Galesia 5:4 - Ka Lamana'a Monoꞌi Lu Mu Tifiꞌehina Ka Yabe

⁴ Lenali luga'amagi keya ka kehelinogo foipanati meminenogo Hu'mamofihi bulo lamana bona'i nohune lite nelana lenali Kilisito hiti hepite mu tifi'ahanamofihi laga hilete nehago aitogati lenehe'mose'na'a nehe'mibe.

Galesia 5:4 ပူးပေါင်းရင်းမြစ်များ

Romu 11:6

Enali hetofa suhi lite mine'ahana bona'i nehago enele'mo'ehifiye? O'e, ai'a ginaga fi epolo'ehinalo enele'mo'ehibe. To hena'mube? Ai enali hetofa suhi lite mine'ahanalo enele'matita enali Hu'mau lusiga luto ginaga fi lepolo'ehifi ya mehu'ehifi lite mekehelitine.

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

Galesia 2:21

Yesu nofilito Hu'mamofihi lehe'mose'na'a nele'mo hetofa hu'ehinamo ni'igo ya'ma li sibina huto he'miluna'a meni'ibe. Lu laga huto lu'ehina ka'a ema'alo keheliloto foipanati meminago Hu'mamofitoga lele'mo lamana higo mino'ehinalo ni'itita ya'ma Kilisitou ai'a fili'ehina'a fa'menena lolo hitine.

Galesia 5:2

Nani Poluita lu lepilugi kehelilo. Lenali keya kagamu'i lugufa laga huto minalune lite keheli epilana ya hite, Kilisitohi lenehe'mose'nauba lenalitoga fa'menena lolo hilina'mu yabe.

Hibulu 12:15

Lenalitogati bo mone Hu'mamofihi lehe'mose'na li he'mito i behe huto bu laligi kaba hite minalo. Ya nehite komopatinigu ekesa'namofihi foipana moneuba leneme'na leneme'na bito lulata nohina ya suhi huto komopatinimofihi ekesa'nauba sipi hulenogo bona'i yege yege'magihi komopa'ani haya kolo laligi kaba hi epelelete minalo.

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Huto Hilina Ka 2:5

Kohe toto ifo'aga meya mono kamu'i bati humofa'na hite mine'ahana yatai ya'ma alo'i behelefe limi'ahabe. Lenali ya hi'ahana'mu aku'i kehelilete foipanatini li he'milete komopatini i gelehe hite kohe tete bi'ahana kapomolo aku'i ya'ma i melete bilo. Ya suhi mehinogomo nani lenalitoga henetito libitini li soboto li he'miluna'mu yabe. Komopatini li gelehe mehinogo yamofihi li lepalaluna'mu yabe.