Kolose 1:28 - Ka Lamana'a Monoꞌi Lu Mu Tifiꞌehina Ka Yabe

²⁸ Hapa'a ya huto ni'inagi le'ali Kilisito kumu luto kaga lu yege hoto leli huto buto asaga bona'i lu epilata nohu'ibe. Le'ali amuya moloto asaga bona'i lipoti epiloto to asaga kaga lu hokolo hu noepito hulata nohu'ibe. Hena'mube? Enali Kilisitotoga mino hepite bati nehinogo Hu'mamofihi bulo enele'moto bilu'ibe luto nohu'ibe.

Kolose 1:28 ပူးပေါင်းရင်းမြစ်များ

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Matiu 3:7

Yoniu Felosi bona'i to Satusi bona'i babu lite nagami'i folo letalane lite ago bu enogoloto ma luto lu epi'ehina: Lenali foipa osifa'mofihi yagapana'a, kuyu'afu lu lepigo Hu'mamofihi italuga logo bise'na alihi huto hilube'mu nohina koli falalune'mu nehabe luto ka epeki'ehina yabe.

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

Maki 6:34

To Yesu alihi anaga nehetito enali li gehesa nehanamo bu enogoto keke'i lu epolo'ehina yabe. Enali sipisipi yagamagi, kaba bo'ani meminana suhi lite nehago bu goto keke'i lu epolo'ehina yabe. Ya huto'a kaga lu enelepiba enelepiba huto mino'ehibe.

Luku 21:15

Nani'ni kaga hetofa'a lenabagalo mololoto'ni to ka kehelise'na hetofa'a lepiluna'mu yabe. To asaga fatehatinimagi nani lepilina kaga li gofa mehila to lisi'ani luga mebilana'mu yabe.

Aposolo 10:36

Isilaeli bona'i koguna ite fulunaguti minalabe luto asaga bona'magihi Sipi Bo'ani Yesu Kilisitotoga ka lamana'a malago limi'ehina kaga, lenali kehelilata nehabe.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Aposolo 13:38

Ya hu'ehinagi nalalu'nigita lenali keheli bati hilo. Lenalitoga kaga ma luto lu yege nohone. Ya'mana bouba ai asaga foipatini li he'mi su holoto lenele'mo lenubuto bi'ehibe.

Aposolo 17:18

To luga'a Epikuli bona'i to Sitoiki bona'i kaga enelepilata bo'animagi Polu hiti kenasabo bilete luga'amagi ma lite li'ahana: Ya'ma hagulu hagulu ka nolina bo ai henamofihi kaga lu epilube'mu nohibe? To luga'a bona'magi li'ahana: Ai fato melugu meha'agi kaga'ani lu yege nohabe. Polu Yesu kumu ai fili'ehinagati aku'i ho ti'ehibe luto ka lamana'a lu yege ho epina'mu ya lite li'ahana yabe.

Aposolo 17:3

Mesiau gabu foya liloto filito aku ho tilibe luto Hu'mau le'mo ho ti'ehina. Ya'ma Yesu kumu kaga lu nolepuna boya ai Mesiau nohibe luto lu yege hago enali enegekesa keheliya i'ahana.

Aposolo 20:31

Ya hilanagi lenali kaba hite minalo. Nani loeyagi moneyagi foya kanagu etehi utehi hiti lenali kumu yibi huba huba nohuto mono kaga lu lenelepi'ohuta yamofihi mehe'mise mino'ohunagi ya'ma lenekesu meheno.

Aposolo 3:20

Ya hite nehinogo kana monelugu Sipi Bouba yuhufa amuya lepilibe. Ya huloto Mesiahi lenalitoga ho lifilibe. Ya'mana bo Hu'mau koyapa'i le'mo ho ti'ehina, ai Yesu yabe.

Aposolo 5:42

To asaga yupahi sipi mono nonugufi to enali'ani noha'anilugafi li nupa hite minete boana'i kaga lamana'a enelepite to Yesu Hu'mau le'mo ho ti'ehina bomofi kumu'i lu epiba lu epiba hite mine'ahana yabe.

Aposolo 8:35

Ya luto loka holago Filipiu hapi fito kaga lu'ehina: Ai ya'mana hupamone mono kagaguti hapi fito luto buto Yesuhi kaga bebe sosemofihi ni'inalo molo emito lu emi'ehina.

Aposolo 8:5

Filipiu sipi hepa'i monelugu Samalia limiloto ka lamana'a boana'i enubulo lu yege nohoto Mesiahi gi ho'ehina yabe.

Aposolo 9:20

Soliu mono nohi ni'inaga bu bebe soloto Yesu kumu ma luto lu epi'ehina: Yesu ai Hu'mamofihi Pana'a nohibe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

1 Koliti 1:30

Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.

