Galesia 6:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya huto ni'igo ana'ina lamana'amu ya'ma kosele'i mehose amuya moloto lito ho tito hilune. Buto kosele'i melahalutamofihi Hu'mau molo'ehina kana'alo minoba minoba huse nasana li huto hilutana yamofihi legeya'a lilune.

Galesia 6:9 ပူးပေါင်းရင်းမြစ်များ

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

Matiu 24:13

Ya hu'ehina bona'magi amuya melete nani kumu li pili kete nehago nani aku aluna Hu'mau enubuto bilina'mu yabe.

Matiu 25:17

To kaba bo'auba 2,000 kina emi'ehina bouba ana huto bisinisi mololoto aku'i 2,000 kina molo emito mone'a hiti efahi huto li'ehina.

Matiu 9:19

To Yesu ho tito ana bo mege'i nobigo Yesuhi koko pana'a ana hite mege'i melete bi'ahana yabe.

Maki 3:3

Ya nehago, Yesu yahi yufu no'ehina bomofihi lu emi'ehina: Ho tito maga obo, luto lu emito'a yalo enali kumu ma luto enoloka habe:

Luku 18:1

To kosele meenehenogo ute etehi nunumu hilana bame ka Yesu lu epito ma luto lu epi'ehina:

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

2 Koliti 4:1

Hu'mau ai keke'i luse'namu foya'a yamofihi lu leto'ehinamo ya'ma to komopatigu keta mehina'mu kosele'i kasele'i mehone.

2 Koliti 4:16

Lali ya hu'ehina'mu yabe luto kosele'i kasele'i mehone. Lugufati lagabu'i gilata nohinaya kana'amu kana'amu komopatigu lele'mo amuya hulata to kosaba'i asaga yupahi limilata nohibe.

2 Koliti 9:6

To kefahi li nupa hilana'mu fono ka ya'ma ya luto noluna keheli'ehilo. Lenali bigaha'a nesi'a ho kafaluta ya'ma minoto legeya'a nesi'asigo lilune'mu hune. To bihi nasana asaga bihina lolo hiluta yamofihi minoto samahi tito lilune'mu hune.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

2 Tesalonika 3:13

Lalalutigita, lenali ana'ina lamana'amu foya'a lilatana ya'ma kosele'i meleneheno.

Hibulu 12:3

Foipa nasana lilata bona'i kegeiyo hite ita bi'ahana enali ya suhi hi emigo ai keheli he'mito amuya molo'ehina. Lenali ai kumu keheli emite kosele'i meleneheno. Komopatini hekini lo laligi ai'i li pili kalo.

Hibulu 12:5

To Hu'mau panana'ni yabe luto luloto amuyatini lito lenele'mo amuya moloto ka'a mone lu lepi'ehinamo ya'ma lenegekesu ho'ehifiye? Ya. Ka'a ma luto lu'ehina: Pana'ni kai'i Sipi Bouba kele'mo bati hilube luto ka kemekinogomo osahi kimilina'mu kehelitogo sibina mehino. To foipa nasana'mu ka kemekinogomo komopaka hekini meleno.

Hibulu 3:14

Lali asaga'i hapi fito keheliya ise'na ya'ma to fifa ilata nohuta li gehesalo nehetilutamofihi ya'ma Kilisitohi agoyana'a guna moloto li pili koto nominota bona'i lolo huto nohilune.

Hibulu 3:6

Ya huto mino'ehinaya Kilisitou ai ya'ma pana'auba Hu'mamofihi noha'alo lolo hi tegi hite mine'ahana bona'magihi kaba nohu epoloto Hu'mau lu'ehinalo foya amuya moloto lilata nohibe. Noha'aya lali ya'ma nohune. To yamofihi fa'mene'mu meni'ibe. Ana'ina le'mo babahi hu leto'ehina yana'mu luto ka'a li pili koto agoya hu emito minoto komopatigu bati nohinogo keheli emito mino lito nobinogo kanati su nehenogomo ya'ma Hu'mamofihi noha'a lolo huto nohune luto lilune.

Yemesi 5:7

Nalalu'nigita, Sipi Bo i behe huto alina kana'amu kosele kasele'i melenehenogo ai kumu bati hite minalo. Lenali akeheli'ahabe. Biha'a ho kefe'ahana bomagi foya'ani he kelelete kohe toto noina ko'i hiti to alihi noina ko'i hiti ilago nose'na kana huto huloto nose'na legeya'a lamana'a nalune lite kosele'i mehese minelata nehabe.

1 Pita 2:15

Lenali ya hilata nehana lamana'a lolo hilana yauba enabagalo hekini nolago lenali kumu negi nagi ka lilata nehana enabaga enele'mo fu li epalalabe luto ligo Hu'mau keheli molo'ehina.

1 Pita 3:17

Lenali bati suhi hite neminenogo kalana'i mele lepelenogo Hu'mau kehelinogo bati hinogo yauba tilina'mu yabe. To lenali foipana nelinogo kalana'i mele lepelenogomo yauba limilina'mu yabe.

1 Pita 4:19

To ya hu'ehina Hu'mau lu kehelinogo bati hulenogomo keke'i luse'na'animofihi gupisalo tilana bona'i enali komopa'ani'ya le'mo huto hulata bo Hu'mau ai'a ligo amuya mololata bomofihi kaga'amu fifa ite kaba huse'nagu mine lite tite lamana hite minalabe.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Huto Hilina Ka 2:3

To amuya melete minoba minoba hite nani kumu keke'i luse'namofihi lenugupisalo melelago kosele'i melenahago bati hite neminabe.

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.