Kolose 2:18 - Ka Lamana'a Monoꞌi Lu Mu Tifiꞌehina Ka Yabe

¹⁸ To bona'i mone'amagi enali'ani enegekesa yigi yigi nehanana to bamu'i bu neganana lusi mono ka ni'ibe lite, lali lenebe ligi'ohuta nohune lite liyafa hite neminabe. Faga nelina bona'i nehabe. Enali enugufa'ani le'mo sibina nehite'ani to agelomagihi Hu'ma tegi hite nehabe lite enali'ani enegekesa yigise'na'ani liyafa nehana yabe. Ya bati mehina yabe. Enalimoya lenalitoga ete ana suhi hite minalo lite ka lepekinogomo enemege'i memalalo. Enali komopatiniguti sabiyanatini lu he'mi lepalalana'mu yabe.

Kolose 2:18 ပူးပေါင်းရင်းမြစ်များ

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Romu 1:25

Enali Hu'mamofi kumu lusi kaga keheli he'mite faga luse'nalo mege'i malalana enali Hu'mamofihi agoya hu meemise ai'a lolo hu'ehinanalo lipite nunumu nehana yabe. To Hu'ma aisigo lali lipito lofoke ka lu emuba lu emuba hiluta ya ni'igi keheli'ohune. Ma'naka yabe.

Romu 16:18

Enali ya hise bona'magi Sipi Boti Kilisitohi lili'na menelibe. Enali enugufa'ani laga enebesise'namofihi mege'i nemalabe. To enali legeso hite laga hina ka mi'mi hi'ahana ka lilenogo lenalitoga mone keheli bati mehilana bona'magi laga hina ka nelabe lite mege'i melelata nehabe. Lenali kaba hu bati hilo.

1 Koliti 13:4

Eniginaga fise nehilana bona'magi enipakafa mehese agoya hite minalune'mu habe. Enali siko mehise enali'ani'mu kehelinogo metinogo enali'ani enigi'ani lelite metilana'mu li saga mehilune'mu habe.

1 Koliti 3:3

Lenali koyapa'i mine'ahana legegeto fa'mene nehabe. Lenali ai siko higo ai siko higo nehite luba sabo hite fa'mene bona tegi hite mine'ahana suhi hite ya'ma hapa'amofihi huto huto ni'igo koyapa lenemehiti minelata nehabe.

1 Koliti 4:18

Lenalitogati luga'amagi nani kumu ya'ma mealina'mu yabe lite lenugufa limo titi hite kegeiyo fa'mene minelata nehanaya.

1 Koliti 4:6

Nalalu'nigita lenali lali hapati ya hite bu gelete keheli fe lilabe luto kaga nolunamofihi nani to Apolosihi le'aliti'a ka lu moloto nolube. Monolugu hite melete minalo lite li'ahana ka'a ya'ma be meligise bona'i luga'a enele'mo ho tila luga'a enele'mobe kohobe mehilo.

1 Koliti 8:1

To faga lugefa nasanamofihi seba'a nelata hi'ahana yamofihi keheluto lu lepilube'mu nohube. Lali asaga bona'magita ana'ina hapa hapa'a akehelilata nohune lite nelafihe? Yamofihi keheli'ahanaya hapa'a kehelise ago keheliletetini lenugufa le'momo titi nehabe. To komopatini ai eminogo ai eminogo hite to ai he'menogo ai he'menogo hite minalana ya nasanauba lufusatini lolo hu'ehinogo bati hite minalana yabe.

1 Koliti 9:24

Lenali ma lite menekehelifiye? Yokolo'na lolata hepato ya'ma yagapana'magi enali yege yege'i hololu lilata nehana nasana ya'ma moneko'uba kohe toto hololu luba luba huto henetito mina'a lilata nohibe. Lenali ana hite Hu'mamofitoga bite sekele mamuti lilune lite hololu lilo.

2 Koliti 11:3

Yamofihi ya'ma osifa'uba mi'i mololata nohinamofihi hapa'a keheli fe lite minete Ebahi ya'ma faga kagaloti mi'i molo eto'ehina, ana kagaloti lenalitoga bona'i luga'amagi enimi'i molo lepalalana'mu kehelilata nehana golo golo gilenogo babahi Kilisito kumuko kehelilata nehanamofihi he'mi lalabe luto nekehelugo keta nohigo nolube.