1 Koliti 12:8

Mone'mofihi ya'ma Sikalafu'uba le'mo babahi higo mono ka keheliya ito lulata nohibe. Moneuba ana huto Sikalafu'ubago le'mo babahi higo fato fato hapa'a lu bati huto lulata nohibe.

1 Koliti 15:12

Kilisitou ya'ma fili'ehinaguti ho ti'ehina ka ma luto lu noleputogomo lenalitogati luga'amagi henabe luto fili'ehilana bona'i aku'i ho tilana meni'ibe lite lilata nehabe?

1 Koliti 2:15

Lali hetofa Sikalafu'i hiti nohiluna bonago nasana asaga'i fa'mene bu go fe lilana'a ni'inaya bo moneuba enali hapa hapa'ani lu huto mehilube'mu higo keheli bati menehabe.

1 Koliti 2:6

To ya huto ni'inaya nani ka keheli bati mehuse liluta ni'ifihe? O'e. Nani lama'naka Hu'mamofihi kagu hofa tete mine'ahana bona'amagi ya'ma keheliya ito kagaguti lu lepilata nohube. To ya nohutaya ya'ma metoga enigihiti bona'i fililete fa'menena lolo hilanamagi keheli fe lite kaga lilata nehana ya suhi huto liluna'a meni'ibe.

1 Koliti 4:14

Nani lenubuya hilibe luto ya'ma kaga fayahi menokoyobe. Nani komopa'ni nolepuna pa'ni pana'ni lenegekesa li hokolo huto fayahi ya'ma nokoyobe.

2 Koliti 10:14

Lali foya'amofihi legegeto huto lulata nohune. Foyamofihi kupa'alo yamofihi lama'naka lenalitoga ni'inamo ni'inaya yabe. Hiya hutobe? Lali kohe toto ya'ma lenalitoga nehetito lali labagaguti Kilisitohi ka lamana'a yata'a hapi hite keheli'ahanamo ni'ibe.

2 Koliti 11:2

Nani lenali kumu yabe luto Hu'mau siko hulata nohina'mu yabe luto amuya mololata nohube. Lenali bo alobo suhi meko'ehina pa'i bala bulu tigo mino'ehina ana legi hite nehite bo monekomofito bilabe luto nani keya'i molo lepolo'ohuna ya'ma Kilisito nohibe.

2 Koliti 4:5

Lali mono ka nokehelito laliti'mu lu lepiluta'a mehune. Yesu Kilisito ai lali'i Sipi Boti to lali Yesu kumu yabe luto lenali koko panatini lolo huto minoto minalune luto lu lepilata nohune.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Kolose 2:3

Ai Hu'mamofihi kehelise'na'amofihi biha'a nohibe. Hu'mamofihi kehelise'na'a fala kito ni'inaya ai Yesu lu hokolo hu lepololenogomo ai'a hetofa hetofa ka'a asaga'i kehelilabe.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

Kolose 4:12

To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

1 Tesalonika 4:6

Aku'i lenali folagahatinigu bona'i moneuba ana'i kumu foipana hilina'a meni'ibe. To lalu'afihi liha'a lilina meni'ibe. Yamofihi nasana lilana bona'iya Hu'mau osahi epilina'mu yabe luto kohe toto lu laga huto lu lepi'ohutamo ni'ibe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

1 Timoti 3:2

To babafi lolo hilina foipa meminenogo minoto a'i moneko'i li'ehilina bouba minalina'mu yabe. Ya suhi ma suhi hilutaya sibina hu lalube luto gufa'a kaba huto minalibe. Legeso huto besana kapogu minalina'mu yabe. Ana bouba bonoho bona'i elenogomo mehi epito enebe tigito enele'mo malalibe. Mono bukugu kaga lilata foya yamofihi fato bona'i lu enelepilina keheli bebe soto le'mo fotogo huto lilibe.

Hibulu 10:14

Ya huto komopati li gulu gulu hinogo lele'mo eto hulata kapolo bulata nohutamofihi mamufa moneko'i giloto lele'mo fotogo hulata kapolo malago asu ho'ehinamo ni'ibe.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

2 Pita 3:15

Ya hilenogo Sipi Botiuba kana'a molo yatama hulenogo kosele'i meho'ehina ya'ma lite lu emilabe. Lele'mo lubuto bilube luto ana yatamana molo'ehibe lite kehelilo. Lalalutifu komopati emi'ohuta'a bo, Polu ai'a Sipi Bomofitogati kehelise'na'a minalina'mu yabe luto lu lepito fayahi koyoto lepi'ehinamo ni'ibe.