Kolose 1:24 - Ka Lamana'a Monoꞌi Lu Mu Tifiꞌehina Ka Yabe

²⁴ To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Kolose 1:24 ပူးပေါင်းရင်းမြစ်များ

Maki 10:39

Ya la'igo Yesu ma luto lu etimi'ehina: Ma'naka. Letali ya'ma nagami konuguti nala'ina'mu yabe. To ana nani nugupisalo alihi tilina'a letali ana hite kofila'ina'mu yabe.

Aposolo 5:41

Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Romu 5:3

To keta nohinauba lali'i huto hu letolenogo ana huto legelo bito minolata nohune. Hena'mube? Ya'ma keta nolebesinanauba lele'mo amuya melenogo mino lito bilune.

Romu 8:17

Yalo'i lali pana'amagita nohunogo ai'a bona'amofihi lusa gi epalalina'a lali hiti limilinagihe. To Hu'mau Kilisitohi hetofa nasana li molo emilina'a ya'ma ana huto limilenogo lilune. To lali Kilisito gabu gise'na'a hiti ya'ma ana huto kofiloto nohunogo ai'a fana meha'a hiti limilenogo liloto aitoga hepito minalune.

1 Koliti 12:27

Ma suhi huto ni'ibe. Lenali asaga'i li nupa hite Kilisitohi gufa'a legi huto moneko'na lolo hite kele kele'i hi etete nehabe.

2 Koliti 12:15

Ya suhi huto nani lenali kumu yabe luto yogo fe'noha'ni minoto lito hulata nasana'ni li he'milube luto keta mehuse huto nohube. To nani ya huto komopa'ni lenelepilata nohunogo lenali komopatinitu nani kumu lenemehi melelata nehanamofihi inomo limito minalifihe?

2 Koliti 6:10

To keke'i luse'namofihi gupisalo nohuto legelo biba biba huto nominone. Salafa'amofita sibigopa bona'i asagatoga mono'mofihi fe'noha'a hiti enele'mo lolo hulata nohune. Lumuhi menina'a nohutogo komopatimofihi fe'noha'a bai toto ni'igo nominone.

2 Koliti 7:4

Lenali Hu'mamofitoga ule'ale hite neminana komopa'nitu keheli'ohuto lenofokehi nolube. Lenali komopa'ni le'mo fulu nehago keke'i luse'namofihi gupisalo nominoto'ni bati huto minoto negelo'ni sipi nobube.

Efeso 1:23

To lali Hu'mamofihi bona'magita gumita'a lolo huto nohuto gufa'a lolo hu baga nouta yabe. Ya huto ni'inaya to ai'a silaga'na lolo baga ilata bo nohibe.

Efeso 3:1

To ya huto ni'igo Poluita nani Kilisito kumu yabe luto ya'ma fegutoga bona'i lenalitoga ka lamana'a lu lepi'ohunamu'i naga nonugu nele'mo mele'ahana ni'igo nani lenali kumu afotifihi loka nohobe.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

Filipai 3:10

To nani yatai Kilisitohi hapa'a keheliya ilube luto to ai fili'ehinaguti ho tise'namofihi amuy'a nanitoga huto hilibe luto to ai keta hinana gupisalo mele ete'ahanamo molo emito kehelilube luto to ai'a fili'ehina hapa'a mege'i moloto fililube luto nipagu nohibe.

Kolose 1:18

To asaga bona'magita Hu'mamofihi ka'a mege'i moloto nohuta lali gufa'a nohutogo to ai Yesu latahatiga nohuto kaba nohibe. Ai Kilisitohi naga'i lele'mo huto hu'ehina bo yabe. To ai kohe toto fili'ehinaguti ho ti'ohuto alihi ho tilana bona'magi ai mege'i melete ho tilabe. Ya huta ni'inogo ai'asigo asaga'na kohe toto be ligi'ehina bo nohibe. Ka hapa'a ya huto ni'ibe.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

Yemesi 1:2

Nigibo nagabose, kalana'i nemele lepelenogomo yamofihi enimi'i melenogo lenali ule'a'ale hite keheli'ahanamofihi hapa'a huto hilibe lite keheli'ehite keheli sibina mehise lenegelo bite minalo. Lenali mono kagu amuya malalabe lite kalana'i mele lepalalana nasana yamagi lenele'mo bati hilune'mu nehabe.