Efeso 4:9 - Ka Lamana'a Monoꞌi Lu Mu Tifiꞌehina Ka Yabe

⁹ Ifoga ti'ehinamofihi hapa'a ya'ma kaga henana ni'ibe? Ai me'mofihi komopa'agu limi'ehinaguti i behe huto ti'ehinamo ni'ibe.

Efeso 4:9 ပူးပေါင်းရင်းမြစ်များ

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Yoni 3:13

Bo moneuba kokulumalugu meti'ehibe. Hu'mau le'mo ho ti'ehina bo, ya'ma Kokulumaguti limi'ehina Bouba moneko aisigo kokuluma hepa'i he'mito limi'ehibe.

Yoni 6:33

Ya'mana beleti Hu'mau epilata hu'ehinauba melugu boana'i enele'mo mino kosaba hilibe luto kokuluma hepa'i he'mito limi'ehibe.

Yoni 6:38

Nani noho lifi'ehinamofihi mege'i moloto lili'na lilube luto kokuluma he'mito limi'ohube. To nani'ni nemeha'nilo lili'na mone meliluna'mu yabe.

Yoni 6:41

Nani kokulumaluguti limi'ohuna beleti nohube lina kamu'i Yuta bona'magi gulu gulu bilete ipakafa he'ahana.

Yoni 6:51

Mino kosaba huse beleti kokulumaluguti he'mito limi'ehinamoya nani'ni nohube. Ya'mana beleti nose'na mone bouba nalina ai minoba minoba hilina'mu yabe. Ana beleti nose'na nani emiluna nani'i nugufa'ni yago melugu asaga bona'i epi baga inogo enali ana hite minoba minoba hepa'i lilabe.

Yoni 6:58

Ya'ma noluna beletiya kokulumaluguti limi'ehibe. To koyapa'i tatatinigi nelete fili'ahana beleti'mu menolube. Ya'ma nani noluna beleti nalinauba mefililina minoba minoba hilina'mu yabe.

Yoni 6:62

Kokulumaguti limi'ehina Bouba koyapa'i mino'ehina hepatoga aku'i tilina ya hena huto ni'ibe?

Yoni 8:14

Ya lite lago Yesu ka'anilo nona'a lu'ehina: Nani'nimu kaga nolunaya ya ma'naka nolube. Nani ho tito o'ohuna'a hiti to nobuna hepa'i hiti nani'ni akeheli'ohube. Hena'mugope nani ho tito o'ohuna hepa'i hiti to nobuna hepa'i hiti ya'ma lenali mekeheli'ahabe.

Hibulu 2:7

Yamofihi kana'a hupasi hinogo kai bona'i lebato agelomagitoga legege hu epolo'ahane. Kai gihiti bomofihi gi'aloti sekele mamu'a hiti liyafa huse'na'a hiti bona'magihi epi'ahatamo ni'ibe.

Hibulu 2:9

Ya huto Yesu bu go fe luto kehelilata nohune. Kana'a hupamone ya'ma agelomagihi enalitogati limito minoto Hu'mau lehe'mose'namu keke'i luse'na kehelito fili'ehina yabe. Asaga bona kumu yabe luto fili'ehina. Ya'ma fili'ehinanamofihi gabu gise'namu Hu'mau le'mo hofa tago fana meha'a hiti gi'amo li saga huse'na hiti aitoga huto hu'ehina bu golata nohune.