Galesia 4:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

Galesia 4:4 ပူးပေါင်းရင်းမြစ်များ

Matiu 1:23

Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.

Matiu 3:15

Ya ligo Yesu ka'alo ma luto lu emi'ehina: Ana'a hiligi ya meluto yatai kai lu nokumuna suhi hubo. Ya huto ya'ma kapolo li moloto hilu'inauba Hu'mau lu'ehinamofihi hinogo bati hilina'mu yabe. Ya ligo Yoniu Yesuhi kaga lina mege'i moloto nagami folo eto'ehina yabe.

Matiu 5:17

Lenali nani kumu'i Mosehi keya ka'a hiti to lu yege hose bona'magihi ka'ani hiti li he'milube luto o'ehibe lite mekehelilo. Nani li he'milube luto meo'ohuna ana kaga'a lu'ehinamofihi pa salibe luto o'ohuna yabe.

Maki 1:15

Hu'mau molo'ehina kana abaga i'ehinagi, Hu'mamofihi kapo'a huto hilina kana'a ma'asi a'alina'mu yabe. Lenali komopatini i gelehe hitetini ka lamana'a kehelite agoya hi emilo.

Luku 1:31

Kehelibo. Kai yagapana kumu hiti huto pana'i ketalata'mu yabe. To kai gi'a Yesu luto molobo.

Luku 1:35

To agelouba Maliahi kaga'alo ma luto lu'ehina: Sikalafu'uba kaitoga alina'mu yabe. To Hu'mamofihi amuya'auba kifi talina'mu yabe. To ya hinogo ya'mana pana'i alihi ketalata'mu yabe, to bona'magi Hu'mamofihi Pana'a yabe lite gi'a liyafa hilana'mu yabe.

Luku 2:7

To ai yagapana'i yege'a pana'i ketoto'a katatu sa gi etoloto bulumaka yagamagi nose'na nenana sepeke'nagu ko eto'ehina. To etali ya'ma yagamagihi noha'anigu mine'aha'ina. To hena'mugope, bona'i kose nohi bai to su ho'ehinagi anagu meti'aha'ina yabe.

Luku 20:44

Tebitiu ai'a Sipi Bo'ni yabe lu'ehinamo aku'i hena hibe luto Mesiau Tebitihi pana'a lolo hilibe?

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Yoni 10:36

To nanimoya Afo'nifu nele'mo ho tito melugu noho lifi'ehina. Nani Hu'mamofihi pana'a nohube luto'ni ya'ma lenali henabe luto lube sibina huto lu'ahatabe lite nelabe?

Yoni 3:16

Hu'mau ma melugu bona'i asaga kumu laga'a besina'mu luto sipi ginaga nofigo gi moneko pana'asi ho lifigo limi'ehina. Asaga bona'magi aitoga keheli ule'ale hite komopa'ani molo emite mefililana minoba minoba hilana'mu yabe.

Yoni 6:38

Nani noho lifi'ehinamofihi mege'i moloto lili'na lilube luto kokuluma he'mito limi'ohube. To nani'ni nemeha'nilo lili'na mone meliluna'mu yabe.

Yoni 8:42

Ya lite lago Yesu lu epi'ehina: Hu'mau lenali afo'tinifu mana'i nohitita, aitogati o'ohunamofita yatai ma nohuna nele'mo laga hatita'mu yabe. Nani nemeha'nilo meo'ohuna ai noho lifi'ehina yabe.

Aposolo 1:7

Ya lite loka hago Yesu ma luto lu epi'ehina: Ana suhi huto hilina yupa hiti to kana'a hiti molosemofihi nani Afo'nifugo keheli'ehibe. To ya yupahi huto hilibe lite lenali mekehelilana'mu yabe.

Romu 1:3

Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.

Romu 15:8

Nani lu nolepube. Kilisitou Yuta bona'magihi enehe'malibe luto koko pana'ani lolo hilube'mu o'ehina. To henabe lutobe? Ai Hu'mau koyapa'i Yuta bona'magihi tata'anifitoga kaga molo'ehinana ya'ma le'mo huto hilibe luto yabe. Ya huto Hu'mamofihi hapa'a bebe salina'mu to lamana ka'a beto huto epilube'mu kokulumaguti limito o'ehina yabe.

Romu 5:6

To lali amuya memolo'ohutaya Hu'mau mone kanagu lu kehelito Kilisito melugu ho lifito foipa boana'magihi fili epalalibe luto molo'ehina yupahi melugu limi'ehina.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

Romu 9:5

To koyapa'i enali Hu'mamofitoga komopa'ani mele'ahana tatatigihi naga'aniguti huto hi'ahabe. To Kilisito ai gufa'a hiti bo nohibe luto ana huto Yuta bona'i naga'aniguti huto hu'ehina yabe. Ya hu'ehinagi lali Hu'mau asaga kaba hu'ehina botimo liyafa huba huba nohunagihe. Ma'naka yabe.

Efeso 1:10

Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

Kolose 2:14

Ai foipanati li he'mi leto'ohuto'a to lali asaga keya ka mege'i memolose sibina hu'ohutana fayahi go'ehina ya'ma ka foya melilube luto fi sibi huloto Yesuhi hiti malipu yafalo nili ho'ehina ni'inagihe.

1 Timoti 2:6

Ai'a ya'ma lali bona'i asaga'i foipanati'mu pa salube luto filito gufa'aloti lalimo mina fito lele'mo'ehina yabe. Hu'mau molo'ehina kana huto higo ai ya huto fili'ehina yabe. To hena'mube? Hu'mau yege yege bona'i enubuto bilina ipagu nohina'a kehelilune luto yabe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 2:14

To Hu'mamofihi yagapana'a enali ya'ma enugufa'ani hiti golaha'ani hiti ya'asigo minago nehanaya Yesu ana suhi huto lali lugufa to hapati li lolo hu'ehina. To ai'a nofilito ya'ma bona'i fililatanamofihi afo'afu ya'ma kaba bo, Sataha amuya'a hiti bomofihi Yesu amuya'a ho he'mito le'mo sibina hu'ehina yabe.

Hibulu 9:10

Yanauba enugufa'aga li molo'ehina ka'ago ya'ma ni'ibe. Lu laga huse kagamu'i nose'na fato fato'i to bai nagami'i nenanaya to enugufa'ani mono nagami'i okala hilata nehana yamofihi kaga'a ni'ibe. Ya'ma Hu'mamofihi ka'alo huto higo bona'magi mege'i melete bite nehinogo aliha'a Kilisitou ana'ina le'mo bebe salina kana'a huto hilibe.

1 Yoni 4:14

Afotifu ya'ma pana'a lali noto noto bona'i lubuto bilibe luto ho lifigo limi'ehina. To lali lubu legeya'aloti bu go'ohutamo ni'inaya ka'a ya'ma luto lu huto hulata nohune.

1 Yoni 4:2

Hu'mamofihi Sikalafu'a yauba enele'mo bati higo ka nelana ya hite bu galabe. To enali Hu'mamofihi pana'a Yesu Kilisito ai lusi bo gufa'a hiti bo lolo huto neheti'ehinamo ni'ibe lite li huto hite lilana enali Hu'mamofitoga nehabe luto kehelilabe.