Kolose 1:9 - Ka Lamana'a Monoꞌi Lu Mu Tifiꞌehina Ka Yabe

⁹ To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 1:9 ပူးပေါင်းရင်းမြစ်များ

Yoni 7:17

To bo moneuba Hu'mamofihi baga'a liyafa huto mege'i malalube'mu nani lu yege nohona kagamofihi hapa'a keheli bebe salina'mu yabe. Hu'mamofihi kaga'a nolufi to nani'ni komopa'niguti tina kaga nolufi ai'a keheli sepa ilina'mu yabe.

Aposolo 12:5

Ya higo Pitau nagalugu nohigo gimi bomagi kaba hi'ahana. Ya'mu lite enali Yesuhi komopa'ani emite minana bona'magi Hu'mau he'malibe lite amuya melete nunumu hi ete'ahana yabe.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

1 Koliti 1:5

Ai Hu'mau ka keta mehuse lu huto hulatana to kehelise'na fato fato nasanatu lenele'mo hetofa hu'ehigo mono'mofihi mina'a babu luto li'ahana'a ya'ma ni'ibe.

Efeso 5:10

Ya'ma ana'ina lolo hilune luto lilana ya'ma Sipi Bouba kehelinogo bati hilina'muko sa hilo.

Efeso 5:17

Ka mekehelise bona'i lolo hite meminese Sipi Bouba foyaka lu lepolo'ehinamo yamofihi bu go bebe sete bu gete minalo.

Efeso 6:6

Lenaliya enikibina bo lenugufa lenemehi epite agoya nehi epelenogo yamofihi lenubu genogo bati hilibe luto ni'igopa lali Kilisitohi ya suhi kele kele'i hu etoto minalune lilete Hu'mamofihi fokehi lu lepalalina suhi hite minalo.

Filipai 1:4

Lenali ka lamana'a yata'a hapi fite kehelilete ana'asi nani ana kaga lili'nalo nehe'mete minete hi'ahana ya'mu kehelugo lenali kumu yabe luto komopa'nigu bati higo minoto Sipi Bomofitoga fokehi luba luba huto nominobe.

Kolose 1:6

Ana ka lamana'auba lenali keheli'ahana kagauba buto asaga melugu bonatoga nehetito i futili huto enele'mo bati nohina yabe. Ana kaga hapa'a ma ni'ina. Hu'mau foipa bona'magihi enele'mo bati hulata bo nohibe. Lenali yata'a kehelite komopatini i gelehe hi'ahana supo hite fato fato bona'magi yatai ana hite hetofa kaga'a kehelite neminago Hu'mau lusa gi epololata nohibe.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

Kolose 4:12

To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

Kolose 4:5

Enali Kilisitohi naga'i menehana bona'magihi fulu hite kehelilete bebe sana hapa'a hi epalalo. Ya hite, asaga yupahi ka lamana'a lu epise'namofihi kapo'a sa sa hite mone fa'mene meminese enehe'mete Yesuhi hapa'a enelepilo.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

1 Tesalonika 5:17

Asaga yupahi Hu'mamofitoga kehelite lu emilata nehite mehe'mise minalo.

2 Tesalonika 1:11

Ya'mu lali hiti kana'amu kana'amu lenali kumu yabe luto Hu'mamofitoga lulata nohune. Hu'mau elesa molo lepi'ehinamofihi legeya'amo kehelinogo lamana'a hilibe luto loka nohone. To ai'a amuya'aloti fi hetofa hu lepelenogo lamana'amu kehelite neminamofihi legeya'a lolo hilabe luto to aitoga keheli ule'ale hite aitoga agoya hu emilata nehanamofihi foya'a lelite bilabe luto nolune.

Filemoni 1:4

Filemonio, nalalu'nigase, Hu'mamofitoga loka hona'amu loka hona'amu yamofihi kigi'a hoto kai kumu Hu'mamofihi fokehi holata nohube.

Filemoni 1:6

Ya hulotoka kai ya'ma keheli amuya mololatanagu afetoga lali hiti komopati le'mo hepiloto ana'ina lamana'a asaga'i Kilisitotogati lalitoga huto hu'ehinamo ya'ma keheli fotogo huloto kehelilane luto Hu'mamofitoga lulata nohube.

Hibulu 10:36

Yana'mu lenali keta'a hiti'namofihi komopa'agu mino fulu hite minelenogo Hu'mau lilina malalina ka'a kehelite nehinogo ana'ina le'mo babahi huse'namofihi legeya'a lilabe.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

1 Pita 2:15

Lenali ya hilata nehana lamana'a lolo hilana yauba enabagalo hekini nolago lenali kumu negi nagi ka lilata nehana enabaga enele'mo fu li epalalabe luto ligo Hu'mau keheli molo'ehina.

1 Pita 4:2

To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

1 Yoni 2:17

To me'mofihi gupisa'alo ana'ina to enipa hina nasana hiti asaga'na su hoto mone yupahi fenene hilibe. To enali Hu'mamofihi bagaguti ka'a kehelite mege'i nemalana'a enali mineme bite mino hetofa hite minalana'mu yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.