Filipai 4:5 - Ka Lamana'a Monoꞌi Lu Mu Tifiꞌehina Ka Yabe

⁵ Sipi Bouba imo oto logobisaga mele'isi alube'mu nohinagi bona'i asaga'i ya'ma fulu hite ya suhi ma suhi lu epalalo.

Filipai 4:5 ပူးပေါင်းရင်းမြစ်များ

Matiu 6:25

Ya'mu luto nani lu nolepube. Lenali nagami'i to nose'na nete minalana'mufi to gukete lenugufalo li hekelete minalanamu'i lenelesa nolinogo lenekesa yigiba yigiba mehilo. Bati huto minose'nauba nose'na ho'ehifi to bati huto minose'nauba guketemofihi ho'ehibe?

Matiu 6:34

Ya hu'ehinagi yagomo'mu hena'ni hilube luto kekesa yigi babu melubo. Hu'mau yagomo kaba hu ketalibe. Kai moneko moneko kanamu'i kekesa kehelito minobo.

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

1 Koliti 16:22

Moneuba Sipi Bomofihi mehi meemilina ya'ma Hu'mau gumi'i molo etelenogo yabalugu limilibe. Nani Giliki kaguti: Malana ta, noluto lali kaluguti Sipi Botio kai obo, luto nolube.

1 Koliti 6:7

Lenali bona'a mone'amagi foipana hi lepelenogomo henabe lite legese hite fa'mene meneminabe? Lenele'mo sibina hinogo ya bati hitine. To ai foyagu le'mo melenogo ai ka foyagu le'mo melenogo nehite ya bati mehu'ehibe.

1 Koliti 8:13

Ya hu'ehina'mu nani lugefa nasanamofihi seba'a nenenogo nalalu'nifu ya nasana'mu yabe luto keheli sibina hu lalibe luto ai kumu kehelugo keta hu lalifihe luto lugefanamofihi seba'a mo sito nohuto minomo buto minalube.

1 Koliti 9:25

Yagapana'i yokolo'na hilana enali enugufa amuya malalune lite hapi fite fato fato legege hite elata nehabe. Lilune'mu nehite enali sekele mamu nasana fa'menena'mu ya suhi hilata hi'ahana yabe, lali ya'ma sekele mamu'a minoba minoba nasana'mu ya suhi hilune.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

2 Tesalonika 2:2

Bona'i mone'amagi Sipi Bouba alina kana'a ao'ehibe lite lu lepilenogo mekehelilo. Enali mone'amagi Hu'mamofihi baga'aguti kaga yabe lilana, faga yabe. To mone'amagi ya lite mono ka lu yege hilana, faga yabe. To mone luga'amagi lali ya luto fayanugu koyo'ohuta yabe lilana, faga yabe. To ya'ma kaga lu nelinogomo lenali mele'isi keheli topa hete lenuluhaya metino. To lenegekesa yigise'namofihi ya'ma keheli sibi sibi hite meminalo.

Taitasi 3:2

To bonakamagi fato bona'i mone'mofihi kaga li sibina mehise to luba sabo mehise minalabe luto lu epibo. Enali legeso hite minete asaga bona'magitoga komopa'anigu keheli bati hite enele'mo babahi hilabe.

Hibulu 10:25

Ya nohutoti mono kumu li gehesa hulatanagu luga'amagi menehetise amanapa hite neminana'a nehabe. Ya hilata nehana enali suhi mehuse kana'amu kana'amu Sipi Bouba alina kana'a lebato huto nohinago yamofi kumu kehelito minoto enele'mo hetofa huto amuya moloto minalune.

Hibulu 10:37

Ya hu'ehina'mu mono bukugu fayahi mone ma lite keye'ahanamo ni'ibe: Kana'a hupamone ni'ibe. Yamofihi su nehenogo alube'mu nohinagihe. Alibe lite li'ahanamo ya'ma mino yatama mehuse mele'isi nehetilina'mu yabe.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

Huto Hilina Ka 22:20

Ka'a huto hu'ehina ya'ma lusiga lulata bo ai'a ma luto nolibe: Lama'naka. Lenalitoga ma'asi alube'mu nohube. Lama'naka. Sipi Boti, Yesuo. Kai obo.

Huto Hilina Ka 22:7

Yesu ai'a ma luto nolina: Kehelibo. Nani mele'isi foiya lenalitoga bilube'mu nohube. To mone'a lenali bukugu ya'ma suguna ka huto hilina'a mone koyoto molo'ehinamo ya'ma keheli emise hite kaba hite lite minalana enali ya'ma enegelo bilune'mu habe.