Filipai 4:4 - Ka Lamana'a Monoꞌi Lu Mu Tifiꞌehina Ka Yabe

⁴ Lenali asaga yupahi Sipi Bomofitoga i ke'mete yanamofihi komopa'agu minete lenegelo bite minalo. Nani aku'i lenegekesa lito lilube. Komopatinigu haya inogo minalo.

Filipai 4:4 ပူးပေါင်းရင်းမြစ်များ

Matiu 5:12

Ya nehinogomo kugufaluga laga kebesinogo kegelo bibo. Sipi minaka kokuluma hepatoga Hu'mau kaba hu keto'ehina kimilina'mu yabe. Koyapa'i ana suhi hite lu yege hose bona'i kohe tete huto hanamagihi enegene mane ite enehe'ahana yabe, luto Yesu lu epi'ehina yabe.

Aposolo 16:25

To folugu'i Polugo Silasiugo nunumu nama Hu'mamofitoga lite mine'aha'ina. Ya ha'igo luga'a bona'i nagalugu minanamagi kehelite mine'ahana yabe.

Aposolo 5:41

Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Romu 12:12

Lenali Hu'mamofihi bu galana yupahi mineme bite geba hilananauba lenele'mo amuya melenogo lenofokehi lilo. To keta huse'nauba lenalitoga huto nohinogomo komopatinigu fulu huse'na'mu Hu'mau lenehe'malinamofihi geba hite minalo. To asaga yupahi kosele'i melenehenogo Hu'mamofihi loka hete nunumu hilo.

2 Koliti 6:10

To keke'i luse'namofihi gupisalo nohuto legelo biba biba huto nominone. Salafa'amofita sibigopa bona'i asagatoga mono'mofihi fe'noha'a hiti enele'mo lolo hulata nohune. Lumuhi menina'a nohutogo komopatimofihi fe'noha'a bai toto ni'igo nominone.

Galesia 1:8

Nanifi to kokulumaguti agelo moneubafi ka lamana'a afeha'alo lu lepiluta logo hepalugu naga'i lolo hiluta'aloko ni'ibe.

Filipai 2:18

To lenali ana hite lenegelo nebite nani kumu komopatinigu kehelilo.

Filipai 3:1

Nalalu'nigita, ka mone ya huto lu su halube'mu nohube. Sipi Botiuba komopatinigu sabiyana lolo hu lepalalibe. Ana kaga ana suhi huto koyoto aku'i lu lepilube luto keheli'ohuna ya'ma kana keta mehu'ehina to lenalitoga ya'ma mino moloto nohuto lenele'mo hetofa hu lepalalibe.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.