Galesia 2:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

Galesia 2:9 ပူးပေါင်းရင်းမြစ်များ

Matiu 16:18

Ya hanogo nani lu nokumube: Pita, kaiya efa tegi suhi luto nohane. Ya hu'ahatago ya'mana efato nani mono noha'ni giluna'mu yabe. Filise'namofihi amuya'auba be megilina'mu yabe.

Luku 22:8

Yesu Pitanogo Yoninogo etele'mo kohe toloto bite letali Pasa nose'na li loloba nehi'inogo buto nalune luto etoho lifi'ehina yabe.

Yoni 1:42

Ya lu emiloto Simonihi le'moto Yesutoga bu'ehina. Ya higo Yesu bu goloto ma luto lu'ehina: Kai Yonihi pana'a Simonigamo nohane. Alihi kai kigika Kifasio luto haluta'mu yabe, lu'ehina. Ya'mana gi'a lu gelehe hiluta Pita, ai mana gimofihi hapa'a Efahi yabe.

Aposolo 12:17

Ya nehago Pitau sipi kaga melilo luto yatu babeyafa hu'ehina. Ya huloto Sipi Bouba naga nonuguti le'mo fegutoga molo'ehina kaga lu epi'ehina. Lenali ya'ma kaga lite bite Yemesi hiti lalalutigi hiti lu epi baga ilo. Ya luto lu epiloto Pitau fegutoga limito fato hepatoga bu'ehina yabe.

Aposolo 15:13

Etali ka'atiti ali su hela'igo Yemesiu ho tito lu'ehina: Nani liluna kaga kehelilo, nalalu'nigita.

Aposolo 15:7

Enali kenasabo bite kaga lumupa ilago Pitau ho tiloto ma luto lu'ehina: Nalalu'nigitase. Koyapa kanagu nani'i fegutoga bona'magitoga ka lamana'a lu yege ho epilenogo enali ana kaga kehelite li komopa'anigu malalabe luto Hu'mau lenali folagahatiniguti nele'mo ho ti'ehina lenali keheliya i'ahabe.

Aposolo 4:36

Ya hite minanagu bo mone mino'ehina ai gi'a Yosefe. Enali aposolo naga'magi Banabasio lite fato gi mele'ahana. Ya'mana gimofihi hapa'aya ma luto ni'ibe, ai amuya kaga lu epito enekesa bilata bo yabe. Ai Libai nagaluguti Saipalasi hepato bo yabe.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Romu 12:3

To Hu'mau nele'mo hetofa hu'ehina bo noho lifi'ehigo nani ma kaga mone lu nolepube. Hu'mau keheli ule'ale huse'i fato fato'i guna ito lepi'ehina. Ya'mu lenali lenugufatini limo titi mehilo. Lenalitini be ligite kehelinogo mone'a hiti metilo. Hu'mau mono ka limi'ehinamofihi keheliya ite minete hapatini le'mo eto eto hite minalabe.

Romu 15:15

Keheli'ohunaya aku'i lenali kumu koli mehuse nohuto'ni mone kaga amuya ka luto ya'ma fayahi koyoto nolepube. Lenali ana kaga beto hilabe luto amuya moloto akoyo'ohuna. Hu'mau lili'nalo bona'a nele'mo ho tito Yesuhi kaga lelili huto buto fegutoga bona'magihi lu epilane luto noho lifigo nani nelesa melulata nohinagihe.

1 Koliti 15:10

Nani aposolo lolo huto nani hapa'ni fato fato huto ni'ina yamofihi Hu'ma komopa'a hokolo hina bouba lu netago lolo hu'ohube. To ai komopa'a bati hina bouba aposolo lili'nalo nele'mo malago fa'mene lolo mehube. Nani foya li'ohuna yamofihi aposolo luga'a enebe ligito li'ohuna yabe. To nani hena'niloti lutine? Hu'ma komopa'a bati hinauba nanitoga minago li'ohube.

2 Koliti 11:5

Nani'nimu kehelugo nanitoga ana'ina ya suhi ma suhi sa sa huloto aposolomagihi bo sipi enonogo melete enigigusa'aluga nominona legita lolo mehibe.

