Kolose 2:2 - Ka Lamana'a Monoꞌi Lu Mu Tifiꞌehina Ka Yabe

² To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

Kolose 2:2 ပူးပေါင်းရင်းမြစ်များ

Matiu 11:25

Ya'mana yupahi Yesu ma luto lu'ehina: Oho. Afo'niga, kokuluma'i hiti me'i hiti sipi kaba bo'a nohane. Kai ana'inaka kehelise bona'magihi enubulo li fala nokito to kai lagaso yagapana'magihi enubulo li huto hulata nohata'mu nani kofokehi lito bati huto yabe luto kegepohi nolube.

Matiu 11:27

Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Matiu 13:11

Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Luku 1:1

Oho, Tiofilusi, nalalu'niga. Babu bona'magi lalitoga huto hu'ehinamofihi kaga'a fayanugu ge'ahana yabe. Enali enubuguti bu ge'ahana to Hu'mamofihi kaga'a lu hokolo hi'ahana bona'magi lu epi'ahago fayahi keye'ahana yabe.

Yoni 10:30

Afo'nifu hiti nani hiti moneko babeyafalo nohu'ibe.

Yoni 10:38

Analo'i nani kumu keheli ule'ale mehite ya'ma lili'na li'ohunana'mu keheli ule'ale hite minalune'mu hilo. Hena'mube? Ya'ma lili'na li'ohutamo ni'igo Hu'mau nehe'moto nanitoga i ke'moto moneko'na nomino'ibe. To nani ana huto aitoga i ke'mobe.

Yoni 16:15

Afo'nifitoga ana'ina ninamofihi nanigo nimi su ho'ehinamo ni'ibe. Yamofihi Sikalafu'uba kaga ya'ma nanitogati liloto lu lepilube'mu hibe luto alu nolepube.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Yoni 5:17

Ya nehago Yesu lu epi'ehina: Nani afo'nifu asaga kanagu lili'na lilata nohinago nani ana huto lili'na lilube.

Yoni 5:23

To asaga bona'magi afo'afitoga enegelo bi emite gi'a li saga nehana'a hite Pana'amofihi ana hilabe. To mone kene'uba Pana'a agoya hu meemilina, ho lifi'ehina afo'afihi agoya hu meemilina'mu yabe.

Yoni 6:69

To kai Hu'mamofihi lamana pana'a monekomo nohane luto komopati kaito kimito keheli ule'ale ahu keto'ohune.

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

Romu 15:13

Nani Hu'mamofihi loka noho lepolobe. Lenali Hu'mamofihi keheli ule'ale hite neminenogo ai'a gelo bise'na to fuluna'a hiti lenalitoga huto hinogo lenifita ilata nehana'a mone hiti le'mo hofa talina'mu yabe, nolube. To Sikalafu'uba lenele'mo amuya melenogo lenifita ilete kanihi sipi fino, luto nolube.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Romu 2:4

Hu'mau bona'magihi hetofa hu epalalina hiti eniginaga filata nohina hiti ni'ina'mu kai o'e luto kemegesa hu emito nominane ya huto ni'ifihe? Hu'mau kai kumu keke'i nolu ketoto komopa'a i gelehe hilibe luto noluna yamofihi kegeba huba huba nohinaya menokehelipi? Komopaka i gelehe huse'naka yamofihi geba huto yatama kana nominabe.

1 Koliti 14:31

Ya hite, Hu'mamofihi bagaguti kaga lilune lite nehitemo, fa'mene lu su halabe. Ya nehite moneko moneko lilenogo, luga'a enali mono ka kehelinogo komopa'ani babahi hilibe.

1 Koliti 2:12

To lali ma melugu bona'magihi sikalafu'i meli'ohutamo ni'ibe. Lali Hu'mau mono ka molo leto'ehina yamofihi keheli fe lilune luto Hu'mamofihi Sikalafu'a li'ohutamo ni'ibe.

Galesia 3:28

To ya hu'ehina'mu Yuta bona'i nehana to fegutoga bona'i nehana, kele kele'i yagapana'i lolo hite tina'a limina'a hite mine'ahana, fa'menego minelata hi'ahana boana'i fato hite minelata hi'ahana. Yamofihi su ho'ehigo yatai lenali asaga'i Yesu Kilisitotoga bite hepite moneko koguna lolo hi'ahabe.

Efeso 1:7

Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.

Efeso 3:16

Hu'mau ai'a fana meha'a babu luto hefu tegi ni'inaguti ai'a meha'a lenalitoga ho lifinogo limito amuya'a li huto hu lepinogo kehelite amuya melelenogo ai'a komopatinigu hofa toto ule'ale hilibe luto loka nohobe.

Efeso 3:3

Hu'mau ai suguna kamofihi hapa'a lu huto huto lu nimi'ehinamo ni'ibe lite akeheli'ahanamo ni'ibe. Anana'mu luto ya'ma kohe toto hupa mone'isi fayahi koyoto lepi'ohunamo ni'ibe.

