Kolose 2:1 - Ka Lamana'a Monoꞌi Lu Mu Tifiꞌehina Ka Yabe

¹ To nani lenali'i to Leotisea hepatoga bona kumu to nokaba'ni bu mege'ahana bona kumu lusi lili'na noluna nekehelifiye?

Kolose 2:1 ပူးပေါင်းရင်းမြစ်များ

Luku 22:44

Yesuhi sipi keta besilago mone'a hiti nunumu hu'ehina. Ya nohigo golaha gobi holoto melugu limo i'ehina yabe.

Aposolo 20:25

To ka mone hiti lu lepilugi keheli'ehilo. Lenali okaba'ni aku'i be megalabe. Nani lenalitoga bula ola nohuto ya'ma Hu'mamofihi Kapo'a kumu'i lu hokolo hu letoto humofa'na hu'ohuna bomofita okaba'ni alihi be megalabe luto akeheli'ohube.

Aposolo 20:38

Ai okaba'ni aku'i be megalabe lu epi'ehina yana'mu enipagu gabu'i sipi nogigo le'mete bite boti heti'ehinaga neheti'ahana yabe.

Galesia 4:19

Panana'nimagita, nani lenali kumu luto keke'i luse aku'i nokehelube. Ana'magi yagapana'i ketalune'mu nehite keke'i lilata nehana, ya suhi huto keke'i luse'na sipi aku'i nokehelube. Kilisitohi babeyafa'a suhi huto lenalitoga huto hilibe luto lenali kumu kehelugo keta nebesilata nohibe.

Filipai 1:30

To nani mono kumu yabe luto lubagu suhi huto amuya moloto foya koyapa'i nolugo bu nege'ahanamo ni'ibe. To yatai ya'ma ka'ni kehelilata nehabe. To mono kumu yabe lite ana lubagu amuya melete foya lenali hiti anago hite yamofihi lilata hi'ahanamo ni'ibe.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

Kolose 2:5

Nani lenali hiti moneka nohuto Kilisitohi keheli ule'ale hite komopatini molo emite amuya melete nehana nokehelube. Nani fotoga nohunaya aku komopa'ni lenalitoga nomoloto nokehelube.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

Hibulu 5:7

Yesu ai metoga mino'ehina kana'alo Hu'mamofihi kehe sipi igo bu nogoya nolimigo sipi nogo moloto buka tito ya'ma fili'ehinaguti le'mo gelehe higo yamofihi buto bise bo, Hu'mamofihi amuya moloto loka ho'ehina yabe. Ya higo Hu'mamofihi maha'aluga limito mino'ehina'mu luto to agoya hu emise'namu Hu'mau keheli emi'ehina.

1 Pita 1:8

Lenali Yesuhi meha'a bu mege'ehite sibi komopatini keheligopa hilata nehabe. To lenemehi emilata nehana yabe. Yatai kanagu ya'ma lenubutinitu ai'a bu mege'ehite ai kumu sibigopa keheli ule'ale hite neminabe. Ya nehite lenegelo bite laga'a fato'mofihi bona'magita lenabagaguti lu huto hilata menehanamo ya'ma kehelilata nehabe.

Huto Hilina Ka 1:11

Huto higo ya'ma luto keheli'ohube: Nasana bu nogata ya'ma bukugu fayahi koyolotoka yagapana'ni li gehesa 7 kaitoga he'milago Efeso hepatoga to Semena hepa'i to Pegamuma hepa'i to Taitaila hepa'i to Satisi hepa'i to Filatelefia hepa'i to Leotisia hepatoga bilibe.