Kolose 1:12 - Ka Lamana'a Monoꞌi Lu Mu Tifiꞌehina Ka Yabe

¹² Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

Kolose 1:12 ပူးပေါင်းရင်းမြစ်များ

Matiu 25:34

Ya hinogo'ni kibina bouba ai oloto nayahi lamaga'niga nehana bona'i ma luto lu epilina'mu yabe: Lenali alo. Afo'nifu lenele'mo bati hilibe. Koyapa'i ai kokuluma hiti me'i hiti lolo hu'ehina kana'alo Afo'nifu kapo'a li hokolo hu lepolo'ehina kapo lenali ete tilo.

Yoni 14:6

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Yoni 4:23

ya hu'ehina kana'a alube'mu hu'ehina kana'a ma ahuto hu'ehibe. To bona'i Hu'mamofihi enegelo bi emilata nehanamagi enali enemeha'a hiti bati suhi lusiga suhi lite gelo bi emilabe. Ya nehinogo Afo'nifu ana suhi lite gelo bi emilana bona'i laga'a besilina'mu yabe.

Aposolo 20:32

To yatai nani Hu'mau kaba huse'na'a to lehe'mose'namofihi ka'a yanagu lenele'malube luto aitoga molo lepolo'ohube. Ai ka'atu lenele'mo bati bati huto amuya molo lepalalibe. Ya huto ya'ma bebe sose'na'a pana'alobo'amagihi guna mololatana ya'ma lepilina'mu yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Romu 11:17

To Yuta bona'magi foyagu kofo'ehina oliba yafa supo hite neminabe. To fegutoga bona'magi lopi oliba yafa supo hite nehabe. To Hu'mau hetofa yafamofihi yaha'a mone'a laga hu he'miloto to lopi yafaloti yaha'a mone lito oto hetofa yafa laga hu'ehinalo li molo hepito nagatu sa gilago nogoya'a logoto ana lopi yafamofihi yaha'a le'mo bati nohilibe. Lenali fegutoga bona'magita ya'ma lopi yafamofihi yaha'a molo hepi'ehinana legi hite neminabe. Yana'mu Hu'mau yata'a Yuta bona'magihi mino hetofa huse'na epi'ehina yamofihi lenali fegutoga bona'magita yatai lite bati hite neminabe.

Romu 15:27

Nani ana bona'i lu meepise nohugo enali'ani kaga lite kehelite efahi li nupa hi'ahana yabe. Lali Yelusale bona'i enehe'moto nona'a epilune lite li'ahana. Hena'mube? Yelusale bona'magi yata'a Yesuhi kaga'a lelite bite fegutoga bona'i lu epi'ahago kehelite mine bati nehana. Yana'mu fegutoga bona'magi Yuta bona'i enehe'melata nehanaya, bati huto ni'ibe. Enali Yuta bona'magihi kele kele'i fite efaha'ani epilanagi bati huto ni'inagihe.

Romu 8:17

Yalo'i lali pana'amagita nohunogo ai'a bona'amofihi lusa gi epalalina'a lali hiti limilinagihe. To Hu'mau Kilisitohi hetofa nasana li molo emilina'a ya'ma ana huto limilenogo lilune. To lali Kilisito gabu gise'na'a hiti ya'ma ana huto kofiloto nohunogo ai'a fana meha'a hiti limilenogo liloto aitoga hepito minalune.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

1 Koliti 8:6

Lali ya'ma Hu'ma afotifu moneko'i nohibe luto keheli'ohutamo ni'inagi aitogati ana'ina silaga'i huto hu su ho'ehina. To laliya ai kumu ni'ibe luto hilune luto nohune. To Sipi Bo moneko'i Yesu Kilisitohi ai yanagu ana'ina silaga'i huto hu'ehina to lali ai yanuguko nohune.

1 Koliti 9:23

Silaga nasana yamofihi fa'mene ka lamana'a huto holito bilibe luto lolo hulata hu'ohube. To Hu'mau lusa nogi epoloto nani hiti lusa gi netalibe luto lulata nohube.

2 Koliti 11:14

Ya nehite yamofihi nasana'a fato fato'mofihi mone li'ahabe luto lilupihe? Ya luto meni'ibe. Satau ai hiti ya'ma agelo bona'a fi fana tete enali babeyafa'a lolo hulata nohibe.

2 Koliti 5:5

Ananamofihi lamana'a ya'ma huto hu limilibe luto le'mo babahi hu leto'ehina ya'ma Hu'ma ai'asigo nohibe. Ai ya huto lele'mo hetofa hilina nasanamofihi babeyafa'a ya'ma ai Hu'mamofihi Sikalafu'iya molo leto'ehibe.

Efeso 1:11

To silaga'i ya'ma Hu'mau komopa'atu keheliloto lu molo'ehinalo lilata nohibe. Ai'a koyapa kana'a ekesa kehelito lu molo'ehinalo Kilisito hiti moneko'na minalabe luto lele'mo'ehibe.

Efeso 1:18

To lenegekesa yigise'namofihi li hokolo hulenogo Hu'ma hiti alihi mine bati hilana hapa'a kehelilabe luto, to lenali panana'a alihi lepilube luto lu molo'ehina'a kehelilabe luto, loka nohobe.

