Kolose 2:3 - Ka Lamana'a Monoꞌi Lu Mu Tifiꞌehina Ka Yabe

³ Ai Hu'mamofihi kehelise'na'amofihi biha'a nohibe. Hu'mamofihi kehelise'na'a fala kito ni'inaya ai Yesu lu hokolo hu lepololenogomo ai'a hetofa hetofa ka'a asaga'i kehelilabe.

Kolose 2:3 ပူးပေါင်းရင်းမြစ်များ

Matiu 10:26

Ya hu'ehinagi lenali bona'i koli mehi epalalo. Asaga'na fenene huto ninana alihi huto hi su halana'mu yabe. To asaga'na ifi toto fala kito ninana kugumatogago huto hinogo enali bona'magi bu galana'mu yabe.

Luku 11:49

Ya hu'ehigo koyapa'i Hu'mamofitoga kaga kehelise'na'a bati huto ni'igo ai ma luto lu'ehina yabe: Nani lu huto huto bona'i hiti kaga lu yege hose bona'i hiti enalitoga enoho lifinogo nehetilenogo bona'magi enegene mane inogo luga koli nefelenogo luga'a enahalabe.

Romu 11:33

Akae. Hu'mamofihi kehelise'na'a hetofa hatofa ni'inagihe. Ai asaga'namofihi keheliya ito bai to'ehina yabe. Keheli bati huse'na'a sipi ni'inagi ekesa yigise'na'a kiyi'afu kehelilibe? To hapa'amu hiya bouba anana kehelilibe?

1 Koliti 1:24

Ya nehanaya lali Hu'mau lele'mo'ehina bona'magita Yuta bona'i nohuta Giliki bona'i hiti nohuta laliya Kilisito kumu nokeheluta ya'ma Hu'mamofihi felisa to kehelise'na'a ni'ibe luto nokehelune.

1 Koliti 1:30

Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.

Kolose 1:19

Hu'mau pana'niloga nemeha'ni mino baga noibe luto lu kehelito ligo ya'ma Hu'mamofihi hapa'a moneko legege hu'ehina bo nohibe.

Kolose 1:28

Hapa'a ya huto ni'inagi le'ali Kilisito kumu luto kaga lu yege hoto leli huto buto asaga bona'i lu epilata nohu'ibe. Le'ali amuya moloto asaga bona'i lipoti epiloto to asaga kaga lu hokolo hu noepito hulata nohu'ibe. Hena'mube? Enali Kilisitotoga mino hepite bati nehinogo Hu'mamofihi bulo enele'moto bilu'ibe luto nohu'ibe.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

2 Pita 1:5

Ya hu'ehina'mu lenali keheli amuya melete nehinogo minete bebe sose'namofihi hapa'alo amuya melete minolatana yalo'i molo emilabe. To bebe selata nehanalo ya'ma Hu'mamofihi hapa'a kehelilata nohuta yalo molo emilabe.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.