Kolose 2:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To ya hu'ehigo lenali nose'na menose'na'mu to sipi yupahifi mono fuli yupapofi yana'mu to yuhufa ikapo o nebelenogo yana'mu hiti kaga melete ka lepekilana meni'ibe. Ya'mu mekehelilo. Ana fato bouba ya suhi huto hu lepolo'ehinagomo bati mehu'ehibe.

Kolose 2:16 ပူးပေါင်းရင်းမြစ်များ

Matiu 15:11

To bomofihi komopa'agu tilata nohinanauba ana bo le'mo kolo tolata menohibe. To bomofihi ai komopa'aguti fegutoga heleko limilata nohinanauba bo le'mo kolo tolata nohibe.

Maki 7:19

Ai anana nolenogomo kupa'agu limito yalo ipa'agu limiloto bu su nohabe. Hiya'a huto meha'a le'mo sibina hilibe? Ya mehilibe. To Yesu ya ligo lali asaga nose'na bati huto naluta'mu yabe.

Aposolo 15:20

Lali enalitoga fayahi goloto ma luto lu epilune: Fato fato'na enemeha'amagihi kuguhi go nepilana nose'na ya'ma kolo tana nose'na ni'inagi menalata. To enali bo alobo gulu hete ai he'mi etenogo ai he'mi etenogo mehilabe. Enali yagakafa lubaha'ani nagatu gi polo hago golahubago hu'ehilina menalabe.

Romu 14:10

Ya hina'mu lenali henabe lite bonatinimofihi ka emekite ka'a loko nehabe? To henabe lite le'mo laba nehabe? Hu'mau kefa hisalo minoto kaga loko huse yupahi lali asaga'i bu'alo ho tito minolenogo lali kumu ka foya liloto kaga loko hilina'mu yabe.

Galesia 4:10

Ya hite nehite, Hu'mau kehelinogo bati hilibe lite fato fato yupahi kanalo to ikahi o boloto filito hu'ehina nohina kanalo to melekehi kufugu kanalo to lenekesa keheli keheli nehite fuli minelata nehana yabe.

Kolose 2:20

To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

Hibulu 9:10

Yanauba enugufa'aga li molo'ehina ka'ago ya'ma ni'ibe. Lu laga huse kagamu'i nose'na fato fato'i to bai nagami'i nenanaya to enugufa'ani mono nagami'i okala hilata nehana yamofihi kaga'a ni'ibe. Ya'ma Hu'mamofihi ka'alo huto higo bona'magi mege'i melete bite nehinogo aliha'a Kilisitou ana'ina le'mo bebe salina kana'a huto hilibe.

Yemesi 4:11

Nalalu'nigita, lenalitini ka foipa'a melilo. Moneuba ai lalu'afi kumu ka foipa'a lu etalina ai ya'ma Hu'mau keya ka lu'ehina kagamofihi li sibina hulata nohuto ana kagamofihi loko nohibe. Kai Hu'mau keya ka lu'ehina li sibi hilata ya'ma kegekesa yigito ka lamana'a meni'ibe luto lilatamoya, ana keya kalo mege'i mololata menohane. Ana kagamofihi loko huto fa'mene nominane.