Efeso 2:18

Kilisitou ya huto kapo bili letolago lali Yuta bona'i to lenali fegutoga bona'i lali asaga'i Hu'mamofihi Sikalafu'uba lehe'menogo afotifu nohinaga bu nehetilata nohune.

Efeso 3:6

Suguna kamofihi hapa'a ma luto ni'ibe. Ka lamana'a molo'ehinamofihi legeya'a ya'ma fegutoga bona'i lenalitoga to Yuta bona'i enalitoga moneko babeyafalo koguna moneko'i lolo huto nehinogo Yesu Kilisito kumu yabe luto Hu'mau Yuta bonatoga lu molo epolo'ehina lenali li hetofa hite lilabe luto lu'ehinamo ni'ibe.

Efeso 4:6

To lali asaga bona'magita afotifu Hu'ma moneko'i nohinagihe. Ai'asigo mone'na silaga'namofihi Sipi Bo kibina bo minoto nohinagihe. Ai ya huto silaga'na kaba hulata nohibe. To asaga hepatoga hiti to asaga'namofihi komopagu moneko kumu minolata nohina. To asaga'nagu minoto lili'na'a lilata nohinagihe.

Efeso 5:11

Luga'amagi metepunagu to futu'a lolo nehinogomo enali hiti mino mehepilo. Lenali ya'ma ananamofihi'ya li fana tete li hokolo hi etalo.

Efeso 5:20

Ya nehite Sipi Boti Yesu Kilisito gi'a liyafa hite kana'amu kana'amu silaga'namu Hu'ma afotifihi fokehi hete minalo.

Efeso 5:4

To kolo tana ka yagi, negi nagi ka yagi, to kiya yokolo ka laga mehinana'a yagi lilana'ya laga mehilube'mu hibe. Hu'mamofitoga fokehi lite minalo.

Efeso 5:8

Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Hibulu 12:23

to ai yagapana'a lamana'a enigi'ani kokulumalugu koyo molo'ehina'a enali enegelo bite li nupa hite minanalo bu neheti'ahabe. Ya nehite asaga bona'i hapa'animu foipana'animu guna molo epalalina bo, Hu'mau nohinalo ime ime neheti'ahana. To lamana hite mine'ahana bona'i buto i segito minolata'nagu enele'mo molo'ehina'a enali suhi hite molo emi'ahanamo ni'ibe.

Hibulu 3:1

Ya hu'ehina'mu mono bo nalalu'nigita, kokulumagu naga'i lolo hilabe luto Hu'mau elesa molo lepi'ehina. Lenali keheli emilata nohutamofihi mono ka leli'ali bo to mamufa gi emilata bo sipi'a Hu'mau ho lifi'ehina bo, Yesuhi bu go bati hite bu ge'ehilo.

Hibulu 3:14

Lali asaga'i hapi fito keheliya ise'na ya'ma to fifa ilata nohuta li gehesalo nehetilutamofihi ya'ma Kilisitohi agoyana'a guna moloto li pili koto nominota bona'i lolo huto nohilune.

Yemesi 3:9

Kenetufatiuba ya'ma Sipi Bo afotifihi fokehi holata nohune. To Hu'mau ai'asi suhi huto enele'mo huto hu'ehina bona'i ya'ma kenetufatitu huli ka epekilata gumi'i molo enoholata nohune.

1 Pita 5:1

Lenali mono'i kaba bo nehana lenali'i nani ana huto kaba bo lenalalutinifita ka nolepube. Nani Kilisito ai kumu keke'i luse'namofihi gupisalo tito mino'ehina yamofihi nubu'niloti bati huto bu go'ohuna yabe. To nani ana huto ai fana meha'a alihi huto huto nohinogo ana fana meha'agu minaluna'mu yabe. Nani ya huse bomofita lenekesa lu hokolo huto lu nolepugi kehelilo.

1 Yoni 1:3

Yamofihi ya'ma bu goto lito hu'ohutamo ana huto lenalitoga lu lepilata nohutamo ya'ma lu lepilenogo ai kumu komopati monekotoga bati huto hepito minalune luto hulata nohune. To ana huto lenali hiti lali hiti komopati hepi lamana higo nominoto afotifitoga to pana'a Yesu Kilisito aitoga hepito minalune luto yabe.

Huto Hilina Ka 21:23

To ana hepato ikahi yegemofihi fana meha'auba fi besa lalina foya'a meni'ibe. Hu'mamofihi sekele mamu'a hiti fana meha'auba fi besa lalina'mu yabe. To ai sipisipi nala'auba libi'i lolo huloto minalube'mu hibe.

Huto Hilina Ka 22:14

Gukete'ani okala hite gulu gulu gu'ani le'mo bati bati nehana bona'magi kumu kehelugo laga'ni nebesilata nohibe. Enali ya'ma lu epinogo'ni ule'ale huto minolata yafamofihi legeya'a nelete minoba minoba nehana'amagihi ya'ma epinogo'ni nalabe to ya'ma nohi hepa'mofihi kasinugu tilabe.

Huto Hilina Ka 22:5

To ana hepato ya'ma metepu mone meilube'mu hibe. To libi'afi to yegemofihi fana meha'a yamofihi foya'a mone huto mehilube'mu hibe. Hena'mube? Sipi Bo, Hu'ma ai'a ya'ma fana meha'a epinogo minalana'mu yabe. To hepa'i afo'afu enali enigihiti bo kaba hise foya lelite mineme bite minalana'mu yabe.