Kolose 2:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ya nohuto Satahi ka lepekilina'a ka foyagu lenele'mo malalina'a laga hu'ehibe. Kilisitou malipu yafalo fililoto foipanatini li he'mi nolepoloto Sataha naga'i enele'mo laba hu'ehigo fateha'a fi lehe toto nebago yatai asaga bona'i Hu'mamofihi amuya bo nohibe lite kehelilabe luto enelepi'ehina.

Kolose 2:15 ပူးပေါင်းရင်းမြစ်များ

Matiu 12:29

Bona'i enali amuya bomofihi noha'aguti tite fe'noha'a bu go'ehigo lilata menehabe. Enali ana bo gilo yato naga ilete yato noha'agu tite silaga fe'noha'a lilana'a huto ni'ibe.

Luku 10:18

Yesu lu epi'ehina: Satahi bu nogogo kopisi'na legi huto kokulumaluguti limo noibe.

Luku 11:22

To lusi amuya bo mone nehetiloto hepa kaba nominalina bo hiti luba hilete ana bo holoto gimi mage'a li su holoto asaga'na gumina lina fe'noha'a guna ito bona'i epilina'mu yabe.

Yoni 16:11

Ka foya lilatanamofihi hapa'amu linogo ma lite kehelilana'mu yabe, ya'ma melugu gihiti bo, Satau foipana'mu ka foya li'ehinamo ni'ibe.

Yoni 19:30

Ya li emigo Yesu bili tuto noloto lu'ehina: Nani lili'na asu habe, luto ligo lataha'a bu go lipito fili'ehina yabe.

1 Koliti 15:24

Analoti aliha'a minoto asaga'na su halina kana'a huto hilibe. Ana kanagu Yesu ai'a enigihiti bo to sipi kaba bona'i hiti to Satahi amuya bo'a enali amuya lelito limi su holoto ya'ma me'i kai kapoka yabe luto afotifu Hu'mamofihi yanugu melelenogo kaba nohinogo kana'a su halina'mu yabe.

2 Koliti 2:14

Akae. Hu'mamofihi legelo bi emilune. Hu'mau ai'a Kilisitotoga lele'mo hepilago ai foipana he'mi leto'ehina'mu fokehi hoto kanipo filata nohuto'a megesa'alo lele'mo leli'ali nohina yabe. Ya higo lali noto notoga buto ka'a lu noepinogo ana kagauba hetofa tu'a tili tele huto nobina suhi huto noto noto i futili huto nobibe. Ya'mu lali Hu'mamofihi keke'i lu etoto legelo bi emilune.

2 Koliti 4:4

Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.

Efeso 3:10

Hena'mube? Yatai Hu'mamofihi yagapana'a lali moneko'na huto nominenogo ya'ma kokulumagu agelo enigihiti bo to amuya'ani hiti bo nehanamagi lali bu legelete Hu'mamofihi keheli bati huse'na fato fato'mofihi yatai keheli bati hilabe luto ni'ibe.

Efeso 4:8

Yamofi kumu ya'ma mono bukugu ka fayahi mone ma luto ni'ibe: Ai ifoga notito naga nonugu nehana'a enele'moto ti'ehinamo ni'ibe. To ya huloto bona'magihi hetofana fato fato'na li epi'ehinamo ni'ibe.

Efeso 6:12

Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.

Kolose 1:16

To Hu'mau le'mo ho ti'ehina bo, Yesu ai kokulumalugu nasana to melugu nasana asaga'na to ya'ma lali bu nogotana hiti bu megotana hiti yege yege'i lolo hu'ehina yabe. To ai agelo bo fato fato'i enele'mo huto huloto kapo'anigu enele'mo nomoloto to kibina bona'ani hiti sipi kaba bona'ani hiti to gamani bona'i hiti ya'ma lolo huto enele'mo ho ti'ehina. To ya'ma asaga melugu mine'ahananamo Yesu to Hu'mau hiti lili'na neli'igo asaga'na lolo hu'ehina yabe. To ya'mu asaga'na ai'na'a ni'ina'mu yabe.

Hibulu 2:14

To Hu'mamofihi yagapana'a enali ya'ma enugufa'ani hiti golaha'ani hiti ya'asigo minago nehanaya Yesu ana suhi huto lali lugufa to hapati li lolo hu'ehina. To ai'a nofilito ya'ma bona'i fililatanamofihi afo'afu ya'ma kaba bo, Sataha amuya'a hiti bomofihi Yesu amuya'a ho he'mito le'mo sibina hu'ehina yabe.

Huto Hilina Ka 12:9

To hagulu osifa'i napa'auba ai koyapa'i ema afeha'aga mino'ehina bo mone gi'amofihi Sata to fato gi'a enifisa ito noto noto bona'i enimi'i moloto enogolaga bilata bo le'mo fitu fe he'migo melugu limi'ehina. Ai'a hiti to yagapana'a hiti kokulumaguti fitu fo he'milago limite melugu mine'ahana.

Huto Hilina Ka 20:10

Ya nehinogo Satahi ya'ma afetoga bona'i enimi'i molo'ehina bo ai hiti fela logomofihi hefuha'agu kala efahi logogu loto ni'inagu fi felu ho he'minogo limi'ehina yabe. Koyapa'i akafu yagakafa ai hiti to faga faga mono ka leli'ali bo ai hiti anagu fi felu ho he'minogo limi'aha'inagu ya'ma Sata hiti limi'ehina. Enali ya'ma ufeha'a hiti nasana kofi epelelenogo kana'amu kana'amu utehi etehi enagabu kumu kalafa hite minalune'mu habe.