2 Koliti 12:11

Ya'ma nani kumu lulata nohuna ka negi nagi ka lu'ohunamofihi lenali kehelite melete hi'ahana yanauba nele'mo topa nohago nolube. Lenalitini nele'mo hofa tenogo bati hilinagi. Nani fayahi afo'afita fa'mene bo nohunaya enali enegekesa sipi bo nohune lite keheli'ahana lenalitoga bite nehana'amagi nebe meligi'ahana yabe.

2 Koliti 8:4

Nani enegekesa lito ya mehu'ohugo enali'ani kehelite logo'na hete Yutia kapogu Hu'mamofihi bona'amagihi komopa'ani bati hinogo kehelilana nasana li huto hite enele'mo bati hilana kefahi epilane lite loka heba heba hite li'ahana.

Galesia 1:16

Elesa molo nimi'ehina ya'ma keheligo tigo ka'a ya'ma fegutoga bona'i enalitoga ka lamana'a lu yege hoto ya'ma luto lu hofa talane luto pana'amofihi hapa'a lu huto huto nelepi'ehina. To ya hu'ehinaya ana kagamu'i ya'ma nani fato'i lu nimilo luto bona'magihi suhi lolo huto loka meho epolo'ohunamo ni'ibe.

Galesia 1:18

Nehetito nohugo yalo kufu kana loebe monebe nobigo Pitahi bu galube luto Yelusale hepatoga nehetugo ai hiti loe salelegu mino'ohu'ina yabe.

Galesia 2:1

Ya hulago kufu kana'a 14 nobigo ya'ma Banabasi hiti le'ali Yelusale hepatoga aku'i i behe huto bulototi'a Taitasihi ya'ma le'moto buto moneka bu'ohuta.

Galesia 2:2

Yamofihi fa'mene ya mebu'ohube. Hu'mau ka'a lu hokolo huto lu nimi'ehinalo ya'mu bu'ohuna yabe. Ya'ma fegutoga bona'i ka lamana'a ya'ma lu huto huto lu epilata nohuna ka ya'ma mono kalo enigihiti bo enali'anisigo li nupa hite suguna nehago beto hu epi'ohuna yabe. Nani ya'ma foya'a kohe toto lito mino'ohuna'a to aku'i yatai lito nominana'a yamofihi fa'menena lolo hu lalibe luto nani foya'nimu buto beto epi'ohuna yabe.

Galesia 6:3

To bo moneuba fa'mene lusi bo menohina'auba ai'a kumu nani sipi bo nohube luto hapa'a futu'a suhi huto ni'igo kehelilina'a ai keheli sibina huto negi nose suhi nohilina'mu yabe.

Efeso 2:20

Ya huto ni'igo lali Hu'mamofihi bona'i asaga'i nopo tegi huto nominone. Enali aposolo bo to Hu'mamofihi ka lu yege hose bona'i enali lukesa'a lolo hite nehago yamagihi enugupisalo lele'mo malago minomo buto nohune. To Yesu Kilisito ai nohi ya'ma lapusa'a lolo huto nohibe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

1 Yoni 1:3

Yamofihi ya'ma bu goto lito hu'ohutamo ana huto lenalitoga lu lepilata nohutamo ya'ma lu lepilenogo ai kumu komopati monekotoga bati huto hepito minalune luto hulata nohune. To ana huto lenali hiti lali hiti komopati hepi lamana higo nominoto afotifitoga to pana'a Yesu Kilisito aitoga hepito minalune luto yabe.

Huto Hilina Ka 3:12

Luga'amagi enali mono kagu ule'ale hite mine lite bite Satahi luba'a be ligilana'amagi ya'ma afo'nifu Hu'mamofihi sipi mono nopofihi lapusa'a ya suhi huto fi epelenogo'ni enali yagu ule'ale hite nehite aku'i fegutoga mone leke ho melimilune'mu habe. To enali enugupisalo Hu'mamofihi gi'amofihi fayaha'a to Hu'mamofihi ai tegi hepa'mofihi gi'a ana suhi huto enali enugupisalo fayahi kayalube'mu hube. Ya'ma Yelusale hepa'i kosaba'i ya'ma kokulumagu Hu'mamofitogati limilube'mu hibe. To nani nigi'ni hiti kosaba'i ya'ma enali enugupisalo kayalube'mu hube.