Filemoni 1:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Nani naga nonugu nohuto'ni bo mone le'mo mono kapogu le'mo molo'ohuna bo Onesimasi ai kumu nolube.

Filemoni 1:10 ပူးပေါင်းရင်းမြစ်များ

Maki 9:17

To bo moneuba, li gehesa nehanaguti, ma luto lu emi'ehina: Oho, Babafio. Nani pana'nimo foipa fele komopa'agu nohigo, ka meluse nominabe.

Romu 12:1

Nalalu'nigitabe. Hu'mau sipi ginaga fi limi'ehina'mu nani lenoloka hoto buka tilube. Lenali lenugufatini Hu'mamofitoga molo emilo luto, hetofa kuguhi legi huto mino kosaba'natini emite li molo etalo. Lenugufatini ya emilenogo Hu'mau ai lenali kumu fokehi lilibe. Ya hu'ehina'mu lenali Hu'mamofitoga agoya hu emite to gi'amo liyafa hilata nehana yamofihi lusiga mono ka ni'ibe.

1 Koliti 4:14

Nani lenubuya hilibe luto ya'ma kaga fayahi menokoyobe. Nani komopa'ni nolepuna pa'ni pana'ni lenegekesa li hokolo huto fayahi ya'ma nokoyobe.

1 Koliti 4:15

Kilisitohi kamu'i babafi lilana bona'i ya'ma babu lite nehanaya afotinigi asaga'i menehabe. Yesu Kilisitohi hetofa ka kohe toto lu lepito aitoga lenele'mo bu'ohunagi afotinifita nani'nisigo lolo huto nohube. Ya'mu lenali pa'ni pana'ni yabe luto lu'ohuna.

Galesia 4:19

Panana'nimagita, nani lenali kumu luto keke'i luse aku'i nokehelube. Ana'magi yagapana'i ketalune'mu nehite keke'i lilata nehana, ya suhi huto keke'i luse'na sipi aku'i nokehelube. Kilisitohi babeyafa'a suhi huto lenalitoga huto hilibe luto lenali kumu kehelugo keta nebesilata nohibe.

Kolose 4:9

To lenali bonatini mone gi'a Onesimasi loe hiti bila'ibe. Onesimasiu ana huto lalalutifu nohuto kosele'i mehose Hu'mamofihi lili'na bo'a lagati lebesina bo nohibe. Ana loe bole lenalitoga bilete ma hepatoga huto nohinana'a asaga'i lu lepila'ibe.

1 Timoti 1:2

Timotio mono kapogu kele'mo'ohuna pana'ni nohane luto nolube. Kai fayahi ya'ma koyoto nokumube, Hu'ma afotifu to Sipi Boti Yesu Kilisito lehe'mose'na hiti ginaga fi limise'na hiti to fuluna'a lele'mo huse'na yamofihi huto hu keteno.

Taitasi 1:4

Taitasio, lusi pana'ni kai hiti nani hiti moneko mono'i keheli emito mino'ohu'inamo ni'ibe. Kai ya'ma fayahiya koyoto nokumuna kehelibo. Afotifu, Hu'mau to Yesu Kilisitou lubuto bilata bomofitogati lehe'mose'na fuluna'a hiti kaitoga mineno.

Filemoni 1:11

Kohe toto le'mo bati mehigo laga mehibe. To yatai ya'ma kai hiti nani hiti lele'mo lamana hulata nohina bo lolo hulago bati hibe.

Filemoni 1:13

Nani ya'ma ka lamana'amu yabe luto naga nonugu nohugo ai kailotiu minoto nehe'malibe luto nipagu nohinaya aku'i kaitoga ho nolufube.

3 Yoni 1:4

Yagapana'nimagi ka lamana'amofihi kapo'alo bati hite bilata nehana kaga'a ya'ma keheliloto komopa'nigu bati huto kehelilata nohunaya ya'ma komopa'nigu keheli bati hilata mone'mofihi yanauba mone be meligilina'mu yabe.