Galesia 2:2 - Ka Lamana'a Monoꞌi Lu Mu Tifiꞌehina Ka Yabe

² Yamofihi fa'mene ya mebu'ohube. Hu'mau ka'a lu hokolo huto lu nimi'ehinalo ya'mu bu'ohuna yabe. Ya'ma fegutoga bona'i ka lamana'a ya'ma lu huto huto lu epilata nohuna ka ya'ma mono kalo enigihiti bo enali'anisigo li nupa hite suguna nehago beto hu epi'ohuna yabe. Nani ya'ma foya'a kohe toto lito mino'ohuna'a to aku'i yatai lito nominana'a yamofihi fa'menena lolo hu lalibe luto nani foya'nimu buto beto epi'ohuna yabe.

Galesia 2:2 ပူးပေါင်းရင်းမြစ်များ

Matiu 10:16

Lenali kehelilo. Nani lenali'i sipisipi yaga legi huto lopi kalamagihi folagaha'anigu lenoho lufube. Ya hu'ehinagi lenali ka keheliya ise osifa legi hite ana'ina lolo hilune'mu nehitemo yata'a lenekesa yigi fe liletebe. To lenali lufu namamofihi hapa'a agoya'a nina suhi lite minalo.

Aposolo 15:12

Pitau ya luto kaga lulago asaga bona'i li gehesa hite nehanamagi kaga'ani lege'nete legeso hi'ahana. Ya hilete Polugo Banabasiugo la'ina kagalo enekesa mele'ahana. To ya hago etali etayato Hu'mau babeyafana fato fato'i ya'ma topa hose nasanamofihi fegutoga bona'magi folagaha'anigu li huto hu'ehina kaga lu epi'aha'ina yabe.

Aposolo 15:2

Ya hago etali Polugo Banabasiugo etubufaluga ya hanana'mu lite logo bigo ana bona'i hiti kenasabo bite enogolagagu fibu fibu hi'ahana. Ya hilete enali Polunogo Banabasinogo hiti to luga'a bona'i etalitoga malana hiti Yelusale hepato tite aposolo bona'i hiti to olopa bona'i hiti nehanalo kaga lu bebe salabe lite enoho lifi'ahana yabe.

Aposolo 15:4

To enali Yelusale hepato henetigo Yesuhi kaga kehelise bona'magi hite aposolo bona'i hiti to olopa bona'magi etebe tigi'ahana. Ya hago etalitoga Hu'mau etoto'ehinamofihi hapa hapa'a lu epi'aha'ina yabe.

Aposolo 18:9

Mone folugu'i Poluhi bamu'i hu bulo mololoto Sipi Bouba ma luto lu emi'ehina: Kai koli mehuse kaga lu hokolo huto lu epibo. Kai kosele'i nahabe luto kabaga hekini loloto meminobo.

Aposolo 23:11

Ana folugu'i Sipi Bouba Poluhi metoga ho tito nohuto ma luto lu emi'ehina: Kai koli mehuto amuya kekesa molobo. To koyapa'i ma Yelusale hepato nani kumu kaga amuya moloto lu epi'ahata suhi Lomu hepato buto ana huloto lu epibo.

Aposolo 5:34

Ya hago kanisole bona'magihi folagaha'aniguti bo mone ho ti'ehina. Ai gi'a Gamelieliu, Felosi bo yabe. Ai keya ka lu enelepilata bo, to enali asaga boana'magi ya nohinana'mu lite sipi fokehi lilata nehana, ai aposolo bona'i enoho lifigo fegutoga limi'ahana.

Romu 9:16

Bona'i moneuba: Nani hetofana hulata nohube lula to Hu'mamofihi bona'a minalube luto lilinamu'i Hu'mau ana bomo le'malifiye? O'e, ya mehilibe. Bona'i foya'ani meni'ibe. Hu'mau enele'malina ai'asigo foya'amo ni'ibe. Ai ekesa keheliloto bona'mofihi ginaga fi emilata nohinamo ya'ma anasi ni'ibe.

1 Koliti 2:2

O'e. Nani ma luto keheli amuya mololoto bu'ohunamo ni'ibe. Nani lenalitoga buto nohuto'ni kaga luga'a melu'ohuna yagi Yesu Kilisito ai kumu hiti to malipu yafalo he'ahana yamofihi ka'asigo beto hu lepilube luto keheli'ohunamo ni'ibe.

1 Koliti 9:24

Lenali ma lite menekehelifiye? Yokolo'na lolata hepato ya'ma yagapana'magi enali yege yege'i hololu lilata nehana nasana ya'ma moneko'uba kohe toto hololu luba luba huto henetito mina'a lilata nohibe. Lenali ana hite Hu'mamofitoga bite sekele mamuti lilune lite hololu lilo.

