Galesia 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya hu'ehina'mu Hu'mamofihi gi'amu fokehi liba liba huto mino lito buto minalibe. Ma'naka.

Galesia 1:5 ပူးပေါင်းရင်းမြစ်များ

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Matiu 6:13

Kai sipi fi taga huse'nagu lele'mo memoloto foipanamofihi afo'afitogati lele'mo lubuto bibo.

Luku 2:14

Ifo muyagu Hu'mamofihi gi'a le'mo saga hite mineno. To melugu bona'magi kumu Hu'mau ipa'agu ai laga besinana enalitoga fuluna hu noepalabe.

Romu 11:36

Ya hu'ehina'mu asaga me'i hiti kokuluma'i hiti to ana'ina asaga'i ai'ago ni'ina'mu to ai'ago kaba huto nominabe. Ya mehu'ehitita asaga'na fenene hitita'mu yabe. Ya'mu Hu'mamofitoga gepohi luto asaga yupahi mino lito buto fokehi sipi'a lino. Ma'naka.

Romu 16:27

Hu'mau ai'asigo Sipi Bo nohibe. Ai'asigo keheli bati huse bo nohinagi yege filo. To Yesu Kilisito kumu yabe luto sipi lenegelo bite gi'a liyafa hinogo hofa teno. Ma'naka.

1 Koliti 8:13

Ya hu'ehina'mu nani lugefa nasanamofihi seba'a nenenogo nalalu'nifu ya nasana'mu yabe luto keheli sibina hu lalibe luto ai kumu kehelugo keta hu lalifihe luto lugefanamofihi seba'a mo sito nohuto minomo buto minalube.

Efeso 1:12

To ya'mu lali Yuta bona'i kohe toto Kilisito kumu agoya hu emito geba huto minota bona'magita lali Hu'mamofihi hetofa gi'a liyafa huto minalune.

Filipai 4:20

Hu'ma afotifihi aitoga ya'ma fokehi noluto yanauba mino lito tito fi besana lolo huto minalibe. Ma'naka.

1 Timoti 1:17

Yana'mu amuya gihiti Bo, mefililatanamofihi bu megolatanamofihi Hu'mamofihi moneko'i ai gi'a li saga hinogo ai fana meha'auba minoloto mino lito tito minalibe. Ma'naka.

2 Timoti 4:18

To Sipi Bouba ai'a ya'ma asaga nele'mo sibi sibi hilana'mu nele'mo bati huto kokuluma kapo'agu he'mi netalina'mu yabe. Ai fana meha'a ya'ma mino lito buto minalube'mu aitoga lofokehi lino. Lama'naka.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

1 Pita 5:11

Yamofihi amuya'a ya'ma aitogago mele'ahana yamofihi minoto mino lito buto minalibe. Lama'naka.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.

Yute 1:25

Sipi Boti Yesu Kilisito kumu yabe luto lubuto bilina bo Hu'mamofihi aitoga sekele mamu'a hiti fana mehena to amuyana'a hiti to kaba hulata amuya'a, koyapa kana'a mino'ehina to yatai hiti ana huto li'ehina to mino lito buto mino bai toto minalina'mu yabe. Lama'naka.

Huto Hilina Ka 14:7

Ai ya'ma sipi kaguti kehe ito lu epito lu'ehina: Lenali Hu'mamofihi lu koli fite kehelite ai'a gi'a liyafa hilo. Bona'i guna malalina kana'alo ya'ma hupamone nohibe. Kokulumagu to melugu to hege nagamilugu to ipi opoho nagami'i lolo hu'ehina bo, Hu'mau aitoga lenalapusa fi emite fokehi lite minalo.

Huto Hilina Ka 5:12

ka sipi lite nama ma lite li'ahana: Sipisipi nala'a kohe tete ho fili'ahana ai bati nohinamo ni'igi aitoga kaba huse'na hiti to babu mina'a hiti to keheli fe lulata to amuya lilina legege huto li emilo. To bona'i yege yege'magi fokehi lite ai'a gi'a le'mo ho tite liyafa lilete fana meha'a huto hilibe lite lilete aitoga enegelo bi emilo. Ana nama lite li'ahana.

Huto Hilina Ka 7:12

Lama'na ka lusa gilata to ai fana meha'a bati hulata to keheli fe lulata to fokehi lulata to gi'a liyafa hulata to kaba huse nasana to amuya nasana Hu'mamofitoga yabe lulata nasana mino'ehina ya'ma mino lito buto mino baga ito minalina'mu yabe. Ma'naka.