Kolose 2:13 - Ka Lamana'a Monoꞌi Lu Mu Tifiꞌehina Ka Yabe

¹³ Lenali koyapa Moseu keya ka lu'ehina kamofihi mekehelise fegutoga bona'i minete foipa faipa hapatini hilata hi'ahanaya Hu'mamofitoga filise'nalo mine'ahana yabe. Yalo Hu'mau Kilisitohi le'mo ho ti'ehina suhi huto lenele'mo ye ko'ehina. Hu'mau foipanati asaga'i li he'mi leto'ehinagihe.

Kolose 2:13 ပူးပေါင်းရင်းမြစ်များ

Luku 15:24

Ya'ma pana'nimo fili'ehina legita minoto aku'i nohibe. To fenene huto minoto yatai aku'i huto hu'ehibe. Ya ligo enali hapi fite nose'na nenete enegelo nebite mine'ahana yabe.

Luku 15:32

To ya'ma kogonaka fili'ehina legita minoto yatai nohibe. To fenene huto minoto yatai huto hu'ehibe. Ya hu'ehinana'mu lali bati huto yege fito lofokehi nolune, luto lu'ehina. Yesu ya lu epi'ehina kilihe'i yabe.

Luku 9:60

Yesu ma luto lu'ehina: Kai he'mitogo filise bona'i suhi hite komopa'ani menimise'namagi fili'ehina bona'i keli halabe. Kai buto Hu'mamofihi kapo'a kumu lu yege homofa'na hubo, luto Yesu ana bo lu emi'ehina yabe.

Yoni 5:21

Afo'afu fili'ahana bona'i aku'i enele'mo ho ti kosaba hulata nohina'a ya'ma ana huto Pana'auba laga'a besilina bona'i fili'ahanaguti enele'mo ho tilina'mu yabe.

Yoni 6:63

Sikalafu'uba ai'a aku'i bona'i enele'mo kosaba hulata nohibe. Fa'mene lugufauba nesi'asi lehe'molata nohibe. Ya'ma nani noluna kagaya mino kosaba huse'na hiti Sikalafu'i hiti nina ninamofihi lu nolepube.

Romu 4:17

Koyapa'i Abalaha kumu mono bukugu fayahi ge'ahana: Nani babu noto noto bona'magihi afo'aniga kele'mo lolo nohube, luto Hu'mau ya luto lu molo'ehina. To Abalahau Hu'mamofihi bulo minoto ana kagamofihi keheli ule'ale hu'ehigo ana kaga molo'ehinauba huto hulatamo ni'ibe. Hu'mau fili'ahana bona'i enele'mo ho tilata nohina bouba to ana'ina asaga'na huto mehu'ehina alihi le'mo huto hilina bouba ya'ma kaga lu molo'ehina yabe.

Romu 6:13

To lenali lenugufatini mone kegi'a foipana lili'nalo memalalo. Ma'naka, lenali asaga komopatini hiti lenekesa yigise'na Hu'mamofitogago molo emilenogo foipanamofihi fili'ahanagati ho ti kosaba hite minalana suhi huto yabe. Asaga lenugufatini komopatini Hu'mamofitogago eminogo ai lili'na'a hetofanamofihi li huto hilibe.

Romu 8:11

To Hu'mamofihi Sikalafu'i Yesu fili'ehinaguti le'mo ho ti'ehinauba lenali komopatinigu nominenogomo ya'ma Kilisito le'mo ho ti'ehinauba komopatinigu minoto lenugufatini fililinalo kosaba'i le'mo huto hilina'mu yabe.

1 Koliti 15:36

Ya'ma kaga sibigopa negi ka nelabe. Lenali nose'na notina hapa'a nekehelifiye? Lenali nose'na bigaha'a lite he kefelata nehanamofihi fa'mene ana'asi tilina meni'ibe. Filito sekuya biloto yalo boloto tilata nohibe.

1 Koliti 15:45

Ya hu'ehina'mu mono bukugu ma lite fayahi keye'ahanamo ni'ibe: Yege bo Atau ya'ma meha'a hiti lolo huto minolata hu'ehinamo yanamofihi afo'afu lolo huto mino'ehina. To aliha'a Ata tegi bo gi'a Yesu ai'a amuya moloto minoba minoba hilutanamofihi afo'afu lolo huto mino'ehina.