1 Koliti 9:26

Nani'ni hiti ya'ma hololu lulata nohuna yamofihi keya'a hiti nasana bu go'ohuto fotogo huto hololu lulata nohube. Nani foya li'ohunamofihi nani ho fetaga mehube.

2 Koliti 12:1

Nugufa le'mo hofa taluta ka'a kosaba'i yamofi mone le'mo bati mehilinaya fa'mene yamofihi lilube. Komopa'ni li gelehe higo ana'ina bamu'i bu go'ohuta to Sipi Bouba lu belegepa ito lu'ehina yamofihi yata'isi beto huto lenelepilugi kehelilo.

Galesia 1:12

To melugu bona'magitogati meli'ohube. To bona'magi menelepi'ahana. Yesu Kilisitou ai'asigo lu hokolo huto huto lu nimi'ehinamo ni'ibe.

Galesia 1:16

Elesa molo nimi'ehina ya'ma keheligo tigo ka'a ya'ma fegutoga bona'i enalitoga ka lamana'a lu yege hoto ya'ma luto lu hofa talane luto pana'amofihi hapa'a lu huto huto nelepi'ehina. To ya hu'ehinaya ana kagamu'i ya'ma nani fato'i lu nimilo luto bona'magihi suhi lolo huto loka meho epolo'ohunamo ni'ibe.

Galesia 1:6

Lenali ya'ma Kilisitohi lehe'mose nasanagu molo emilabe luto elesa molo epi'ehina bomofitoga mino hepi bati hite meminese lenemegesa hi emilete fato monolugu ya'ma bite lenegekesa melete kehelilata nehabe. Nani ya'mu ya'ma nehana'amu topa hoto oho luto nolu lepolobe.

Galesia 2:6

Ya higo enali mono kaba bona'magi mone fato ka hiti memele'ahana yabe. Enali lusi kaba bona'i mine'ahafi ya memine'ahafi nani keheli bati mehube. To ya nehafi menehafi kehelugo fa'menena ni'ibe. To Hu'mau ai bona'magihi enugufa'anigo bu goloto enele'mo ho tila limila menohibe. Komopa'ani bu goloto ya nohibe. Ya huto ni'inaya nani Yelusale hepatoga buna yupahi ya'ma mono ka kaba bona'i enali kosaba ka mone lu menimi'ahana yabe.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

Galesia 5:7

Lenali mono'mofihi kapo'a bati hite lelite nebinogo moneuba hena huto kapo fi hekini lo lepalago ka lamana'amu henabe lite lenemegesa hi emi'ahanamo ni'ibe?

Filipai 2:16

Fi fana telenogo amuya lenemehi hite minolatanamofihi ka'a li huto hite molo epelete minalabe. Ya nehinogo Kilisitou henetilenogo ya'ma lenali kumu yabe luto bula ola hu'ohuna to foya'alo keta'a hite li'ohuna yamofihi fa'mene'mu meni'ibe. Yamofihi hapa'a huto hilenogo negelo bito komopa'nigu bati nohinogo kehelilube.

Filipai 2:29

Yamofi kumu ya'ma komopatini bati hinogo keheli emite Sipi Bomofitoga hepi'ehina bo nohibe lite le'mo lamana hilo. Lenali bona'i ya'a enele'mo hofa tete lenemehi epilo.

1 Tesalonika 3:5

Ya hulago limi'i mololata bo, Satau ai lenimi'i mololago Yesuhi kapo'a he'mi'ahafi mehe'mi'ahafi to lali foyamofihi legeya'a ho helili nohifi huto nohifi yamofihi hapa'a kehelilube luto lenali kumu niginaga fise nokehelito minoto lito huna menetago Timotihi ho lufugo bu'ehina.

2 Timoti 4:7

Nani ya'ma foya lamana'a lelito bu'ohube. Yokolo'na hololu lite ibe ligi abe ligi nehana ya suhi huto nani hololu luto foya limo buto maki'nilo nehetube. Ka lamana'amu kaba hu'ohunamofihi nasana mehe'mise huto li pili koto minomo buto nominobe.

Hibulu 12:1

Keheli ule'ale huse'namofihi hapa'a li huto hi'ahana bona'i samahi tite sopopo suhi hite minete lele'mo bego bego hi'ahanamo ni'inagihe, yamofihi fifa ilata nehana bona'magi hololu lilata nehanamagihi hapa'ani'mu kehelito minoto keta'a hiti nasana ya'ma gololo tito li he'milune. To foipanamofihi hapa'auba lugufalo naga'i gi'ehina hiti li toba hoto li he'milune. Ya hulototi kapo lelepi'ehina analo kosele'i melehenogo hololu luto fotogo huto bilunagihe.