Galesia 4:6 - Ka Lamana'a Monoꞌi Lu Mu Tifiꞌehina Ka Yabe

⁶ To lenali Hu'mamofihi pana'i lolo hite nehana yabe luto Hu'mau pana'amofihi Sikalafu'uba komopatigu ho lifigo limi'ehina. Limito nohigo lali Hu'mamofi kumu: Oho, Apaobe lulata huto nominone.

Galesia 4:6 ပူးပေါင်းရင်းမြစ်များ

Maki 14:36

To ma luto nunumu huto lu'ehina: Oho. Apaobe. Afo'nigase. Kai amuyaka hiti bo nohane. Kai asaga'na hilatana mone keta mehu keto'ehina ni'ibe. To ya'ma hu netalube'mu nohataya he'milapiye? Kai keheli'ahane. Ya'ma nani foya'ni meni'ibe. Kaika so ki'ahatanamofihi hu netobo. Afo'nigabe.

Luku 11:13

Yalo ana huto lenali bo foipa'amagita yagapanatini enele'mo hofa telete ana'ina bati hu'ehina enegelo bite epilata nehabe. Ya suhi lito ana huto kokulumalugu nohina bo, Afotinifu, ai'a hapa'a sipi hetofana ni'igo aitoga loka halune'mu nehana Hetofa Sikalafu'a epilina'mu yabe, luto Yesu koko panana'a lu epi'ehina.

Luku 11:2

Ya noligo Yesu ma luto lu epi'ehina: Lenali nunumu hilune'mu nehitemo ma lite lilo: Afotiga, kai kigika hetofana huto minalibe. Kai kapoka ai huto hino.

Yoni 14:16

Ya hilenogo'ni Afo'nifitoga Sikalafu'i ka lamana'amofihi afo'afu ai lenehe'malina ai'i loka holenogo lepilibe. Ya'ma Sikalafu'i lepilenogo ai hiti lenalitoga minoba minoba hilina'mu yabe.

Yoni 15:26

Afo'nifu lolo huto fi hetofa hu lepalalina kamofihi lataha'a Sikalafu'uba ya'ma Afo'nifitoga nohibe. Ai'i ho lufugo Afo'nifitogati limito hapa'ni lu huto hilube'mu hibe.

Yoni 16:7

Nani ka legeya'a lilugi kehelilo. Nani i behe huto tiluna nasanauba ana'ina lamana'a li huto hu lepilina'mu yabe. He'mi lepoloto metutita lenehe'malina bo ya'ma melimitita'mu yabe. Tiloto'ni ya'ma ho lifinogo lenalitoga limilina'mu yabe.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Yoni 7:39

Aitoga komopa'ani emi malalanamagi Sikalafu lilana'mu Yesu ya'ma kaga lu'ehina. Ya'mana kana'agu Hu'mau Yesu kokulumalugu le'mo saga hilina to fana mehena'a meli'ehina'mu luto Hu'mau Sikalafu'i metoga ho melifi'ehina yabe.

Aposolo 16:7

Enali Misia kegi'a hiti bu baga ilete Bitinia hepalugu tilune lite babeyafa hana Yesuhi Sikalafu'auba metilo luto kapo hekini lo epolo'ehina.

Romu 5:5

Ya'ma geba huto minaluta yanauba kehelise'nati le'mo laba mehilina'mu yabe. Hena'mugope? Hu'mamofihi Sikalafu'i limito lali komopatigu ho lifigo keke'i lu leto'ehinana huto hu baga i'ehina.

Romu 8:9

Lenali ya hite meneminabe. Hu'mamofihi Sikalafu'uba yuhufa komopatinigu nominago lenali ka'a kehelite agoya hu emilata nehabe. To bona'i moneuba Yesu Kilisitohi meha'auba komopa'agu menohinogomo ana bona'i Yesuhi bona'i menohibe.

1 Koliti 15:45

Ya hu'ehina'mu mono bukugu ma lite fayahi keye'ahanamo ni'ibe: Yege bo Atau ya'ma meha'a hiti lolo huto minolata hu'ehinamo yanamofihi afo'afu lolo huto mino'ehina. To aliha'a Ata tegi bo gi'a Yesu ai'a amuya moloto minoba minoba hilutanamofihi afo'afu lolo huto mino'ehina.

2 Koliti 1:22

To ai'a bona'a minalune luto komopatigu keya'a molo leto'ehinamo ni'ibe. Ai aliha'a lele'mo laga hina huto mino baga ilinamofihi babeyafa'a lolo huto ya'ma ai Sikalafu'a komopatigu molo letago mino'ehinamo ni'ibe.

2 Koliti 3:17

To Sipi Bo yabe luto noluna ya'ma Sikalafu'mofi kumu nolube. To Sipi Bomofihi Sikalafu'uba minolata nohinaga ana'ina moneuba naga'i letalina'a meni'ibe.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Efeso 2:18

Kilisitou ya huto kapo bili letolago lali Yuta bona'i to lenali fegutoga bona'i lali asaga'i Hu'mamofihi Sikalafu'uba lehe'menogo afotifu nohinaga bu nehetilata nohune.

Efeso 4:30

Hu'mamofihi Sikalafu'a le'mo ipagu sibina mehilo, yamofihi lenigiki ka lite le'mo felu kalu mehalo. Hena'mube? Hu'mau alihi kana napa'a huto hulenogomo lenalimoya gulu hoto fi hetofa hu letalibe luto Sikalafu'a yaga osahi tegi huto lepi'ehina ni'ibe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Filipai 1:19

To lenali nani kumu yabe lite kehelite Hu'mamofitoga lilata hi'ahana foya lilenogo to Yesu Kilisitohi Sikalafu'auba nele'mo bati hulenogo bati huto minaluna nasana li huto molo netalube'mu hibe. Komopa'nigu ya'ma luto kehelito keheli bati huto minalube'mu hube.

1 Tesalonika 4:8

To ya'mu ana kaga mege'i emilina bouba fa'mene bona'magihi ka he'mi'ehina meni'inaya ai'a. Hu'ma Sikalafu'i lepilatamofihi megesa hu emilata nohibe.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

Yute 1:20

Ya hite nehanaya, komopa'ni lepi'ohuna bona'ise, lenali monotini legeya'a yanauba komopatini lolo hilenogo amuya melete mineme bite minalabe. Hu'mamofihi fana meha'a hiti Sikalafu'i limi'ehinamofihi amuya'alo minete Hu'mamofitoga lite minalo.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.