Galesia 2:8 - Ka Lamana'a Monoꞌi Lu Mu Tifiꞌehina Ka Yabe

⁸ Pitau ai Hu'mamofihi amuyalo ya'ma Yuta bona'magihi aposolo lolo hu'ehina. Ana suko huto nani ya'ma Hu'mamofihi amuyalo fegutoga bona'magihi aposolo lolo hu'ohuna.

Galesia 2:8 ပူးပေါင်းရင်းမြစ်များ

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Aposolo 15:12

Pitau ya luto kaga lulago asaga bona'i li gehesa hite nehanamagi kaga'ani lege'nete legeso hi'ahana. Ya hilete Polugo Banabasiugo la'ina kagalo enekesa mele'ahana. To ya hago etali etayato Hu'mau babeyafana fato fato'i ya'ma topa hose nasanamofihi fegutoga bona'magi folagaha'anigu li huto hu'ehina kaga lu epi'aha'ina yabe.

Aposolo 19:26

Ma bo Polu nohinanamofihi hapa'a lenalitini lenubutu be gelete akehelilata nehabe. Ai silaga bona'i Efeso maga asaga'i nehana hiti to asaga Esia kegi'a bu baga iloto ma luto lu epilata nohibe: Bona'magi enayatu ana'ina meha'a lolo hite komopa'ani emilata nehanaya faga faga suhi nehabe luto lu epilata nohibe.

Aposolo 21:19

Polu enebe tigito'a kaga'a asaga'i lu epito ya'ma Hu'mau fegutoga bona'i hetofa hu epolo'ehina'a ya'ma Poluhi foya'a li'ehina'mu asaga'na yamofihi kaga lu epi'ehina yabe.

Aposolo 22:21

To ya lu emugo ai: Mana hepatogati he'mito bufa hubo. Nani fegutoga bona'iloga fato'i koho lifilube'mu nohube, luto Sipi Bo ya lu nimi'ehina yabe.

Aposolo 4:4

Ya hana enali babu boana'i etali ka'atiti akeheli bati hilete liyafa hite mege'i mele'ahana. Enali ya'mana boana'i asaga'i 5,000 yabe.

Aposolo 8:17

To Pitaugo Yoniugo etayaha'atiti enali lataha'anilo mala'igo Sikalafu'i enalitoga limi'ehina.

Aposolo 9:15

Ya ligo Sipi Bouba lu emi'ehina: Kai bubo. Ai nanitoga komopa'a nimilina bo le'mo ho ti'ohuna ai nani nigi'ni liloto fegutoga bona'i to enikibina bona'i hiti to Isilaeli bona'i asaga'i enalitoga lu yege homofa'na hilina'mu yabe.

1 Koliti 15:10

Nani aposolo lolo huto nani hapa'ni fato fato huto ni'ina yamofihi Hu'ma komopa'a hokolo hina bouba lu netago lolo hu'ohube. To ai komopa'a bati hina bouba aposolo lili'nalo nele'mo malago fa'mene lolo mehube. Nani foya li'ohuna yamofihi aposolo luga'a enebe ligito li'ohuna yabe. To nani hena'niloti lutine? Hu'ma komopa'a bati hinauba nanitoga minago li'ohube.

1 Koliti 9:2

To bona'i luga'amagi kumu aposolo lolo mehibe linogo lenali nani kumu aposolo bo nohibe lite nekehelibe. Aposolo foya'nimofihi legeya'a Sipi Bomofihi lusalo huto hu'ehina'amofihi lenali ya'ma nehabe.

Galesia 3:5

Hu'mau ai'a Sikalafu'a molo lepolola to amuya nasana lenalitoga topa hose'na huto hula nohina bouba henabe luto ya nohibe. Keya ka keheliya ite mege'i melelago lenele'mo bati hulata nohifihe? To Kilisitohi ka lamana'a keheliya ite agoya hu emilago lenele'mo hetofa hulata nohinamo ni'ifihe? O'yo, ya'ma ni'ibe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

1 Tesalonika 2:13

To lali Hu'mamofihi kaga lu lepi'ohutogo lenali ya'ma bona'magihi kaga ni'ibe lite melise ya'ma Hu'mamofihi ka lamana'a yabe lite kehelite li gu i'ahanamo ni'ibe. To lamana'a ya'ma huto ni'ibe. Hu'mau ya'ma aitoga keheli emilata bona folagaha'anigu minoto foya'a lilata nohibe. Ya'mu lenalitoga ya huto nominana'mu lali ya'ma Hu'mamofihi fokehi mone hiti holoto nominone.