Filipai 2:12 - Ka Lamana'a Monoꞌi Lu Mu Tifiꞌehina Ka Yabe

¹² Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

Filipai 2:12 ပူးပေါင်းရင်းမြစ်များ

Matiu 11:12

Yoni huto hina kanaloti minomo tito yalo'i kana'alo ago luba nehana bona'magi kokulumamofihi kapo'a li he'milune'mu nehite luba hiba hiba hi'ahana.

Matiu 11:29

Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

Aposolo 16:29

Ya ligo naga noto kaba gimi nogina bouba libi kumu kehe iloto hololu luto hasagu ti'ehina. Ai lesa'a gofa ligo afoya foya iloto Polunogo Silasinogo etigigu tito ko'ehina.

Aposolo 9:6

Ya luto luloto ma luto lu emi'ehina: Kai ho tito hepalugu tibo. Alihi bo moneuba ya'ma suhi hubo luto lu kimilina'mu yabe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

1 Koliti 2:3

To lenalitoga foiya bito nehetilube'mu nohuto laga lepesifi melepesifi luto mino'ohuna ya'ma amuya'ni meni'igo nefelele'i bigo afoya ito mino'ohunamo ni'ibe.

1 Koliti 4:14

Nani lenubuya hilibe luto ya'ma kaga fayahi menokoyobe. Nani komopa'ni nolepuna pa'ni pana'ni lenegekesa li hokolo huto fayahi ya'ma nokoyobe.

2 Koliti 7:15

Taitasiu ai lenalitoga bulago koli'a hiti keheli emite to keke'i li etete lenipagu melete be tigilete he'me'ahana to ka'a keheli emi'ahana yana'mu kehelito meha'a lenalitoga molo'ehina ya'ma napa ho lito bulata nohibe.

Efeso 6:5

Kele kele bona'i lenali metoga enikibina bomagihi koli hite agoya hu epelenogo ka'ani kehelinogo komopatini lamana hinogo Kilisitohi suhi hite agoya hi ete'ahanamofihi ya hite kehelilabe. To lenali kumu kehelinogo keta mehinogomo fulu hite minete kaga'ani kehelilo.

Filipai 1:27

Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Filipai 1:6

To ya'ma luto ma luto keheli sepa ito keheli'ohube: Foya lamana'a lenalitoga hapi fi'ehina bo Hu'mau lelito buto li baga neinogo Yesu Kilisitou henetilina kana'a li etalube'mu hibe.

Filipai 2:19

Sipi Bo Yesu bati huto yabe linogo Timotihi mele'isi lenalitoga ho lifinogo'ni bilibe luto nolube. Ya hulenogo lenalitogati kaga mone i gelehe huto enogo keheliloto komopa'nigu bati hinogo kehelilube.

Filipai 4:1

Ya'mu komopa'ni lepi'ohuna nalalu'nigita komopa'niuba ya'ma lenali kumu mone'a hiti nonebesibe. Lenali foya'nimofihi legeya'a lolo hi'ahago lenali kumu negelo bilata nohube. Lenali amuya melete Sipi Bomofitoga hepite mino hetofa hite ai naga'i lolo hite minalo.

Filipai 4:15

Filipai hepatoga bona'ise, lenali keheli'ahabe. Nani ka lamana'amu foya hapi huna kanalo ya'ma Filipai hepalugu Masetonia metogati he'mito nobugo Yesuhi bona'a luga'amagi fa'mene neago lenali'i nani lenele'mo hetofa hugo lenalisigo efahi nimigo oto mino'ohutamo ni'ina akeheli'ahabe.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

Hibulu 12:1

Keheli ule'ale huse'namofihi hapa'a li huto hi'ahana bona'i samahi tite sopopo suhi hite minete lele'mo bego bego hi'ahanamo ni'inagihe, yamofihi fifa ilata nehana bona'magi hololu lilata nehanamagihi hapa'ani'mu kehelito minoto keta'a hiti nasana ya'ma gololo tito li he'milune. To foipanamofihi hapa'auba lugufalo naga'i gi'ehina hiti li toba hoto li he'milune. Ya hulototi kapo lelepi'ehina analo kosele'i melehenogo hololu luto fotogo huto bilunagihe.

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Hibulu 4:11

To lalitogati moneuba amuya memolose foipana nasanamofi kumu luto bona'i koyapa'i ka'a pelesa ite Hu'mamofihi minoba minobanamofihi hepatoga mebilune'mu enipakafa enehese kapolo bi'ahanamo analo'i bu lalunigi minoba minoba hepatoga bilune luto amuya malalune.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

1 Pita 2:11

Nigibo nalalu'nigita, nani lenegekesa lito lu lepilugi kehelilo. Lenali Hu'mau kokulumagu nohina bomofihi naga'i nehanagi ya'mu ma metoga bonoho bo suhi hite to ka'i logo lili bo suhi hite minetetini lenugufatini laga lepesilatana nohina yauba komopatini luba li emilata nasanaya he'milo.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.