Galesia 4:9 - Ka Lamana'a Monoꞌi Lu Mu Tifiꞌehina Ka Yabe

⁹ To yatai lenali Hu'mamofihi hapa'a bu go fotogo nehabe. Ya'mu ya'ma luto lu nolepube. Lama'naka. Hu'mau lenali'i bu lenogoto nohibe. Ya higo fa'menena gusunupa'a meni'ina felisa meni'ina yamofihi henabe luto aku'i lenogobisa emite ya'ma felemagihi nasana'mu agoya nehi etete neminabe?

Galesia 4:9 ပူးပေါင်းရင်းမြစ်များ

Matiu 11:27

Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Luku 5:38

To yuhufa bai nagami'iya yuhufa sipisipi yaga gufa'a konugu limilina'mu yabe.

Yoni 10:14

Nani sipisipi yaga kaba bo'ani bati'a nohube. Afo'nifu nani kumu keheli'ehibe. To nani ana huto ai kumu keheli'ohube. Ya nohuto'ni sipisipi yaga'ni enali kumu ana huto akeheli'ohuna yabe. To enali ana hite nani kumu akeheli'ahana yabe. To nani enali kumu enubuto bito fililube'mu nohube luto lu molo'ohube.

Yoni 10:27

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Romu 8:29

Hu'mau fuku lu'ehina bona'i enali'i pana'a Yesu yabe moneko babeyafa hite gona'a lolo huto minalabe luto Yesu yege'a pana'i minoto naga'a enele'mo molo'ehina yabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

1 Koliti 13:12

Ana suhi huto yatai kana'a kehelilata nohuna ya'ma gapo gapo'uba lokaba labaga li gelehe higo bu goto bu go fe luse mehu'ohuta ya suhi huto ni'ibe. Aliha'a ai bulo bu genogo ai bulo bu genogo huto bu galune. Yatai kana'a kehelise'na hiti mone kegi'a anasi keheli'ohune. Alihi kana'a keheli su halune. Aliha'a yamofihi legeya'a lamana'a lubulo huto hinogo Hu'mau lali hapati keheli su ho'ehina ya suhi huto lali bu goto keheli fe luto kehelilune'mu hune.

1 Koliti 15:34

Lenali ya'ma komopatini hokolo hinogo eto hite nehite foipa nasana lenemegesa hi emilo. Lenalitogati bona'i luga'amagi Hu'ma kumu menekehelibe. Yamofihi fa'mene kehelinogo lenubuya hilibe luto nolube.

1 Koliti 8:3

Luga'amagi enali komopa'ani Hu'mamofitoga molo hetofa hilana enali ya'ma Hu'mau kehelinogo bati hilune'mu habe.

2 Koliti 11:20

To koko yagapanatini lenele'mo malalune'mu nehite, to nose'natini lenebesilite nalune'mu nehite, to fi taga hi lepelete nehite, to enigihiti bo lolo hi lepalalune'mu nehite, to lenogolaga lenabaga i gofa halune'mu nehinogo yana'mu lenali kele'na ka meepekise keheli epilata nehabe.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Galesia 3:3

Hena'mu negi nete mine'ahana ni'ibe? Hu'mamofihi Sikalafu'mofihi kapo'alo hapi hite lelite tite bi'ahanamo yabe. Ya'ma yatai he'mite tafa kapomogu bite nehetilafihe?

Galesia 4:3

Ana suhi ya huto lali koyapa'i Hu'mamofihi kagu olopa bona'magi suhi huto meminose melugu bona'magi lu laga hi'ahana ka mege'i mololata hu'ohuta yabe.

Efeso 1:17

To Hu'mau Yesu Kilisito Sipi Botimofihi afo'afu, fana meha'a hiti afotifu, ai mehi lepito lenegekesa le'mo hokolo hinogo to Hu'mamofihi hapa'a lu lepilenogo lenali keheliya ite Hu'mamofihi hapa'a keheli fotogo hite ya hilabe luto loka nohobe.

2 Timoti 2:19

To Hu'mau lu molo'ehina kagamofihi lukesa kefatu fi'ehina suhi huto ule'ale nohinogo nasana moneuba le'mo mopo mopo mehilina'mu yabe. To ana lukesalo Hu'mau fayahi ya'ma luto koyo'ehinamo ni'ibe: Sipi Bouba ai yagapana'a bu enogo keheli bati hulata nohibe. To mone'i ya'ma luto koyo'ehinamo ni'ibe: Sipi Bomofihi gi'a helata nehana bona'i enali laga hina mehina nasana mele'isi he'mi su hete foipanamofihi enemegesa hi emilabe.

Hibulu 7:18

Ya hu'ehina'mu ya'ma lu laga hite li'ahana kaga koyapa'i li'ahanamofihi amuya'a meni'inalo legeya'a mone huto mehu'ehina yabe lite le'mo kosaba hi'ahana.

2 Pita 2:20

Keheli'ahafiye? Bona'i luga'amagi enali Sipi Botiuba lubuto bilata bo, Yesu Kilisitohi hapa'a ya'ma bati hite kehelilata bo yabe lite mone'ani meni'ina'amagihi enemegesa hu neeminogo ai'a aku'i enogobisalo oto enikibina bo enele'mo mololenogo aitoga i hepite bati hilana'a ya koyapa'i hapi fite minete lite hi'ahana yanauba sibina nesi'asi hu'ehina. Aliha'a minete lite hilananauba foipana napa hilina'mu yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.