Hibulu 7:9 - Ka Lamana'a Monoꞌi Lu Mu Tifiꞌehina Ka Yabe

^9-10 Yata'a Libai ana kanaguai huto huto mehu'ehinaya, tata'afihi Abalahau nohigo Melekisitekiu fo tumala neha'igo Abalahau yogo fe'nohi li emi'ehina. Ana yupahi Libai tata'afihi gufa'agu ana suhi huto mino'ehina. To ai bonatogati yogo fe'nohi nayahi su hola hola higo ni'inaguti ana'ina moneko moneko'i lilata nehana bona'magihi bahalo'anifu nohuto Abalahahi meha'aga nohuto fe'nohi ana'ina ya'ma Melekisitekihi li emi'ehina.

Hibulu 7:9 ပူးပေါင်းရင်းမြစ်များ

Matiu 7:8

Bona'i enali Hu'mamofitoga loka hete nunumu nehana. Ai epilata nohibe. Bona'i sa sa hilinauba li huto hulata nohibe. To kasito noina bona'mofihi kasihi hokolo hu etolata nohibe.

Romu 5:12

Yata'a kanaguti bo moneuba Atau nohuto foipana li huto hu'ehina. Ya hu'ehigo filise'nauba ma melugu huto hu'ehina. To ya higo yege yege bona'magitoga foipana huto higo filise'nauba ananamu'i tili tele higo analo bona'i fililata nehabe.

Hibulu 7:4

Sipi gihiti bo nohinagi kehelilo. Melekisitekiu ya'ma gihiti bo lolo huto nohigo bahalotifu legeya'a Abalahau ai minomo tito mino'ehina, aiya lubaguti bauna nasana lamana'aloga leka soto guna mololoto yogo fe'nohi nayahi su hola hola huto ni'inaguti Melekisitekihi moneko moneko li emi'ehina yabe.

Hibulu 7:8

Mone kegi'a ya'ma kuguhi koyo emilata nehana bona'i enali mineme bite fililana yamagi bona'magihi yogo fe'noha'ani nayahi su hola hola higo ni'inaguti moneko moneko'i lilata nehabe. To mone kegi'a ana nasana moneko moneko li'ehina bo Melekisitekiu ya'ma minoba minoba nohina bo yabe lite mono bukugu fayahi keye'ahanamo ni'ibe.