Galesia 2:11 - Ka Lamana'a Monoꞌi Lu Mu Tifiꞌehina Ka Yabe

¹¹ To Pitau ai Atioki hepatoga olago ai mone bati mehina suhi huto higo nani bu go bati huloto li gehesa nehago asaga bona'magihi bulo ka emeki'ohuna yabe.

Galesia 2:11 ပူးပေါင်းရင်းမြစ်များ

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Yoni 1:42

Ya lu emiloto Simonihi le'moto Yesutoga bu'ehina. Ya higo Yesu bu goloto ma luto lu'ehina: Kai Yonihi pana'a Simonigamo nohane. Alihi kai kigika Kifasio luto haluta'mu yabe, lu'ehina. Ya'mana gi'a lu gelehe hiluta Pita, ai mana gimofihi hapa'a Efahi yabe.

Aposolo 11:19

Sitifenihi ho fili'ahana kana'aluga komopa'ani emito mine'ahana bona'magi enegene mane ite enahago enali tili tele hite fato fato hepato bi'ahana yabe. Luga'amagi Fonisia hepato foto'i nebago Saipalasi to Atioki hepatoga nebago hilete ka lamana'a Yuta bona'magisigo lu epi'ahana.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Aposolo 11:22

Ya'mana kagauba Yelusale hepato Yesuhi nehanalo henetigo analoti Banabasihi ho lifigo Atioki hepatoga bu'ehina yabe.

Aposolo 11:27

Ya'mana kana'alo Yelusale hepatoti kaga lu yege holata bo Atioki limi'ahana yabe.

Aposolo 15:1

Bona'i luga'amagi Yutia kegi'ati ete Atioki henetilete Yesuhi kaga'a kehelise bona'a kaga ma lite enelepi'ahana: Lenali Mosehi keya ka lu'ehina'a hite mege'i melete lenugufa laga mehilana lenugufatini li lenubuto mebilana'mu yabe, lite ya'ma kaga'ani lu epite hapi fi'ahana.

Aposolo 15:5

To Felosi naga'i mone'amagi Yesuhi agoya hu emilata enali ho tite ma lite li'ahana: Ya'ma fegutoga bona'i enali enugufa'ani laga hilenogo Mosehi keya ka'a lu epinogo mege'i malalabe lite li'ahana yabe.

2 Koliti 11:5

Nani'nimu kehelugo nanitoga ana'ina ya suhi ma suhi sa sa huloto aposolomagihi bo sipi enonogo melete enigigusa'aluga nominona legita lolo mehibe.

2 Koliti 12:11

Ya'ma nani kumu lulata nohuna ka negi nagi ka lu'ohunamofihi lenali kehelite melete hi'ahana yanauba nele'mo topa nohago nolube. Lenalitini nele'mo hofa tenogo bati hilinagi. Nani fayahi afo'afita fa'mene bo nohunaya enali enegekesa sipi bo nohune lite keheli'ahana lenalitoga bite nehana'amagi nebe meligi'ahana yabe.

2 Koliti 5:16

Yamofihi lali melugu bona'magi kehelise'na mege'i mololoto hapa hapa'ani lu su meho epalalune'mu hune. To lali koyapa'i ya huto Kilisitohi ana huto gufa'amofihi hapa'a bu go'ohuta, ana babeyafalo yata'isi ya'ma aku'i mone bu megone.

Galesia 1:18

Nehetito nohugo yalo kufu kana loebe monebe nobigo Pitahi bu galube luto Yelusale hepatoga nehetugo ai hiti loe salelegu mino'ohu'ina yabe.

Galesia 2:14

Ya hite minete ka lamana'amofihi kapogu fotogo hite mebago bu enogoloto'ni ya'ma bona'i luga'a enali enogobisalo ya'ma Pitahi ya luto lu emi'ohuna: Kai ya'ma Yuta bomo nohataya Yuta bona'i lolo huto moloto yanagu mebane. Fegutoga bona'i enali lolo hite melete nehananagu nobane. To kai henabe luto ya'ma fegutoga bona'i enali Yuta bona'i lolo hite melelete nehananagu bilabe luto lu laga hu'ahana? Ya bati mehu'ehibe luto ka emeki'ohuna yabe.

Galesia 2:5

Enali ya bomagi lali'i lele'mo afetoga malalune lite nelago lali ka lamana'amofihi hapa'amu kaba hu lepolo'ohuta ya'ma ka lamana'auba lenalitoga buto le'mo amuya malalibe luto ka'ani he'mito kana'a mone'ya hiti mege'i memolo'ohutamo ni'ibe.

Galesia 2:7

Enali ma lite keheli'ehite: Hu'mau ai Pitahi ya'ma Yuta bona'i enalitoga ka lamana'a lu huto huto lu epilibe luto lu eto'ehinamo ana suhi huto nani ya'ma fegutoga bona'i enalitoga ka lamana'a lu huto huto lu epilane luto lu neto'ehina, enali ya'ma keheli'ahana yabe.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

1 Timoti 5:20

Bo moneuba foipana linogomo luga'amagi enali kehelilete enelesa linogo foipana li lalibe luto bona'magihi enogobisalo lu huto huto le'mo bebe salane.

Yemesi 3:2

Lali asaga'i sibina hulata nohune. Luga'amagi enali kagagu sibina mehilana ana bona'i lusiga bati hite mineme bite minalana'mu yabe. Enabaga'ani kaba hilana yamagi enugufalo ana'ina asaga'i fa'mene kaba hilanamo ni'ibe.

Yute 1:3

Keke'i nolu lepolona bona'ise. Nani Hu'mau lenubuto bilata nasana silaga bona'magi hiti lilata nohuta yana'mu fayahi koyoto lepilube luto amuya molo'ohunaya, to bona'magi keheli ule'ale huse'namofihi kapo'a mino hetofa huto minalibe luto Hu'mau lu limi'ehina kaga ya'ma sibi hu lalibe luto asaga'naloga amuya melete foya'a ule'ale hite li etalana lenogo'na bito fayahi koyo lepilube luto kana'ni tupa nohibe.