Galesia 4:8 - Ka Lamana'a Monoꞌi Lu Mu Tifiꞌehina Ka Yabe

⁸ Fegutoga bona'i lenali koyapa'i Hu'mamofi kumu keheliya meise faga faga lugefamofihi nasana kele kele'i hi epite minete nagalugu minete agoya hi epelete mine'ahana yabe.

Galesia 4:8 ပူးပေါင်းရင်းမြစ်များ

Yoni 1:10

Ana Kaga ai melugu nohuto to yana Hu'mamofihi Kaga'auba asaga me'momu'i lolo li huto hu'ehina ni'inaya to melugu boana'magi ai'i keheli bati mehi'ahabe.

Aposolo 14:12

Ya lite kehe ilete Banabasihi Yeusio lite gi mele'ahana. To Polu kaga lulata bo nohibe lite gi'a Hemesio lite mele'ahana.

Aposolo 17:23

Lenali komopatini emilata nehanana asaga'i hepatinigu ni'ina nani kapo nomoloto'ni abu go su ho'ohube. To kuguhi gelata nehana hepato kaga mone ma lite fayahi gete mele'ahago bu go'ohube: Ya'ma mekeheli'ohuta nasana meha'alo yabe. To lenali ya'mananamofihi meha'a bu mege'ahananalo komopatini emite fa'mene'mu minelata nehana yatai nani kaga'a lu hokolo huto lu nolepube.

Romu 1:23

Enali ya'ma minoba minoba nohina bo, Hu'ma, ai'a gi'a liyafa mehite to fokehi melilata nehabe. To mone enali'ani lolo hi'ahananamofihi ya'ma liyafa hite kanipo nefibe. Ana'ina meha'a lolo hite yege nefibe. Bomofihi meha'a yagi namamofihi meha'a yagi kafa'namamofihi meha'a yagi osifa meha'a yagi efapotufi yafatufi lolo hilete lipite yege filata nehabe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

1 Koliti 1:21

Ya'mana hapa'a ma ni'ibe. Hu'mau kehelise'na'a amuya huto nohigo bona'i enali'ani kehelilata nehana yanatu Hu'mamofihi hapa'a bu galune lite alune'mu bati mehi'ahana. Ya'mu Hu'mau keheligo bati higo Kilisito fili'ehina ka'a lu epise'na ya'ma bona'magi kehelite negi nasana yabe lite nelana'a ya'ma bona'i luga'a lu epugo kehelite aitoga agoya hu emilune lite fifa neigo Hu'mau enubuto bilata nohibe.

1 Koliti 12:2

Lenali koyapa'i mono ka mekehelise bona'i nehago lenegekesa fi hekini lago negi nete nasana luga'amofihi faga faga lugefagu bite i hepilata hi'ahanamo yamofihi keheli'ahanamo ni'inagihe.

1 Koliti 8:4

Ya hu'ehina faga lugefamofihi seba'amu ya'ma luto kehelilata nohune: Faga lugefa ai ya'ma nasana lamana'a meni'ibe. Hu'mau ai moneko lamana'a nohibe.

Galesia 4:3

Ana suhi ya huto lali koyapa'i Hu'mamofihi kagu olopa bona'magi suhi huto meminose melugu bona'magi lu laga hi'ahana ka mege'i mololata hu'ohuta yabe.

Efeso 4:18

Enali ya'ma komopa'ani enegekesa hokolo mehigo negi nagi nete komopa'ani hekini lolago fa'mene mine'ahana. Enali Hu'mau lele'mo bati huse'na'amofihi melise nehite enegekesa sibina higo mine'ahabe.

1 Tesalonika 1:9

Ana bona'magi asaga'i lenalitoga buto nohutogo lele'mo lamana hi'ahana kaga'a lelite ete limilata nehabe. To ana hite, lenali ya'ma bona'mofihi meha'a nasana lolo hite mine'ahana lenemegesa hi neemite Hu'mamofihi amuya bo'a lamana'a lolo hite aitoga i ke'mete agoya hu emi'ahana ka lalitoga beto nehana yabe. Ai Hu'mau minoba minoba hulata bologa lenemehi emilata nehana keheli'ohune.

1 Tesalonika 4:5

Moko lise lenegekesa kehelise bo alobo topa helatana yamofihi meni'ibe. Fegutoga bona'magi enali Hu'mamofihi hapa'a mekehelilata nehite ya'ma foipa suhi hilata nehago lenali ya suhi hi lalabe lutomo ni'ibe.

2 Tesalonika 1:8

logo guluya meha'a sipi'a hiti limiloto Hu'mamofihi mekeheli'ahana bona'i to Sipi Bomo Yesuhi ka lamana'a keheli meemi'ahana bona'i nona'a foya epilina'mu yabe.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.