Filemoni 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Nalalu'niga, kai Hu'mamofihi bona'a asaga'i enele'mo bati hulata nohatamo ya'mu komopaka epi'ahatanamofihi komopa'nigu bati huto keheliloto negelo gofa bilata nohube.

Filemoni 1:7 ပူးပေါင်းရင်းမြစ်များ

1 Koliti 16:18

Ya huloto'ni nani hiti lenali hiti asaga'i enali'i bu go lu mala huto nohutogo lipagu legelo bi'ohuta. Lenali bona'i ya hana'a enali kumu kehelinogo bati hino.

2 Koliti 7:13

To lenali ana hilete komopati le'mo kefa i'ahanamo ni'ibe. To komopatigo le'mo hetofa hi'ahana yamofi kumu luto meni'ibe. Lenali Taitasihi komopa'a le'mo fulu hago ai komopa'agu gelo bito nohigo anamofihi ka'a ya'ma kehelito laga'a nominone.

2 Koliti 7:4

Lenali Hu'mamofitoga ule'ale hite neminana komopa'nitu keheli'ohuto lenofokehi nolube. Lenali komopa'ni le'mo fulu nehago keke'i luse'namofihi gupisalo nominoto'ni bati huto minoto negelo'ni sipi nobube.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

1 Tesalonika 2:13

To lali Hu'mamofihi kaga lu lepi'ohutogo lenali ya'ma bona'magihi kaga ni'ibe lite melise ya'ma Hu'mamofihi ka lamana'a yabe lite kehelite li gu i'ahanamo ni'ibe. To lamana'a ya'ma huto ni'ibe. Hu'mau ya'ma aitoga keheli emilata bona folagaha'anigu minoto foya'a lilata nohibe. Ya'mu lenalitoga ya huto nominana'mu lali ya'ma Hu'mamofihi fokehi mone hiti holoto nominone.

1 Tesalonika 2:19

Lenali kumu yabe luto laga'a kehelilata nohune. Yamofihi ma huto ni'ibe. Sipi Boti Yesu oto nehetilina yupahi ya'ma gobisalo hiya bona'magi lali foyatimofihi legeya'a lolo hilabe? Lenalitinigo ya'ma lali foyamofihi legeya'a lolo hilune'mu habe. Ya'ma huto hilina yupahi lali sa huto geba nohune. Ya nehinogo lenali kumu legelo bito minalune.

1 Tesalonika 3:9

Lali lenali kumu hiya huto Hu'mamofihi fokehi lilune? Lenali kumu yabe luto Hu'mamofihi gobisalo komopatigu sabiyana lolo nohigo legelo nobune.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

Filemoni 1:20

Ya'mu nalalu'niga, kai ya'ma Sipi Bomofi kumu yabe luto ana'ina mone nimilane luto nolube. Kai Kilisitohi bona'a suhi huto ya'ma pana'i be tigito le'mo bati bati hu etobo luto ya hitogomo nani komopa'nigu bati huto minalibe.

2 Yoni 1:4

Paka panaka luga'a enali afotifu lu molo'ehina kamofihi ya'ma keheli'ehite'ani ka'a lamana'a ya'ma lite minelata nehana yabe luto hapa'ani ya suhi huto keheliloto'ni komopa'nigu negelo bito minolata nohube.