Galesia 2:16 - Ka Lamana'a Monoꞌi Lu Mu Tifiꞌehina Ka Yabe

¹⁶ yama luto kehelilata nohune. Moseu keya ka lu'ehina ya ema keheliya iloto foya'a lelito buto minenogoti foipanati su halina'a meni'ibe. Yesu Kilisito kumu yabe luto keheli ule'ale huto foipanati meminenogo komopatigu le'mo bati hu'ehinogo minalune'mu hune. Ya luto keheliloto keya ka lu'ehina ka'amofihi foya'a lito buto minenogo foipanati meminenogo minalune luto Yesu Kilisito kumu keheli emi'ohune. Keya ka lu'ehina kamofihi mege'i melelata nehanaya Hu'mau enele'mo lamana hilina'a ya'ma meni'ibe.

Galesia 2:16 ပူးပေါင်းရင်းမြစ်များ

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Aposolo 4:12

Bo mone fato'i nohinauba melehe'malina'mu yabe. Yesu ai'asigoko lele'mo lubuto bilata bo nohibe. To asaga hepa'i ni'inalogati mone gihiti bo fato'i lubuto biloto lele'malibe luto Hu'mau le'mo huto mehu'ehina yabe.

Romu 1:17

To ya'ma hetofa ka lamana'auba foipa bona'i Hu'mamofihi bu'alo enele'mo bati hilina ya'ma lelepi'ehina yabe. Hapa'a henana ni'ibe? Yata'a hiti to aliha'a hiti bona'magi Yesutoga komopa'ani emite nehago enele'mo bati hilina. Ya'ma ka lamana'a hapa ni'ibe. To koyapa'i mono bukugu fayahi ge'ahana ma ni'ibe: Bona'i moneuba Hu'mamofitoga keheli ule'ale huto agoya hu emigo, ya'ma bomofihi Hu'mau bebe sose bo nohibe luto mino kosaba huse'na emilina'mu yabe.

Romu 3:30

Hu'mau loe lae nohina bo menohibe. Yuta bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo ai enali hiti enele'mo bati hilina'mu yabe.

Romu 4:2

Ai hetofa suhi babu luto hulata mino'ehina'mu lamana bo nohane lutita Abalaha gufa'a limo titi hutita'mu yabe. To Hu'mamofihi bulo gufa'a limo titi mehilina'mu yabe.

Romu 4:24

Lali kumu hiti ana fayahi keye'ahana yabe. Sipi Boti Yesu fili'ehinaguti Hu'mau le'mo ho ti'ehinalo komopati emito keheli ule'ale huto minalutamofihi Hu'mau lamana bona'i nehabe luto lulata nohibe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

Romu 9:30

Ya'mu lali hena kaga lilune? Ya'ma nokehelune. Fegutoga bona'magi Hu'mamofihi bulo bebe sose foya melilata nehana, enali Hu'mamofitoga keheli ule'ale hilata nehago ai enele'mo bati hu'ehina.

1 Koliti 6:11

To lenali luga'a koyapa'i ya suhi hite mine'ahanamo ninaya yatai foipanatini ahe'mi lepoloto Hu'mamofihi bona'i minalabe luto komopatini okala huto le'mo babahi higo nehabe. Sipi Boti Yesu Kilisitohi gi'alo yabe luto to Hu'mamofihi Sikalafu'amofihi gi'amu luto lenele'mo bati higo nehabe.

Galesia 4:5

Mino'ehina'mu lali ya'ma keya ka lu'ehina kamofihi nagaluguti gulu ho letelenogo Hu'mau lele'mo aitoga malalibe luto hu'ehinamo ni'igo lali Hu'mamofihi pana'a huto hilune'mu hune.

Galesia 5:4

Lenali luga'amagi keya ka kehelinogo foipanati meminenogo Hu'mamofihi bulo lamana bona'i nohune lite nelana lenali Kilisito hiti hepite mu tifi'ahanamofihi laga hilete nehago aitogati lenehe'mose'na'a nehe'mibe.

Filipai 3:9

To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe.

1 Pita 1:2

Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

1 Pita 2:24

Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

1 Pita 3:18

Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

1 Yoni 1:7

Hu'mau ai ya'ma fana meha'a hiti bo nohibe. To ana huto lali ai'a fana meha'agu mino moloto nohuto ai hiti moneko'na huto komopati hepito bati huto minaluta'mu yabe. To ya hinogo pana'amofihi Yesu, ai'a golaha'auba foipanati asaga'i okala hu letoto minomo buto minalibe.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.

Huto Hilina Ka 7:9

Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.