Hibulu 7:3 - Ka Lamana'a Monoꞌi Lu Mu Tifiꞌehina Ka Yabe

³ Melekisitekihi ito'afugo afo'afugo mine'aha'inaya etigi'atiti mekeheli'ohune. Ai'a enigiko enagako bona'a asaga'i fenene hu'ehigo mekeheli'ohune. Enali hapa'animu sa sa hite li huto mehi'ahanamo ni'ibe. Ai minoto lito hu'ehinaya, ito'afu keto'ehina kana to minoto fili'ehina kana'a ya'ma mekeheli'ohune. Ai Hu'mamofihi pana'a legi huto mamufa gilata nohina bo molo emito minomo buto mino'ehina nohibe.

Hibulu 7:3 ပူးပေါင်းရင်းမြစ်များ

Matiu 4:3

Ya higo Satau aitoga henetiloto ma luto lu emi'ehina: Kai Hu'mamofihi pana'mo nohutomo ka'ma ni'ina efahi lu epitogo nose'na lolo hino.

Hibulu 4:14

Yana'mu lali mamufa gi letolata bo sipi'a tito mino'ehina moneka nohuta bo Yesu Hu'mamofihi pana'a aisigo ya'ma kokulumagu Hu'mamofihi maha'aluga tito nohibe. To ana suhi huto nohu letana ni'inaya mono ka'a lulata nohuta yamofihi li pili koto lubuto bilatanamofihi ka'a keheli ule'ale huto mino lito buto minalune.

Hibulu 7:1

To Melekisitekiu ai ya'ma Seleme hepatoga gihiti bo to Hu'mamofihi sipi bomofihi ai mamufa gilata bo mino'ehina. Abalahau ai fato hepato buto enigihiti bona'magihi kalana'i moloto enoho logo'ehinalo i behe huto noago Melekisitekiu ai buto kapolo fo tula hoto Abalahahi be tigito lusa gi eto'ehina.

Hibulu 7:17

Ai kumu mono bukugu ka'a ma lite fayahi keye'ahanamo ni'ibe: Kai ya'ma Melekisitekihi babeyafa huto mamufa gi emilata bo nagaluguti huto hilata minomo buto foto'i moloto minalane, lite keye'ahana yabe.

Hibulu 7:2

Ya hu etolago Abalahau lubaguti bauna nasana leka soto guna mololoto nayahi loemo su hola hola higo molo'ehinaguti moneko moneko lito Melekisitekihi emi'ehina. Ya'ma Melekisitekihi gi'amofihi hapa'a lali katiguti ya'ma gihiti bo bebe sose'namofihi afo'afu mino'ehina. To Seleme hepa'mofihi gihiti bo mino'ehina hapa'a lali katiguti ya'ma fulu huse'namofihi afo'afu nohina yabe.

Hibulu 7:6

To Melekisitekiu ai ya'ma Libaihi li gehesaguti huto hu emi'ehina bouba ya'ma Abalahahi ana'ina'a silaga'i nayahi su hola hola higo ni'inaguti ya'ma moneko moneko'i li'ehina. Ya huloto'a Hu'mau lu eto'ehina nasana le'mo hetofa higo li keheli'ehina bo Abalahahi ya'ma lusa gito molo eto'ehina.