2 Koliti 3:6

Hu'mau ai'a ya'ma lele'mo bati higo lu mu tifise'namofihi ka'a kosaba'namofihi foya'a ya'ma lilata nohune. Lu laga hi'ahana ka fayahi keye'ahana ya'ma keheliya ise'namofihi foya ni'igopa Sikalafu'i li emilata foya'a ni'ibe. Lu laga hi'ahana ka fayahi keye'ahana yauba lemehati filise'na li huto hu limilata nohibe. To Sikalafu'uba minoba minoba huto lemehiti minolata nasana ya'ma li huto hu limilata nohibe.

2 Koliti 5:19

Lu limi'ehina'mu Hu'mau ai'a Kilisitohi ho lifigo oto minoto metoga bona'i asaga'i hiti ai'a hiti enele'mo ketipa ilube'mu huto mino'ehibe. Ya huloto foipana'ani li he'mi epololoto aku'i leka so su meho'ehina yana'mu ka foya melilina'mu yabe. To lele'mo ketipa iloto kaga'a ya'ma folagahatigu molo leto'ehinamo ni'ibe.

Efeso 2:1

Lenali koyapa'i ka mekehelise minete foipanagu mine'ahana to yamu'i lenemehi filito bigo mine'ahana yabe.

Efeso 2:11

Lenali koyapa'i fegutoga bona'i mine'ahana lenegekesu meheno. To yamofihi kana'agu Yuta bona'magi enali Hu'mamofihi keya'i kumu yabe lite enugufalo laga hi'ahana hiti mine'ahana lenali kumu fayahatini meni'ina bona'i nehabe lite mega enugufalo faya kumu li'ahanamo ni'ibe.

Efeso 5:14

Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Kolose 2:12

To nagami folose nehana hapa'a henana ni'ibe? Mana ni'ibe. Lenali nagami'i nefelete Kilisito hiti fililete keligu limilete aku ai hiti ho netibe. Foipa hapatinimu'i fililete ai hetofa hapa'amu aku'i ho tite minalune'mu hite nagami'i fele'ahana yabe. Hapa'a ya huto ni'ibe. Hu'mamofihi amuya'auba Kilisitohi fili'ehinaguti le'mo ho ti'ehina supo huto lenali lenele'mo ho ti'ehibe. To henabe luto lenele'mo ho ti'ehibe? Lenali aitoga agoya hu emi'ahanamo'mu yabe.

1 Timoti 5:6

To keto a'i moneuba gufalo laga besise'namu mokonamofihi fe'noto minenogomo ya'ma ai kumu lilatagihe. Bu hiti nohifihe luto melubo. Ai meha'a fili'ehina suhi huto nohibe, luto lilane.

1 Timoti 6:13

Ana'ina li huto hu'ehina bo Hu'mamofihi gobisalo to gamani bo, Ponitiasi Pailatihi maha'aga ai'a hetofa hapa'amu lu huto hu'ehina bo, Yesu Kilisitohi gobisalo ya'ma luto lu moloto nolube.

Hibulu 6:1

Ya'mu ya'ma lali ya hu'ehibe luto Kilisitohi kaga'amofihi biha'a hapi fi'ehinamofitoga ya'ma melenogoti ni'inogo ka'amofihi megesa'a lolito tito nebinogo bebe sose kaga lulatanamofihi kapo'a ya'ma moloto mino lito buto bilune. Mono kamofihi luga'a ya'ma tafa'a nomoloto futu'amofihi foya henabe luto aku'i hapi filune? Komopati lemeha'a li gelehe hilatana to Hu'mamofihi keheli emilata nohune.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

Yemesi 2:17

Bona'i luga'amagi enali keheli amuya melete mono ka legeya'a mone melilana ya'ma Hu'mamofi kumu keheli amuya malalana'a pata si'ehinamo ni'ibe.

Yemesi 2:20

Lenali ka keheli sibina hise naga'ise. Lenali kumu nolube. Bona'i luga'amagi keheliya ilana mono kamofihi legeya'a mone melilana ya'ma keheliya ise'na'ani pata si'ehibe luto nolube.

Yemesi 2:26

To bo mone'mofihi gufa'a komopa'agu meha'a meni'igo fili'ehibe luto lilune. Ana huto bo moneuba keheli amuya malalinaya mono ka legeya'a melilina yamofihi keheli amuya molose'na'a asu ho'ehibe luto lilune.

1 Yoni 2:12

Lenali pa'ni pana'ni nehanamagita, Yesu Kilisitohi gi'alo yabe luto foipanatini li he'mi lepolo'ehinamo ni'ibe. Ya huto ni'inagi fayahi ya'ma koyo nolepube.