Filipai 2:5 - Ka Lamana'a Monoꞌi Lu Mu Tifiꞌehina Ka Yabe

⁵ Yesu Kilisito ai'a kehelilata hu'ehinamofihi nasana ana suhi huto lenalitoga mineno.

Filipai 2:5 ပူးပေါင်းရင်းမြစ်များ

Matiu 11:29

Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

Luku 22:27

To butinilo kiyi'afu kaba bo nohibe ai mino laba huto nose'na nonanaubafi to ai koko kako humo emilata nohinaubabe? Ai mino laba huto nose'na nolata nohinauba kaba bo nohibe. Ya hu'ehina nani folagahatinigu nohuna ya koko bo legi huto lenehe'malube luto nohube.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 20:35

Nani ya huto asaga yupahi sipi lili'na lito lenelepi'ohuna ya'ma lali asaga lili'na amuya menehana bona'i he'moto lilata suhi huto minolata ya'ma lenelepi'ohube. Sipi Boti, Yesu ai'a ma lu'ehina: Ana'ina lilata bati mehibe. To ana'ina fato bona'i epilata ya bati huto komopakagu gelo bilana yabe luto lu'ehina. Lali ya'ma ka'a beto huto bati huto nominone.

Romu 14:15

To lenali mone nose'na nalana'mu fato bouba bu goloto ana nose'namu komopa'a sibina hinogomo henabe lite ana nose'na nalabe? Yalo lenali ana bo'mu leniginaga mefise bati mehu'ehina. Ya'ma bo'mu Kilisitou afili'ehinagi komopa'a amuya memolo'ehina bomofihi le'mo sibina hu laligi ana nose'na menalo.

Romu 15:3

Hena'mube? Kilisitou laga'a besi'ehinalo mege'i memolo'ehina yabe. Ai kumu mono bukugu fayahi keye'ahana: Bona'magi huli ka lu kimi'ahana yamofihi aku'i nanitoga ana huto huto hu'ehina yabe.

Romu 15:5

To Hu'mau lenele'mo bati hilata to lenele'mo amuya mololata bouba lenele'mo agoya hinogo lenali Yesu Kilisitohi hapa'a babeyafalo mege'i melete koguna ite moneko bona'i hite minalabe.

1 Koliti 10:33

Nani ana suhi huto bona'i fato fato enali bu negenogo bati hilibe luto nohuto'ni nani'ni nasana'ni bati hilibe luto meni'ibe. Asaga bona'magi Hu'mau enubuto bise'na'a lilabe luto foya'a lito nominobe.

Efeso 5:2

Ya nehite asaga bona kumu leniginaga fite minalo. Kilisito ai ana huto lali kumu yabe luto ginaga fito gufa'a sibi he'mi'ehina yamofihi Hu'mamofihi kuguhi koyo eminogo Hu'mau tu'a keheligo bati hu'ehinagihe.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.

1 Pita 4:1

Kilisito ai gufa'amo keke'i luse'namofihi gupisalo ti'ehina ni'inagi lenali ana suhi lolo hite lusa lite amuya lilo. Ya nehite ya'ma kehelilo. Moneubafi moneubafi ai gufa'amo keke'i luse'namofihi gupisalo tinogo nohilinauba foipa nasana li lalibe luto ekesa moloto minalibe luto lilune.

1 Yoni 2:6

Lali Hu'mamofitoga i hepito nohuta bona'i nohune luto liluta'amagita Yesu Kilisito minoto lito hu'ehina yamofihi babeyafalo minaluta yabe.