Kolose 1:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To Hu'mau le'mo ho ti'ehina bo, Yesu ai kokulumalugu nasana to melugu nasana asaga'na to ya'ma lali bu nogotana hiti bu megotana hiti yege yege'i lolo hu'ehina yabe. To ai agelo bo fato fato'i enele'mo huto huloto kapo'anigu enele'mo nomoloto to kibina bona'ani hiti sipi kaba bona'ani hiti to gamani bona'i hiti ya'ma lolo huto enele'mo ho ti'ehina. To ya'ma asaga melugu mine'ahananamo Yesu to Hu'mau hiti lili'na neli'igo asaga'na lolo hu'ehina yabe. To ya'mu asaga'na ai'na'a ni'ina'mu yabe.

Kolose 1:16 ပူးပေါင်းရင်းမြစ်များ

Yoni 1:10

Ana Kaga ai melugu nohuto to yana Hu'mamofihi Kaga'auba asaga me'momu'i lolo li huto hu'ehina ni'inaya to melugu boana'magi ai'i keheli bati mehi'ahabe.

Yoni 1:3

Hu'mamofihi Kaga'auba asaga'na ailugutiko lolo huto ti'ehina to mone lolo hu'ehina'a be meligi'ehina yabe.

Romu 11:36

Ya hu'ehina'mu asaga me'i hiti kokuluma'i hiti to ana'ina asaga'i ai'ago ni'ina'mu to ai'ago kaba huto nominabe. Ya mehu'ehitita asaga'na fenene hitita'mu yabe. Ya'mu Hu'mamofitoga gepohi luto asaga yupahi mino lito buto fokehi sipi'a lino. Ma'naka.

Romu 8:38

Nani mana keheli ule'ale nohube. Mone filise'nafi to ma melugu minose'nafi, foipa agelomagifi to kokulumagu felemagifi anagu kaba huse kene'magifi to mone yatai ni'ina nasanauba huto huse'nafi to aliha'auba huto hilinafi, asaga'magi Yesutogati lele'mo loko mehilana'mu yabe.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

1 Koliti 8:6

Lali ya'ma Hu'ma afotifu moneko'i nohibe luto keheli'ohutamo ni'inagi aitogati ana'ina silaga'i huto hu su ho'ehina. To laliya ai kumu ni'ibe luto hilune luto nohune. To Sipi Bo moneko'i Yesu Kilisitohi ai yanagu ana'ina silaga'i huto hu'ehina to lali ai yanuguko nohune.

Efeso 1:10

Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

Efeso 6:12

Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.

Filipai 2:10

Ya hulenogo kokulumagu to melugu to me'i komopa'agu ema neminana'a hiti enali moneko kumu Yesuhi gi'a hete enalapusa fite fokehi lilabe.

Kolose 1:15

Hu'mamofihi lali bu mego'ohuta bo nohinaya aku'i ai'a pana'a Kilisito ai Hu'ma legi huto moneko'i nohina bo yabe. Ai koyapa kanagu Hu'mau asaga'na lolo mehu'ehina kanagu mino'ehina bo to asaga'na lolo hu'ehinamofihi Yesu ai be ligi'ehina bo nohibe.

Kolose 1:20

Ya higo ai pana'a, Yesu malipu yafalo nofilito golaha'alo asaga sibina hi'ahanana i pa soto Hu'mamofihi le'mo fulu hu'ehigo yatai kokulumalugu nasana asaga'i to melugu nasana asaga'i aitoga minalibe luto golaha'a he'mi'ehina yabe.

Kolose 2:15

Ya nohuto Satahi ka lepekilina'a ka foyagu lenele'mo malalina'a laga hu'ehibe. Kilisitou malipu yafalo fililoto foipanatini li he'mi nolepoloto Sataha naga'i enele'mo laba hu'ehigo fateha'a fi lehe toto nebago yatai asaga bona'i Hu'mamofihi amuya bo nohibe lite kehelilabe luto enelepi'ehina.

Hibulu 1:2

To kana'a su halube'mu nohinogo ya'ma kana yatai pana'amofihi baga'a le'mo babahi higo ai ka legeya'a lu huto huto lu limi'ehina. Pana'a ai asaga melugu nasanamofihi afo'afu lolo huto minalibe luto lu eto'ehina bomofihi ai yanuguko mololago yamofihi silaga nasana huto hu'ehina.

Hibulu 2:10

To Hu'mamofihi nasana'a silaga'i yanauba aitoga agoya hu etoto minalibe luto ana'ina silaga'i yanamofihi afo'afu lolo huto minoto ai'a panala'i pana'i silaga'i sekele mamu'a hiti fana mehena molo epalalube luto keheli'ehina. Ya nohuto Yesu kohe tose bouba enubuto bilatanamofihi Sipi Bo ai'a keke'i luse foya liloto buto li so kito minalane luto Yesuhi lu eto'ehinamofihi bati hu'ehina yabe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.