalu'nimagita, lenalitogati mono komopatini go'nupa ginogo minete mono ka keheli he'mite minoba minoba huse bo, Hu'mamofihi lenemegesa hi emi lalagi kaba hite minalo.

1 Pita 1:18

Lenali koyapa'i tatatinigi lu lepi'ahana ya'ma futu'a hapa'alo mege'i melete mine'ahanogo fa'menena lolo hu'ehibe. Lenali ana hapa'amofihi nagalugu neminago Kilisitou lenali kumu mina'a sipina he'mito gulu ho lepolo'ehinamo keheli'ahabe. Ana mina'a he'mi lepolo'ehinana siliba efahi hiti goli efahi hiti ni'ifi, o'e yana nasana mele'isi su hoto fenene hilinamo ni'ibe.

2 Pita 3:17

Nalalu'nigitabe, lenali yanamofihi keheli su he'ahana yabe. Yana'mu kaga ya'ma lenegekesa lito lipoti lu nolepugi kehelilo. Bona'i foipa'amagi enali ligitaga ka'ani lite komopatinigu liminogo lenele'mo sibina hilenogo limite ke lalagi ya'mu kaba hu bati hite minalo.

2 Yoni 1:8

Foya'a lutogo lenalitoga legeya'a huto hu'ehina ya'ma sibi hu laligi lite kaba hu bati hite minalo. Ya hite minete, mina'a lamana'a bati hite yamofihi silaga'i lilabe.