Efeso 6:22

Ai lali malo nominana ka asaga'namofihi lenali kagalo lu lepito komopatini le'mo amuya hilibe luto ho lufugo foiya nobibe.

Filipai 2:1

Lenali Kilisitotoga lenemehi emi'ohuta'mu yabe lite amuya nehafiye? To ai ginaga fi lepolo'ehinamu'i komopatini fulu higo neminafiye? To Hu'mamofihi Sikalafu'i hiti i hepite minelata nehafiye? To ai keke'i lu etago ai keke'i lu etago hite minelata nehafiye? Yamofihi asaga'i lenalitoga ni'ifiye?

Filipai 3:8

To ananasigo meni'ibe. Nani'ni Sipi Bo'ni Yesu Kilisitohi ai hapa hapa'a bu goto keheli'ohuna yamofihi mina'a tilago ana'ina luga'a silaga'i yamofihi lamana'a kehelugo fa'menena lolo hu'ehibe. Nani Kilisito hiti moneko'na hilu'ibe luto ai kumu yabe luto nigi'ni hiti to nipagu hu'ehinana hiti to nanitoga huto hu'ehinana asaga'i heletuya'a lolo higo he'mi'ohuna yabe.

Kolose 1:26

Ana suguna ka koyapa bona'magihi lu meepise mino'ehinaya to yatai lali aitoga komopati nobina bona'magi kumu lu hokolo hu noletabe. To lenali fegutoga bona'i aitoga neminamagi kumu lu hokolo hu lepalalibe. Ana suguna ka henana ni'ibe? Ma ni'ibe. Kilisitou lenali komopatinigu nominenogomo lenali Hu'mamofihi fana meha'agu minalabe.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 2:19

Enali Kilisitotoga hepite meneminabe. Ai latahati nohinogo lali gumita'a nohuta hupa'atu to go'nuna'atu hiti li hepito ai hiti moneko'na nohuto Hu'mau lu molo'ehina suhi luto hofa notone. To enalimoya Kilisito latahatigati i pa sete he'mi'ahana bona'i nehabe.

Kolose 3:14

To amuya melete asaga bona kumu leniginaga filo. Ya hilete lenali asaga'i bati hite koguna ite moneko'na hite minalabe.

Kolose 4:3

To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.

1 Tesalonika 1:5

Ka lamana'a ito buto lu lepi'ohuta yabe. Lali labagagutiko ka lepi'ohuta meni'ibe. O'e, Hu'mamofihi amuya'a hiti ni'igo ai Sikalafu'uba ya'ma lamana'a ni'ibe luto lu lepi'ehinamo yabe. Lali lenalitoga mino'ohuta hapati abu ge'ahanamo ni'ibe. Lenali kumu yabe luto lenele'mo bati hilune luto lamana huto mino'ohuta bu ge'ahabe.

1 Tesalonika 3:2

To Hu'mamofihi koko pana'a lalalutifu, Timotihi ho lufugo he'mi netoto lenalitoga bilibe luto lu'ohuna. Kilisitohi ka lamana'a lulata nohina bouba monolugu lenele'mo babahi hilibe luto to lenele'mo amuya hilibe luto,

1 Tesalonika 5:14

Lalalutigita, lenegekesa li hokolo huto lenogo'na bito lu nolepune. Bona'i luga'amagi foya melise nehanogo enali enegekesa lilo. To luga'amagi enelesa nelinogo neminana enele'mo hetofa hilo. To luga'amagi keheli ule'ale mehise loe lae nehinogo enali enele'mo amuya hilo. Ya hite asaga bona'magitoga legeso hite minalo.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 10:22

Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.

Hibulu 6:11

Lenali kumu ya hilabe luto nolube. Lenali asaga'naloga moneko legege hite keta mehuse hite minenogo lele'mo hetofa hilina nasana ya hilune lite fifa ite lenegekesagu melete mine lite netinogo kana'a su halina yalo nehetilabe.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.

2 Pita 1:3

To lenali Yesuhi keheli bati hilenogo ai hetofa amuya'a guna molo lepoloto lenehe'menogo lamana hite mino lite bite minalabe. To ai'a fana mehena'a hiti bebe sose'na'a hiti lenalitoga guna moloto lepilube'mu elesa molo lepi'ehina yabe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.

1 Yoni 3:19

Komopati epiba epiba luto ya lusiga nolunaya ya'ma hinogoti ka'a lamana'amofihi yagapana'a nohutamofihi hapa'a huto hulenogo bu goloto kehelilune to komopatiuba loe lae mehinogomo Hu'mamofihi gobisalo komopati le'mo hepilune.

1 Yoni 5:7

Yamofihi Sikalafu'i ai'a to mono nagami'i folo'ehina yauba to ya'ma fililago limi'ehina golahi ya nasanauba ya'ma enali loebe monebe nehago ka li'ahana ka ya'ma moneko legege hu'ehina ka ni'ibe. Enali ka Yesu Kilisito Hu'mamofihi pana'a nohibe lite nelabe.