Filipai 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Filipai 1:7 ပူးပေါင်းရင်းမြစ်များ

Aposolo 20:23

To ya'ma Sikalafu'uba asaga hepatoga nonehetugo kalabusi naga'i kimilabe luto gabu gilina suhi huto hi ketalabe luto lu nimigo keheli'ohube.

Aposolo 21:33

To gimi bomagihi kaba'aniuba buto Poluhi naga'i emito seni naga'i loemotu sa gibo luto gimi bona'magihi lu epito le'mo'ehibe. To boana'magihi ma luto enoloka habe: Ya'ma bo ki'afube? To hena hu'ehibe? luto enoloka ho'ehina.

1 Koliti 13:7

Eniginaga fise nehana bona'magi enali keta'a hiti nasana fa'mene kosele'ani meenehenogo kofilana'mu yabe. Ana'ina'mu asaga'i kehelite amuya melete minalana'mu yabe. Komopa'aniguti Hu'mamofihi agoya hu emite enifita ite minete Hu'mamofihi kagu amuya melete minomo buto minalana'mu yabe.

1 Koliti 9:23

Silaga nasana yamofihi fa'mene ka lamana'a huto holito bilibe luto lolo hulata hu'ohube. To Hu'mau lusa nogi epoloto nani hiti lusa gi netalibe luto lulata nohube.

2 Koliti 3:2

Ya suhi huto meni'ibe. Nani foya'nimofihi fayaha'a lenali ya'ma nehabe. To fayahi koyolata nasana ya'ma komopatigu fayahi koyolago bona'i asagatoga bu gelete leka sete kehelilatana ya'ma ni'ibe.

2 Koliti 7:3

Nani ka ya'ma lenifisa ilube luto lu melepolo'ohube. Nani koyapa'i lu lepi'ohuna ka mone aku'i yatai lu lepilube. Lali lenali hiti moneka minoto lito fililuta ni'ifi fa'mene minaluta ni'ifi ana suhi huto mino lito buto minalune. Komopa'ni lenalitoga mino'ehinamo minalube'mu hibe luto alu lepi'ohunamo ni'ibe.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Efeso 3:1

To ya huto ni'igo Poluita nani Kilisito kumu yabe luto ya'ma fegutoga bona'i lenalitoga ka lamana'a lu lepi'ohunamu'i naga nonugu nele'mo mele'ahana ni'igo nani lenali kumu afotifihi loka nohobe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Efeso 6:20

To nani ana huto hetofa ka lamana'a kumu yabe luto Hu'mamofihi kaga leli'ali hulata bo naga nonugu nohunaya Hu'mau lu netalina ka nelesa melinogo lu huto hilibe lite nani kumu Hu'mamofitoga kehe ilo.

Filipai 1:12

Nalalu'nigita, nani kumu keheli'ahana ka lu hokolo hu nolepube. Nanitoga nasana keta'a hiti huto hu'ehina yanauba ka lamana'a fi hetofa hiligopa ka lamana'auba bu baga ito buto lilibe luto huto hu'ehina.

Filipai 1:13

Nani Kilisito kumu yabe luto naga nonugu nohube. Yamofihi kaga'auba maga'ma gihiti bo sipi bomofihi gimi bona'i hiti to bona'i luga'a hiti enali enegekesalo bu baga i'ehibe.

Filipai 1:14

To naga nonugu nohuna'mu yabe lite magati'ma ligibo lagabo luga'amagi enali Sipi Bomofi kumu kehelilete keta mehuse hite Hu'mamofihi kaga'amu enelesa meligo lu huto hilata nehabe.

Filipai 2:22

Timotiu ai minoto lito nohinamofihi hapa'a bati hu'ehigo akeheli'ahanamo ni'ibe. Ai pana'i moneuba afo'afi he'malata suhi luto ka lamana'amofihi foya'a nehe'moto li'ehina yabe.

Filipai 4:14

Ya hu'ehinaya lenali ya'ma keke boke luse'na kehelito nohugo nele'mo bati hi'ahanamo yamofi kumu nokehelugo etolata nohibe.

Filipai 4:15

Filipai hepatoga bona'ise, lenali keheli'ahabe. Nani ka lamana'amu foya hapi huna kanalo ya'ma Filipai hepalugu Masetonia metogati he'mito nobugo Yesuhi bona'a luga'amagi fa'mene neago lenali'i nani lenele'mo hetofa hugo lenalisigo efahi nimigo oto mino'ohutamo ni'ina akeheli'ahabe.

Filipai 4:3

To foyalo bo nalalu'nigita, lamana'a lenali ya'ma ana'ate loemo ya'ma etele'mo bati hubo. Etali hiti Kelemeto hiti to nalalu'nigi luga'a hiti ka lamana'amofihi ginaga fise foyamu'i fi hetofa hi nete'ahanamo ni'ibe. Hu'mau ya'ma enali hiti enubuto bi'ehigo minoba minoba huse bona'i enali kumu enigi'ani mone ai'a bukugu fayahi koyo'ehina yabe.

Kolose 4:18

Nani Poluita nani'ni nayaha'nitu fayahi koyoto ma luto nolepube. Nalalu'nigita nehafiye? Nani ya'ma noluto to naga'i li'ohunaya lenekesu meheno. Hu'mamofihi lenehe'mose'nauba lenalitoga mino moloto mineno.

Kolose 4:3

To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.

1 Tesalonika 5:5

Lenali fana mehenamofihi to yege'amofihi komopa'agu nehabe. Lali Kilisitohi naga'amagita sinihi to metepunamofihi komopa'agu menohune.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

Filemoni 1:13

Nani ya'ma ka lamana'amu yabe luto naga nonugu nohugo ai kailotiu minoto nehe'malibe luto nipagu nohinaya aku'i kaitoga ho nolufube.

Hibulu 3:1

Ya hu'ehina'mu mono bo nalalu'nigita, kokulumagu naga'i lolo hilabe luto Hu'mau elesa molo lepi'ehina. Lenali keheli emilata nohutamofihi mono ka leli'ali bo to mamufa gi emilata bo sipi'a Hu'mau ho lifi'ehina bo, Yesuhi bu go bati hite bu ge'ehilo.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.

1 Pita 5:1

Lenali mono'i kaba bo nehana lenali'i nani ana huto kaba bo lenalalutinifita ka nolepube. Nani Kilisito ai kumu keke'i luse'namofihi gupisalo tito mino'ehina yamofihi nubu'niloti bati huto bu go'ohuna yabe. To nani ana huto ai fana meha'a alihi huto huto nohinogo ana fana meha'agu minaluna'mu yabe. Nani ya huse bomofita lenekesa lu hokolo huto lu nolepugi kehelilo.

2 Pita 1:13

Nani nubu hiti nohuto melugu minoto ka ya'ma lu lepiba lepiba huto lenele'mo topa topa halunaga kehelugo eto nohibe.

1 Yoni 3:14

Lali komopati ya'ma lalalutigihi epilata nohutamo ni'inagihe. Ya'mu lali filise'na kapo'aguti he'mito oto mino kosaba'nagu mino'ohutamo ni'ina keheli'ohune. To luga'amagi enali komopa'ani ai eminogo ai eminogo menehanamagi enali ya'ma filise kapogu nebana yabe.