Filipai 1:6 - Ka Lamana'a Monoꞌi Lu Mu Tifiꞌehina Ka Yabe

⁶ To ya'ma luto ma luto keheli sepa ito keheli'ohube: Foya lamana'a lenalitoga hapi fi'ehina bo Hu'mau lelito buto li baga neinogo Yesu Kilisitou henetilina kana'a li etalube'mu hibe.

Filipai 1:6 ပူးပေါင်းရင်းမြစ်များ

Yoni 6:29

Ya lago Yesu ka'anilo nona'a lu epi'ehina: Hu'mamofihi lili'na'a ma huto ni'ibe. Ai'a ho lifigo o'ehina bomofitoga komopatini emite minalo.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Aposolo 16:14

Ya'mana analuguti mone a'mofihi gi'a Litia yabe luto nohinauba kagati keheli'ehina. Ai Taitaila hepato a'uba safa guketelo bisinisi nomalana a'i yabe. Ai Hu'mamofitogago agoya hu emito nominana'mu luto Sipi Bouba ekesa'a li hokolo higo Polu lina kaga keheliya i'ehina.

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.

2 Koliti 1:15

Kaga ya luto noluna ya'ma keheliya i'ohuto lili'na kana loe yupahi lenalitoga biluna nasanauba komopatinigu bati hilibe luto le'mo babahi hu'ohuna.

2 Koliti 2:3

To lenalitini ana'ina lilata hi'ahana le'mo fe lilabe luto fayaha nasana koyapa'i koyoto lepi'ohunamo ni'ibe. Lenali ya hilenogo nani lenalitoga bugo komopa'nigu le'mo bati hi nete'ahana aku'i komopa'nigu laga mehilina nasana lolo hi nete lalabe luto ya'ma ya hu'ohunamo ni'ibe. Laliti'mu ya'ma luto nokehelube. Nani komopa'nigu negelo bise'na kehelutita komopatinigu lenegelo bise'na li huto hu lepilibe.

2 Koliti 7:16

Nani lenali kumu keheluna ana'inatini fotogo hutogo ni'igo nugufa'ni sibina mehinogo bati huto minalube'mu hube. Ya'ma komopa'nigu bati nohigo nokehelito lu nolepube.

2 Koliti 9:4

Nani'ni aliha'a nohunamofihi Masetonia bona'i hiti buto lenali kefahi li nupa huse'namu ligitagahi nehago lenele'mo bati huto lu lepi'ohuna ka'ni limi lalibe luto nani hiti to lenali hiti lubuyati hu lalibe luto yabe.

Galesia 5:10

To lenali nanitoga bilabe luto kehelugo keta mehigo lu nolepube. Sipi Bomofitoga hepilata'mu yabe luto Hu'mamofihi fuluna'a lenugufaga ni'ilina'mu nani nokeheluna suhi huto lenali kehelilana yamofihi buto so kilune luto nokehelube. To lenele'mo sibi hulata nohina bo ai yisitiu nose'nagu minalina suhi huto ya'ma foipana'amofihi nona'a lilina'mu yabe.

Filipai 1:10

To lenali ya hiletetini kaga hapa'a kehelite i be ligi'ehinana kehelilete to Yesu Kilisito nehetilina kanagu komopatini kolota mehuse gulu gulu linogo mone ka lepekilina'a meni'ibe.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Filipai 2:12

Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

Filipai 2:13

Hu'mau komopatini le'mo bati nohigo ai lili'na'a amuya melete ai amuya'alo neligo to legeya'a li huto hilata lenele'mo hetofa hulata nohibe.

Filipai 2:16

Fi fana telenogo amuya lenemehi hite minolatanamofihi ka'a li huto hite molo epelete minalabe. Ya nehinogo Kilisitou henetilenogo ya'ma lenali kumu yabe luto bula ola hu'ohuna to foya'alo keta'a hite li'ohuna yamofihi fa'mene'mu meni'ibe. Yamofihi hapa'a huto hilenogo negelo bito komopa'nigu bati nohinogo kehelilube.

Kolose 2:12

To nagami folose nehana hapa'a henana ni'ibe? Mana ni'ibe. Lenali nagami'i nefelete Kilisito hiti fililete keligu limilete aku ai hiti ho netibe. Foipa hapatinimu'i fililete ai hetofa hapa'amu aku'i ho tite minalune'mu hite nagami'i fele'ahana yabe. Hapa'a ya huto ni'ibe. Hu'mamofihi amuya'auba Kilisitohi fili'ehinaguti le'mo ho ti'ehina supo huto lenali lenele'mo ho ti'ehibe. To henabe luto lenele'mo ho ti'ehibe? Lenali aitoga agoya hu emi'ahanamo'mu yabe.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

2 Tesalonika 1:11

Ya'mu lali hiti kana'amu kana'amu lenali kumu yabe luto Hu'mamofitoga lulata nohune. Hu'mau elesa molo lepi'ehinamofihi legeya'amo kehelinogo lamana'a hilibe luto loka nohone. To ai'a amuya'aloti fi hetofa hu lepelenogo lamana'amu kehelite neminamofihi legeya'a lolo hilabe luto to aitoga keheli ule'ale hite aitoga agoya hu emilata nehanamofihi foya'a lelite bilabe luto nolune.

2 Tesalonika 3:4

Lenali lu noleputa kaga kehelite nemina suhi lite minoba minoba hilana legekesa ya'ma kehelito loegu menokehelune. Sipi Bouba lenali kumu yabe luto komopatigu lele'mo fulu nohinagihe.

Filemoni 1:21

Kai ya nohuto nani kaga'ni ya'ma keheliya ilane luto keheli'ohuto ya'ma koyoto lu nokumube. To kai komopakatu kehelito mone koto molo emilane luto keheli'ohube.

Hibulu 10:35

To yatai ya'ma Hu'mamofitoga lenifita ilata nasana mehe'milo. Ya nasanauba minoto aliha'a mina'a sipi'a li huto hu lepalalina'mu yabe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

2 Pita 3:10

To Sipi Bomofihi kana'a ya huto hilina luba kala bona'magi kofohi nemalago otopa nehana ya suhi huto ana kana'uba henetilina'mu yabe. Ai huto nohinogo kokuluma'uba ko kililika sipi luto buto hokolo hilina'mu yabe. To kokulumagu ana'ina sonofi'i silaga'i ni'igo bu golata nohuta nasana'ya asaga'i logouba lo su henogo fa'menena lolo hilina'mu yabe. Ya hilenogo melugu to me'mofihi gupisa'alo ana'ina silaga'i logouba ana huto lo su hoto fenene hilina'mu yabe.