Galesia 4:3 - Ka Lamana'a Monoꞌi Lu Mu Tifiꞌehina Ka Yabe

³ Ana suhi ya huto lali koyapa'i Hu'mamofihi kagu olopa bona'magi suhi huto meminose melugu bona'magi lu laga hi'ahana ka mege'i mololata hu'ohuta yabe.

Galesia 4:3 ပူးပေါင်းရင်းမြစ်များ

Matiu 11:28

Lenali ketana kofilete ketatini'mu kosele'ise bona'i nanitoga ete lenabasu bilo.

Yoni 8:31

Yesuhi keheli mana hi etana Yuta bomagihi ai ma luto lu epi'ehina: Nani lenelepi'ohuna kaga mege'i melete li hetofa hilana ya'amagi pana'alobo naga'ni lolo hilabe.

Aposolo 15:10

Ya hu'ehinaya lenali yatai hena hibe lite Hu'mamofihi fi taga hi etalune'mu nehabe? Lenali Hu'mamofihi mege'i malalune'mu nehana bona'i ketana enemegesagu ligo mefi epalalo. Koyapa'i tatatigi hiti to laliti hiti ana ketana kofito mebiluta'a hu'ohuta yabe.

Romu 7:14

To ya'ma keya ka Hu'mamofihi nasana ni'ibe. Ya'ma lali keheli'ohune. Ana kaga bati huto ni'igo nani mege'i malalube'mu nohube luto aku'i foipanamofihi koko pana'a nohuto'ni ana keya kamofihi kapolo menomolobe.

Romu 8:15

To ya'ma Hu'mau lepi'ehina Sikalafu'uba koko pana'a lenele'mo lolo huto lenelesa melu'ehibe. Lenali Hu'mamofihi lusi pana'amagita li tifito logogose'namagi neminete ai kumu: Apaobe, Apaobe, lite kehe neibe.

2 Koliti 11:20

To koko yagapanatini lenele'mo malalune'mu nehite, to nose'natini lenebesilite nalune'mu nehite, to fi taga hi lepelete nehite, to enigihiti bo lolo hi lepalalune'mu nehite, to lenogolaga lenabaga i gofa halune'mu nehinogo yana'mu lenali kele'na ka meepekise keheli epilata nehabe.

Galesia 2:4

Aku'i ema afetoga bona'i luga'a enali minete fagalo bo ya'ma ete folagahatigu suguna'i nehetite mine'ahanamagi enali ya suhi huto gufa'a laga hu etalune lite li'ahabe. Lali Kilisitotoga buto molo emiloto minoto li mele'ahana kamofihi nagalugu memino'ohutamo ni'ibe. Enali yamofihi hapa'a bu galune lite nelite keya ka lu laga huto lu'ehinamofihi kele kele'i panana'a ana suhi hite kagagu lele'mo malalune lite kofohi kapo o'ehina.

Galesia 3:19

Yamofihi ya'ma keya ka lu'ehina ka'a ya'ma hena'mube? Lu laga hu'ehina'mu ana'ina foipana lolo hulata nohutamofihi hapa'a lu huto hilibe luto nolelepigo Hu'mau molo'ehinamo ni'ibe. To molo lito buto minoto yamofihi lele'mo hetofa hilibe luto lu eto'ehina bo Abalahahi pana'a Yesu Kilisito huto hulenogo keya kamofihi kana su halibe luto lu'ehinamo ni'ibe. To keya ka lu'ehina ka'amo ya'ma agelo luga'amagi kokulumaluguti limite folagahatigu nohina bo Mosehi yanugu melelago lu limi'ehinamo ni'ibe.

Galesia 4:2

Lagaso'asi nohinogo go'agi afo'agi enali yogo fe'noha'a kaba hi etalana'mu yabe. To afo'afu kana'a molo'ehinaya tupa hulenogo aku'i lilina'mu yabe.

Galesia 4:24

To ya ka'amofihi komopa'agu nekisa'a mone ma luto ni'ibe: Ana ate loemo etali Hu'mau lu mu tifise ka'a loemo yamofihi babeyafa'a lolo hi'aha'ina. Lu mu tifisemofihi kaga'a mone ya'ma Sainai kosaguti lu huto hu'ehina yamofihi komopa'agu nehana bona'magi enali keya ka lu'ehinamofihi kele kele'i hi etete neminabe. Yamofihi suhi huto kele kele a'i Hegahi yagapana'a lolo hi'ahana.

Galesia 4:25

To Alebia metoga Sainai kosamofi kumu Hegahi kosa yabe lite lilata nehabe. To Hegau ai Yelusale hepatoga fa'mene metoga mino'ehina anamofihi babeyafa'a nohibe. Yelusale hepa'i ya'ma Moseu keya ka lu'ehinamofihi megusa'a lolo hite nehana bona'magihi koto hepa'animo ni'ibe.

Galesia 4:31

Yana'mu nalalu'nigita, lali ya'ma kele kele a'mofihi yagapana'i menohune. Mina fite emi'ahana a'mofihi yagapana'a nohutaya. Hu'mamofihi Sikalafu'mofihi fe'nohi nasana'a lilutamo ni'ina'mu yabe.

Galesia 4:8

Fegutoga bona'i lenali koyapa'i Hu'mamofi kumu keheliya meise faga faga lugefamofihi nasana kele kele'i hi epite minete nagalugu minete agoya hi epelete mine'ahana yabe.

Galesia 4:9

To yatai lenali Hu'mamofihi hapa'a bu go fotogo nehabe. Ya'mu ya'ma luto lu nolepube. Lama'naka. Hu'mau lenali'i bu lenogoto nohibe. Ya higo fa'menena gusunupa'a meni'ina felisa meni'ina yamofihi henabe luto aku'i lenogobisa emite ya'ma felemagihi nasana'mu agoya nehi etete neminabe?

Kolose 2:20

To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Kolose 2:8

To fato bona'magi kehelise'natini le'mo sibina hilune'mu nehanagi enemege'i memalalo. Enali Yesu Kilisitohi ka lu melenelepise enali'ani enekesa kehelite to ma melugu nehana bona'magihi hapa'ani anasi kehelite mono'i li sibina hite ka lu lepilabe. Yesuhi kaga mekehelise nehite faga faga lite lu lenelepilanamo kaba hu bati hilo.

Hibulu 5:12

Lenali kana'a yatama mono ka kehelite biba biba hite minatita luga'a fi lehe tete giyaka giyaka lite li epitita bati hitine. To ya'amagihi lenali mono'mofihi hapi fise'na'alo ya'ma aku'i lu lepilatanamofitoga mine mele'ahabe. Lenali komopatinimofihi nose'na amuya'a hiti menalana'a hite minalana legegeto nehabe.

Hibulu 7:16

Ai'a gufatu huto hu'ehibe lite ka'a li melete li'ahana to lu laga hi'ahana hiti ya'ma ana babeyafalo mamufa gilata bo lolo mehu'ehibe. Ai mino lito buse'na mehi emito amuya'a hiti mamufa gilata bo mino'ehina ni'ibe.