Hibulu 7:2 - Ka Lamana'a Monoꞌi Lu Mu Tifiꞌehina Ka Yabe

² Ya hu etolago Abalahau lubaguti bauna nasana leka soto guna mololoto nayahi loemo su hola hola higo molo'ehinaguti moneko moneko lito Melekisitekihi emi'ehina. Ya'ma Melekisitekihi gi'amofihi hapa'a lali katiguti ya'ma gihiti bo bebe sose'namofihi afo'afu mino'ehina. To Seleme hepa'mofihi gihiti bo mino'ehina hapa'a lali katiguti ya'ma fulu huse'namofihi afo'afu nohina yabe.

Hibulu 7:2 ပူးပေါင်းရင်းမြစ်များ

Matiu 1:23

Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.

Luku 2:14

Ifo muyagu Hu'mamofihi gi'a le'mo saga hite mineno. To melugu bona'magi kumu Hu'mau ipa'agu ai laga besinana enalitoga fuluna hu noepalabe.

Romu 3:26

Yatai kana'alo Hu'mau bona'magihi foipana'ani he'mi epoloto enele'mo bati nohibe. Ya nohuto hapa'a bati huse'na ni'inamofihi lelepi'ehibe. To ana huto bona'magi komopa'ani Yesuhi keheli ule'ale hi'ahana'mu Hu'mau enele'mo bati hulata nohibe.

Hibulu 7:1

To Melekisitekiu ai ya'ma Seleme hepatoga gihiti bo to Hu'mamofihi sipi bomofihi ai mamufa gilata bo mino'ehina. Abalahau ai fato hepato buto enigihiti bona'magihi kalana'i moloto enoho logo'ehinalo i behe huto noago Melekisitekiu ai buto kapolo fo tula hoto Abalahahi be tigito lusa gi eto'ehina.

Hibulu 7:3

Melekisitekihi ito'afugo afo'afugo mine'aha'inaya etigi'atiti mekeheli'ohune. Ai'a enigiko enagako bona'a asaga'i fenene hu'ehigo mekeheli'ohune. Enali hapa'animu sa sa hite li huto mehi'ahanamo ni'ibe. Ai minoto lito hu'ehinaya, ito'afu keto'ehina kana to minoto fili'ehina kana'a ya'ma mekeheli'ohune. Ai Hu'mamofihi pana'a legi huto mamufa gilata nohina bo molo emito minomo buto mino'ehina nohibe.