Filipai 4:6 - Ka Lamana'a Monoꞌi Lu Mu Tifiꞌehina Ka Yabe

⁶ Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

Filipai 4:6 ပူးပေါင်းရင်းမြစ်များ

Matiu 10:19

To ka foyagu lenele'mete nebinogomo lenali kaga lilana'mu henabe lilune lite lenekesa yigi to hiya'a huto kaga lilupi lite lenekesa yigi babu melilo. To ana kana'a noenogomo kaga lilana lenabagalo alina'mu yabe.

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Matiu 6:34

Ya hu'ehinagi yagomo'mu hena'ni hilube luto kekesa yigi babu melubo. Hu'mau yagomo kaba hu ketalibe. Kai moneko moneko kanamu'i kekesa kehelito minobo.

Matiu 6:8

Lenali enali suhi lite enemege'i memalalo. Nunumu mehi'ahago Hu'ma Afotinifihi kaga lu emilana'a komopatinigu abu go su holata nohibe.

Luku 10:41

Ya noligo Yesu ka lu emito lu'ehina: Matao, Matao. Kaiya kekesa yigiba yigiba silaga'namu'i nohuto kipakagu keta hulata nohane.

Luku 12:22

To Yesu pana'alobo'a lu epiloto ma luto lu'ehina: Nani lu nolepube. Lenali minosenatini'mu lenekesa yigi babu melite to lenali ma melilo: Lali henana nalune? To lenali lenugufatini'mu lenekesa yigi babu lilete ma lite melilo: Lali henanatu'i lugufatilo ifi talune?

Luku 12:29

Ya hu'ehinagi lenali lenekesa yigi babu lite hena nose'nati nalune lila to hena nagamiti nalune lila ya hite melilo. Lenali lenegekesa yigiba yigiba mehilo.

Luku 18:1

To kosele meenehenogo ute etehi nunumu hilana bame ka Yesu lu epito ma luto lu epi'ehina:

Luku 18:7

Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

1 Koliti 7:21

Kai kele kele pana'i lolo huto nohatogo Hu'mau elesa molo kimi'ehina yana'mu kegekesa loe lae mehinogo ana'asiloko minobo. To kele kele pana'i lolo huto minoto foya lilata nohataguti gulu ho ketalune lite nelinogomo o'e melubo.

1 Koliti 7:32

Lenali ya'ma fa'menena'mu yamofihi lenegekesa yigiba yigiba hite keta huse'namu minalabe luto keheli'ohuto nolube. Bo kofuta nehana'amagi Sipi Bomofihi foya'muko kehelite minalune'mu habe. Minete Sipi Bouba kehelinogo bati hilibe lite lilenogo lilune'mu habe.

2 Koliti 1:11

To lenali Hu'mamofitoga lilana yanauba bati nohigo Hu'mamofihi ai'a komopa'a lamana huto yabe luto nolu etenogo lito lubuto bilenogo bona'a asaga'magihi enabagaguti lali kumu Hu'mamofihi fokehi hete enegelo bite minalabe.

Efeso 5:20

Ya nehite Sipi Boti Yesu Kilisito gi'a liyafa hite kana'amu kana'amu silaga'namu Hu'ma afotifihi fokehi hete minalo.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.

1 Timoti 2:1

Kaga ya'ma lu epilane luto kohe toto tito nani amuya moloto kegekesa lito nolube. Enali ana'ina'mu buka buka tite Hu'mamofihi loka henogo bona'i luga'a asagatoga minoto fi hetofa hu epalalibe lite Hu'mamofihi foke ka li emilo, luto lu epibo.

1 Timoti 5:5

Keto ana'i lamana'a ya'ma yagapana'a menehinogomo enali'anigo minete Hu'mamofitoga enemehi melete kana'amu kana'amu ute etehi Hu'mamofihi kaga lite buka tite lehe'malibe lite fifa ilata nehabe.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

1 Pita 5:7

To Hu'mau ai'a bati huto kaba hu letoto lenele'mo gu i'ehinogo ya'mu lenali ana'ina'mu lenelesa linogo lenegekesa yigi yigi mehise ai lu eminogo kaba hu bati hu lepalalibe.