Galesia 6:2 - Ka Lamana'a Monoꞌi Lu Mu Tifiꞌehina Ka Yabe

² To keta lenoholata nohina nasana yamofihi ai he'menogo ai he'menogo nehite Kilisitou ka lu molo'ehinamofihi ya'ma bati hite kehelilana'mu yabe.

Galesia 6:2 ပူးပေါင်းရင်းမြစ်များ

Matiu 8:17

Ai ana huto hu'ehinagi koyapa'i Aisaiyau bu go'ohuto kaga molo'ehina: Ai lebesise'namo li he'mi leto'ehibe. Ai lugufati sibina hu'ehinanamo aigoko'i kofito bu'ehina.

Luku 11:46

Ya ligo Yesu ka'alo lu'ehina: Ehe, lenali keya kaga kehelise bo kaba hu bati hilo. Lenali asaga yupahi boana'i keya kagatinimofihi ana'ina li keta fi epelelago enali enigi'nalo keta'mu filite kofite nebago to lenali lenayahi kosa'atu'i mone anana li enehe'melata menehabe.

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

Yoni 15:12

Ya'ma luto nolu lepolobe. Komopa'ni lepilata nohuna ana suko hite lenali komopatini ai eminogo ai eminogo helite bilabe.

Romu 15:1

Lenali Hu'mamofihi keheli amuya nemalanamagita bona'i komopa'anigu keheli bati mehanamagihi ketana'ani kofi epelete enehe'malo. Ya hite, lagatini lepesise'nalo mege'i memalalo.

Romu 8:2

Henabe lutobe? Sikalafu'mofihi kagauba lali'i Yesu Kilisitotoga lele'mo hepiloto foipana nagaluguti hiti to filise'na kapoluguti ahe'mi leto'ehigo mino kosaba husemofihi lilata nohune.

1 Koliti 9:21

To fegutoga bona'i enali Moseu keya ka lu'ehina ka mekeheli'ahana bona'i Kilisitotoga enele'mo malalube luto fegutoga bona'magi enalitoga mino moloto keya ka mekehelise bo suhi huto lolo huto mino'ohuna. Ya'ma Hu'mamofihi bulo ya'ma ai'a lu'ehina ka'a mege'i memalalube luto melilube, nani'ni Kilisitou lu'ehina ka'a mege'i moloto keheliya i'ohube.

Galesia 6:5

Foyamofihi ketana'a aguna ito le'mo eto eto huto afo'agita lolo huto nohune.

1 Tesalonika 5:14

Lalalutigita, lenegekesa li hokolo huto lenogo'na bito lu nolepune. Bona'i luga'amagi foya melise nehanogo enali enegekesa lilo. To luga'amagi enelesa nelinogo neminana enele'mo hetofa hilo. To luga'amagi keheli ule'ale mehise loe lae nehinogo enali enele'mo amuya hilo. Ya hite asaga bona'magitoga legeso hite minalo.

Yemesi 1:25

Bona'i luga'amagi Hu'mau keya ka lu'ehina lama'naka lite enehe'mo'ehina kagamofihi Hu'mamofihi hapa'amu sa sa helite nebinogo enegekesu mehenogo keheliya ite minalana ya'ma Hu'mau lusa gi epelenogo enegelo bite minalune'mu nehabe.

Yemesi 2:12

Hu'mau lu laga huto lu'ehina kagauba lele'mo bati huto lubuto bi'ehina ka'a keheliya ilana'a hiti keheli he'milana'a hiti lele'mo nupa huto loko hu letalube'mu nohibe. Ya hu'ehina'mu kaga kehelite ana'ina nelite noluna kaga'mu kehelite minalo.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

1 Pita 2:24

Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

2 Pita 2:21

Bona'i ya'amagi enali kapo lamana'a mekehelise minatita ya bati hatita'mu yabe. To kapo lamana'alo kehelilete yalo aku'i Hu'mau lu molo epolo'ehina kaga lamana'amofihi enemegesa hu emite i behe hite ete kosaba kapo he'mite tafa'a kapolo nebago ya'ma bati mehu'ehina sibina hulata nohibe.

2 Pita 3:2

To lenali mono ka leli'ali bona'i Hu'mau enele'mo ho ti'ehinamagi koyapa'i fono ka fono ka li'ahana ka hiti to lenali'i aposolo bona'magi Sipi Boti lubuto bilata bouba lu'ehina kamo lu lepi'ahana ka ya keheli bati hite kehelite minalabe luto nolube.

1 Yoni 4:21

Kilisitou lu molo'ehina ka'a ma luto kehelilata nohune. Lenali Hu'mamofihi komopatini emite nehanamagita lenalalutinigihi ya'ma komopatini ana hite epilo.