Efeso 6:1 - Ka Lamana'a Monoꞌi Lu Mu Tifiꞌehina Ka Yabe

¹ Panala'i pana'i lenali Sipi Bomofi kumu lite kehelite itotinigi afotinigihi agoya hu epite enali ka'ani keheli epilo. Yauba ya'ma lenali kapo lamana'a hokolo nohibe.

Efeso 6:1 ပူးပေါင်းရင်းမြစ်များ

Luku 2:51

Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Romu 7:12

Ya'ma Hu'mau keya ka lu molo'ehina'amoya to lu laga hu'ehina kagaya ya'ma ni'ina, to ana keya ka moneko moneko'isi asaga'na hetofana ni'inagi, bebe sose kaga to lamana kaga ni'inagihe.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

1 Timoti 5:4

Keto a'i mone'mofihi yagapana'i tata'agi hiti enali kohe tete mono kamofihi foya'alo mege'i melete le'mo lamana hilabe. Ya nehinogo yamofihi ema afeha'alo ito'anigi afo'anigi kaba hi epele'ahanamofihi nona'a ana suhi hite epite to agoya hi epalabe. Ya nehinogo Hu'mau bu noenogoto gelo bilina'mu yabe.

1 Pita 2:13

Lenaliya, ma metoga nehana kaba bo fato fato'mofihi nehabe. Ya'mu lenali Sipi Bomofi kumu yabe lite koko'i hi epite minalo. Mone sipi gihiti bouba ai asaga kaba bomagihi enebege ligito minomo tito nohibe. Aimo agoya hi emilo.