Filipai 4:9 - Ka Lamana'a Monoꞌi Lu Mu Tifiꞌehina Ka Yabe

⁹ Nani bula ola huto keleme keleme ito ana'ina buto le'mo nupa huto lenelepiba lenelepiba hugo bu gete analoko minalabe. Nehinogo Hu'mau fuluna afo'afu lenali hiti minalube'mu hibe.

Filipai 4:9 ပူးပေါင်းရင်းမြစ်များ

Matiu 1:23

Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Matiu 7:21

Asaga bona'i nani kumu'i: Kibina bo'nio, Kibina bo'nio, lilata nehana enali kokulumamofihi kapo'alo mebilana'mu yabe. To bona'i luga'amagi nani Afo'nifu kokulumalugu nohinamofihi bita hina suhi hilata nehana bona'isi enele'malina'mu yabe.

Luku 6:46

Lenali henabe luto kibina botimakase kibina botimakase lite nani kumu nelana aku'i ka'ni he'mite kegeiyo hite neminabe?

Luku 8:21

Ya noligo Yesu ma luto asaga'i lu epi'ehina: Enali Hu'mamofihi ka'a kehelilete mege'i nemalana boana'magiya nani ito'nigi nogonamu tamu'ni nehabe.

Yoni 13:17

Ya'mu lusiga lu lepi'ohuna, yatai lenali keheli'ahana. Kehelilete mege'i melete nehago komopatinigu babahi hilina'mu yabe.

Yoni 15:14

Lenali kaga nolenelepunalo mege'i melelata nehana nalalu'nigita yabe luto lilube'mu hube.

Yoni 2:5

Ya ligo koko pana'amagihi Yesuhi ito'afu ma luto lu epi'ehina: Lenali ai kaga lu lepilinamofihi mege'i malalo.

Aposolo 9:6

Ya luto luloto ma luto lu emi'ehina: Kai ho tito hepalugu tibo. Alihi bo moneuba ya'ma suhi hubo luto lu kimilina'mu yabe.

Romu 15:33

To Hu'mau, fuluna hapa'a nohina bouba lenali hiti minalina'mu yabe. Ma'naka.

Romu 16:20

To hupa mone kana bulenogo Hu'mau komopatigu fuluna'a limi'ehina bouba ma'asi lenele'moto lenigigusatu Satahi iti kalana'mu yabe. To Sipi Boti Yesu lehe'mose'na'a lenalitoga minalibe luto nunumu nohube.

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

1 Koliti 14:33

Hu'mau ya'ma le'mo sibi sibi hilina nasanamofihi afo'afu menohibe. Ai'a lele'mo fu luto minalina'muko ekesa kehelilata nohina afo'afu nohinagihe. Kilisitohi naga'a asaga'i mono kalo li nupa hite nehago ya'ma

1 Koliti 4:16

Ya hu'ehina ya'ma nani nigiyakagu ite nemege talabe luto lenegekesa lito nolugi kehelilo.

2 Koliti 13:11

To nalalu'nimagita, kaga lu su hoto ma luto lilube. Lenali lenipagu keheli bati hite minalo. To lipoti lu lepito kaga ya'ma noluna kehelite komopatini le'mo hetofa hite le'mo lamana hilanagihe. Ya nehite lenalitini komopatini le'mo moneko hilete fulunagu minalo. Ya hilenogo Hu'mamofihi mehi lepise'na to fulunamofihi afo'afu lenalitoga minalina'mu yabe.

Filipai 3:17

Nalalu'nigita, lenali asaga'i ya'ma kohe to'ehinogo'ni yamofihi bu negete analoko nemege tete alo. To bona'i luga'a ana suko hite nemege'i nemalana nehago lenali ya'ma bu enegelete ana enigiyakagu malalo.

Filipai 4:7

Ya hite nehinogo Hu'mamofihi fuluna'auba bona'magi keheli baga meilanauba lenalitoga huto hilibe. To ananauba lenali Yesu Kilisitotoga agoya hu emite neminogo komopatini lenegekesatini le'mo fulu hinogo laga'a hiti minalabe.

1 Tesalonika 1:6

Ya hulotogo moloto minoto hu'ohuta ya suhi mege'i melete minete hi'ahana. Sipi Bouba hu'ehina ya suhi kehelilata hi'ahanamo ni'ibe. Ya hite minete bona'magi ka lamana'a kumu lenele'mo sibina nehanogo lenali kosele'i mehose ka lamana'a keheliya ilune lite komopatinigu sabiyana lolo higo keheli'ahana ni'ibe. Hu'mamofihi Sikalafu'uba lenele'mo bati higo mine'ahana yabe.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

2 Tesalonika 3:4

Lenali lu noleputa kaga kehelite nemina suhi lite minoba minoba hilana legekesa ya'ma kehelito loegu menokehelune. Sipi Bouba lenali kumu yabe luto komopatigu lele'mo fulu nohinagihe.

2 Timoti 4:22

Sipi Bouba kaitoga meha'a hiti minalibe. To Hu'mamofitogati lehe'mose'na lenalitoga mino moloto mineno.

Yemesi 1:22

Hu'mamofihi kaga'a ya'ma keheliya ilo. Fa'mene kehelite alihi he'milana yamofihi haya kalalana'mu yabe. Kaga'a kehelilete mege'i malalo.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.