2 Koliti 12:20

Nani lenalitoga buto bu lenagaluna lenali kumu kehelinogo bati mehilifihe luto, to lenali nani kumu ana hite kehelinogo bati mehilifihe luto nokehelugo keta nonebesibe. To lenalitoga kenasabo bise'na to siko huse'na, to ibe fitobe nasana, to molomo titi hilata'na, to libe pigi bibe nasana, huli tali ka mege ka lulata, bona'i enugufa lelite tite, li sibi sibi hilata nasana yamofihi ni'inogo buto nehetito bu go lalube luto nokehelugo keta nonebesibe.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Efeso 5:6

To bona'i luga'amagi fi taga hi lepalalabe lite faga faga lite lu nelepinogo ka'ani mekehelilo. Foipa nasana yamofihi hite minelata nehananamu'i enali'i Hu'mamofihi keheli meemi'ahana bona'i enalitoga Hu'mamofihi ita bise'na huto hilina'mu yabe.

Filipai 3:14

Yamu'i nani yokolo'na hite hololu lilata nehana bona'i suhi luto mina'a lilube luto amuya moloto nohube. Ana mina'a henana ni'ibe? Hu'mau Yesu Kilisito kumu luto kokuluma kapolo nele'mo malalinamo ni'ibe. Ya'ma lilube luto gili gili huto amuya moloto nobube.

Kolose 2:23

Ana, ya'ma kaga'ani agelomagihi liyafa hilo lite to lenugufa le'mo laba hilo nelana kaga hetofa ka legi huto ni'ibe lite mone'amagi kehelilanaya ana kagauba lenugufa le'mo bati mehilina'mu yabe. Ya'ma kagauba lenubuto bilina'a meni'inagi lenali ya'ma mekehelise minalo.

Kolose 2:4

Ya hu'ehinagi lenali mone fato bouba faga faga luto lu epilenogo mekehelilo. Mone fulu huto luto laga hina ka luto lu nolepinogo lenemegesa hi emilo.

Kolose 2:8

To fato bona'magi kehelise'natini le'mo sibina hilune'mu nehanagi enemege'i memalalo. Enali Yesu Kilisitohi ka lu melenelepise enali'ani enekesa kehelite to ma melugu nehana bona'magihi hapa'ani anasi kehelite mono'i li sibina hite ka lu lepilabe. Yesuhi kaga mekehelise nehite faga faga lite lu lenelepilanamo kaba hu bati hilo.

1 Timoti 1:7

Ya hilete enali'ani'mu ya'ma lite lilata nehabe. Lali ya'ma Hu'mamofihi keya ka lu'ehina ya kagamofihi mege'i malalune lite amuya melelata nehanaya, kaga nelanamofihi hapa'a keheli bebe mesabe.

1 Timoti 4:1

Hu'mamofihi Sikalafu'uba ya nasana ka'a lu hokolo huto ma luto lulata nohibe. Kana minomo tito aliha'a bona'i lug'a enali mono kamofihi li pili ke'ahanamo ya'ma he'milete keheli negi nagi nete laga mehina felemagihi enali kaga'ani mege'i malalabe. To ana foipa felemagihi faga faga kagagu bite i hepite kehelilana'mu yabe.

2 Pita 2:14

Enubutu gili gili hite moko lise a'mofihi bu gelata nehana foipana ni'ina'mu enipa nehite laga sipi kehelilata hi'ahana ni'ibe. Enali komopa'ani lapa mebi'ahana bona'i enimi'mi ka lite kelefugu halana suhi hite enele'mete bilabe. To enali yogo fe'nohi ya nasana'mu amuya melete lolo hite bite komopa'ani nasana lolo hu'ehina. Enali'ya logo hepalugu naga'i lolo hilana'mu yabe.

1 Yoni 2:26

To lenimi'i melete komopatini le'mo sibina hilana bona'i enali ka'animu ma luto fayahi nokoyobe.

Huto Hilina Ka 12:9

To hagulu osifa'i napa'auba ai koyapa'i ema afeha'aga mino'ehina bo mone gi'amofihi Sata to fato gi'a enifisa ito noto noto bona'i enimi'i moloto enogolaga bilata bo le'mo fitu fe he'migo melugu limi'ehina. Ai'a hiti to yagapana'a hiti kokulumaguti fitu fo he'milago limite melugu mine'ahana.

Huto Hilina Ka 13:14

Hu'mau lu laga mehu'ehigo topa hose nasana amuya ya suhi huto lolo hilibe luto keheli emigo kohe toto akafu yagakafa ti'ehina ai'a bulo ya'ma topa hose nasana lolo huto melugu bona'i komopa'ani fibe taga hube huto mino'ehina. Ya nohuto metoga bona'i lu epigo akafu yagakafamofihi afeha'aga ema emitatu laga hago fili'ehina ya suhi lolo huloto ho ti'ehinamofihi fayaha'a legita lolo hilo ligo ya lolo hite anatoga enalapusa fi emilabe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 3:11

Nani mele'isi henetilube'mu hube. Ya'mu moneuba sekele mamu'a hiti kakilitini suba to lalibe lite lenali ana'ina li'ahanamo ya'ma kaba hu bati hite li pili kete lilete minalo.