Efeso 5:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Yatai ya'ma kanagu foipa nasanamofihi li fulugu bi'ehinamo ni'inagihe. Ya'mu ana'ina lamana'a lilata kana'a huto hu lepilinamo ya'mu lenebe meligino. Kana'a fa'menena lolo hu lalibe luto yabe.

Efeso 5:16 ပူးပေါင်းရင်းမြစ်များ

Matiu 25:17

To kaba bo'auba 2,000 kina emi'ehina bouba ana huto bisinisi mololoto aku'i 2,000 kina molo emito mone'a hiti efahi huto li'ehina.

Yoni 12:35

Ya lago Yesu lu'ehina: Lenali folaganugu fana tose'nauba bula ola huto hu'ehinamofihi hupamone kana su halina'mu. Lenali ya'ma fana tose'na ni'igo analo nehilo. Ya hite, metepuna lenalitoga lenebe ligi lalibe luto lu'ohube. Bona'i metepunagu minoto kapo bilina bu go bati mehuse kapo'a menokehelibe.

Romu 13:11

Ya'ma ginaga fi epilata nehabe luto nolunaya henabe luto nolube? Hu'mau Sipi Botiuba lele'malina kana'a lebato'isi ni'inagihe. Koyapa lali yata'a Kilisitohi keheli ule'ale huto komopati emi'ohuta lele'malina kana'a foto'i mino'ehina, to lubuto bilina kana lebato nehetilibe. Yana'mu lenali lenubu kolo kolo hite neminabe. Yatai topa hete ho tilo.

1 Koliti 7:26

Yatai kana'a ya'ma keta huse nasanamofihi komopa'agu nohutogo lenali fa'mene minalana bati hilibe.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

Efeso 6:13

Lenali yana'mu Hu'mamofitogati gimi mage'i luba nasana lilete minete luba laga mehina'a amuya melete nehinogo fatehatini enali ete luba hilube'mu nehinogo lenali analo'i amuya melete minete koli mefelese ule'ale hite minalabe.

Efeso 6:15

To Hu'mau bona'i enele'mo fulu hilata nohina ka lamana'a lite minalana yanauba enigigusagu fegu lolo hu lepelenogo kapo melete minalo.

Kolose 4:5

Enali Kilisitohi naga'i menehana bona'magihi fulu hite kehelilete bebe sana hapa'a hi epalalo. Ya hite, asaga yupahi ka lamana'a lu epise'namofihi kapo'a sa sa hite mone fa'mene meminese enehe'mete Yesuhi hapa'a enelepilo.