Lenali bite ya'ma mono kamofihi hapa keheli bebe sete li buto hilo. Nani yagakafa enehe'ahanamagi nimite nehago menebesibe. To nani fulu huse'na'muko nebesibe Hu'mau lu'ehina ni'ibe, luto Yesu lu epi'ehina yabe. To nani komopa'ani bebe sana bona'i kehe ilube luto meo'ohube. Nani foipa bona'i kehe ilube luto o'ohuna yabe, luto Yesu lu epi'ehina yabe.
Filipai 3:9 - Ka Lamana'a Monoꞌi Lu Mu Tifiꞌehina Ka Yabe9 To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe. အခန်းကိုကြည့်ပါ။ |
Filipai 3:9
56 ပူးပေါင်းရင်းမြစ်များ
To ya'ma hetofa ka lamana'auba foipa bona'i Hu'mamofihi bu'alo enele'mo bati hilina ya'ma lelepi'ehina yabe. Hapa'a henana ni'ibe? Yata'a hiti to aliha'a hiti bona'magi Yesutoga komopa'ani emite nehago enele'mo bati hilina. Ya'ma ka lamana'a hapa ni'ibe. To koyapa'i mono bukugu fayahi ge'ahana ma ni'ibe: Bona'i moneuba Hu'mamofitoga keheli ule'ale huto agoya hu emigo, ya'ma bomofihi Hu'mau bebe sose bo nohibe luto mino kosaba huse'na emilina'mu yabe.
Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.
Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.
yama luto kehelilata nohune. Moseu keya ka lu'ehina ya ema keheliya iloto foya'a lelito buto minenogoti foipanati su halina'a meni'ibe. Yesu Kilisito kumu yabe luto keheli ule'ale huto foipanati meminenogo komopatigu le'mo bati hu'ehinogo minalune'mu hune. Ya luto keheliloto keya ka lu'ehina ka'amofihi foya'a lito buto minenogo foipanati meminenogo minalune luto Yesu Kilisito kumu keheli emi'ohune. Keya ka lu'ehina kamofihi mege'i melelata nehanaya Hu'mau enele'mo lamana hilina'a ya'ma meni'ibe.
Hu'mau ai'a bona'a lolo huto mino eto huto minalune luto lubuto biloto elesa molo limi'ehina. Ya higo minoto lito hu'ohuta ya'ma lamana foyafi lamana hapatifi ni'igo yana'mu lubuto bi'ehinamo ni'ifihe? O'e, ya huto meni'ibe. Ai'a komopa'atu kehelito lehe'mose'na'atu fi hetofa hu leto'ehina. Ai koyapa'i me'i le'mo huto mehu'ohuto'a Yesu Kilisitohi naga'i lolo hilabe luto lu limi'ehinamo ni'ibe.
Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.
ကြော်ငြာတွေ