Kolose 2:20 - Ka Lamana'a Monoꞌi Lu Mu Tifiꞌehina Ka Yabe

²⁰ To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Kolose 2:20 ပူးပေါင်းရင်းမြစ်များ

Yoni 15:19

Lenali mono ka mekeheli'ahana bona'magihi folagaha'anigu minalana enali lenalitoga komopa'ani lepitine. Nani ya'ma enali folagaha'anigu lenele'mo eto hugo enali lite melete hi'ahana ya'ma lenali he'mi'ahanamo ni'ibe. Yana'mu lenali'i ya'ma luba ka li lepilata nehabe.

2 Koliti 10:3

Lali fa'mene bona'i ma metoga minoto humofa'na hu'ohutamo ni'inaya Hu'mamofihi kaga kumu yabe luto luba hulata nohuta yamofihi metoga bona'magihi tafa komopa'anitu kenasabo bilata nehana ya huto meni'ibe.

Galesia 4:3

Ana suhi ya huto lali koyapa'i Hu'mamofihi kagu olopa bona'magi suhi huto meminose melugu bona'magi lu laga hi'ahana ka mege'i mololata hu'ohuta yabe.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.

Efeso 2:15

To ai Kilisitou Yuta bona'magihi keya kamofihi komopa'agu ya'ma lilo melilo lite fato fato ka li'ahanamo ya'ma pa salube luto ai'a gufa'a nohe'mito fili'ehigo ana ka su ho'ehina ni'ibe. To ya huloto lali loe bona'i fatehi mino'ohuta bona'i kosaba naga'i moneko lele'mo huto huloto aitoga lele'mo hepilago lali fulu huto koguna ito nominota ni'ibe.

Kolose 2:14

Ai foipanati li he'mi leto'ohuto'a to lali asaga keya ka mege'i memolose sibina hu'ohutana fayahi go'ehina ya'ma ka foya melilube luto fi sibi huloto Yesuhi hiti malipu yafalo nili ho'ehina ni'inagihe.

Kolose 2:16

To ya hu'ehigo lenali nose'na menose'na'mu to sipi yupahifi mono fuli yupapofi yana'mu to yuhufa ikapo o nebelenogo yana'mu hiti kaga melete ka lepekilana meni'ibe. Ya'mu mekehelilo. Ana fato bouba ya suhi huto hu lepolo'ehinagomo bati mehu'ehibe.

Kolose 2:21

Nose'na henamo'mu mone ya'ma kayahi melibo lite to mone ya'ma mo sibo lite to mone ya'ma kayatu bako mehubo lite nelana, lenali henabe lutobe keheli'ahana?

Kolose 2:8

To fato bona'magi kehelise'natini le'mo sibina hilune'mu nehanagi enemege'i memalalo. Enali Yesu Kilisitohi ka lu melenelepise enali'ani enekesa kehelite to ma melugu nehana bona'magihi hapa'ani anasi kehelite mono'i li sibina hite ka lu lepilabe. Yesuhi kaga mekehelise nehite faga faga lite lu lenelepilanamo kaba hu bati hilo.

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

Yemesi 4:4

Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.

1 Yoni 5:19

Lali Hu'mamofitogati huto hu'ohuta ya'ma noto noto melugu bona'i mone'amagi asaga'naloga enali foipanamofihi afo'afu ai nosipenuga kete nehabe luto keheli'ohune.