Galesia 6:4 - Ka Lamana'a Monoꞌi Lu Mu Tifiꞌehina Ka Yabe

⁴ Yana'mu folagahatiniguti mone'amagi eto eto hite hapa hapatini bu go bebe salo. To hapatini mone bati hinogo bu gelete ana hapa hapatini lenegelo bise kamofihi huto hilina. Yamofihi lenalitini lite melete hilana yanauba li huto hilibe. Bona'i mone'amagihi hapa'aniga keheli melete legegeto hilafi lite ya melilo.

Galesia 6:4 ပူးပေါင်းရင်းမြစ်များ

Luku 18:11

Ai Felosi bouba ho tiloto faha'alo buto ho tito nohuto ma luto nunumu komopa'agu hu'ehina: O Hu'mao, nani bona'i luga'amagi suhi huto menohube ya'mu nani kegepohi nolube. Bona'i gumina felete to bo alobo loko hila ya hila nehana bomagihi suhi huto naniya menohube. Ana huto ya'ma bo ai takisi lilata nohina bo legi huto menohube.

1 Koliti 11:28

Yamofihi beleti nose'na hiti bai nagami'i hiti nalune'mu nehitemo kohe tete komopatinigu kaga ni'ilina sa sa hilete nalo.

1 Koliti 3:14

Bo moneuba lukesamofihi gupisalo nohi gi'ehina ana logouba lo su mehalinagi fa'mene minalina yamofihi ai'a mina'a lilina'mu yabe.

1 Koliti 3:8

Lito kofolata nohuna to nagami'i ligilata nohina le'ali moneko legegeto nohu'ibe. Mina'a ya'ma lili'na li'ohu'ina legegeto eto eto huto lilu'ina'mu yabe.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 13:5

Lenali ya'ma lama'na ka mono kagu nehafi menehafi komopatinimofihi fi taga hi etete bu geletetini yamofihi hapa'a lu huto hilo. To Yesu Kilisitohi ya'ma komopatinigu le'mo malago nominanamofihi hapa'a akeheli'ahafi ya? To komopatinigu menominogomo lenali ka'a keheli fetaga hi'ahafi, kehelilo.

Galesia 6:13

To enugufaga keya'i laga hi'ahana bona'i enali Moseu keya ka lu'ehina ka mone kegi'a mege'i menemalabe. To lenali ma lite nekehelibe. Lenali hiti enali hiti keya'a hiti nehite molo emilenogo enali'ani enugufa'ani lelite tilune'mu nehabe.

Filipai 1:26

To ya hulenogo lenalitoga aku'i buto minenogo lenali Polu kumu yabe lite Yesu Kilisitohi fokehi li ete'ahanamagita aku'i molo emito fokehi mone hiti li etalabe.