Efeso 5:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Efeso 5:14 ပူးပေါင်းရင်းမြစ်များ

Luku 1:78

To afotifu Hu'mamofihi fuluna hiti keke'i luse'na hiti ya'mana nohibe. Ai kokulumalugu fana tose'na lali kumu'i huto hilina yana'uba lehe'moto ana huto bona'i luga'a filise'namofihi metepugu nehana'a ya'ma enele'mo fana talina'mu yabe. To ai fulu kapogu lele'moto bilina'mu yabe. Sekalaiyau ya luto nama lu'ehina yabe.

Luku 15:24

Ya'ma pana'nimo fili'ehina legita minoto aku'i nohibe. To fenene huto minoto yatai aku'i huto hu'ehibe. Ya ligo enali hapi fite nose'na nenete enegelo nebite mine'ahana yabe.

Yoni 8:12

Yesu aku'i ma luto lu epi'ehina: Nani ma me'mofihi libi'a nohube. Bo moneuba nani'i nemege'i malalinauba lo mesobose libi'i ligiloto metepulugu kapo memalalina'mu yabe.

Yoni 9:5

Nani ma melugu minoto asaga noto noto bona'magihi libi'ani besa lose'na'a nohube.

Aposolo 13:47

Sipi Botiuba kaga ma luto molo'ehinamoya lali'i limi'ehina: Fegutoga bona'magitoga fana tose'na kele'mo ho ti'ohube. Melugu bona'i yege yege'i nehanamagihi enele'mo enubuto bilane luto kapo li hokolo huse bo kele'mo ho tube.

Romu 6:13

To lenali lenugufatini mone kegi'a foipana lili'nalo memalalo. Ma'naka, lenali asaga komopatini hiti lenekesa yigise'na Hu'mamofitogago molo emilenogo foipanamofihi fili'ahanagati ho ti kosaba hite minalana suhi huto yabe. Asaga lenugufatini komopatini Hu'mamofitogago eminogo ai lili'na'a hetofanamofihi li huto hilibe.

1 Koliti 15:34

Lenali ya'ma komopatini hokolo hinogo eto hite nehite foipa nasana lenemegesa hi emilo. Lenalitogati bona'i luga'amagi Hu'ma kumu menekehelibe. Yamofihi fa'mene kehelinogo lenubuya hilibe luto nolube.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Efeso 2:1

Lenali koyapa'i ka mekehelise minete foipanagu mine'ahana to yamu'i lenemehi filito bigo mine'ahana yabe.

Efeso 2:5

Ya nohuto lali foipanatimomu'i lemehati filito bigo nohutogo Kilisitou fili'ehinagati le'mo ho ti'ahanalo lubuto bito lele'mo'ehina yabe. Ya huto ai ginaga fi lepolo'ehina'amu lenubuto bi'ehinamo ni'ibe, nekehelifiye?

Kolose 3:1

Lenali Kilisito hiti ho ti'ahana bona'i nehafiye? Ai nohina kapomu'i sa sa hite lenegekesa yigilo. Anagu Kilisitou Hu'mamofihi yahi lamaga'aga nominabe.

1 Tesalonika 5:6

Ya'mu bona'i luga'a enali enubu'i kelata nehana suhi lite meminalo. Komopatini lenegekesa hekini melenogo lenalitini kaba hite gili gili hite minalo.

2 Timoti 1:10

Legeya'a halinagu yamofihi ya'ma kana'alo lubuto bilatanamofihi afo'afu Yesu Kilisito limilago ana nasana ho filito amuya moloto mino kosaba huse nasana mefilise'na yamofihi ka lamana'atu yatai li huto hu leto'ehina.

2 Timoti 2:26

Ana bona'magi Satau koyapa kelefu'agu enohoto ai mege'i malalabe luto naga'i epi'ehinamagi komopa'ani i gelehe hinogo to enegekesa hokolo hinogo Hu'mau Sataha naga'aguti enubuto bilina'mu yabe.