Efeso 4:31 - Ka Lamana'a Monoꞌi Lu Mu Tifiꞌehina Ka Yabe

³¹ Lenali enipakafa hose'na hiti to kenasabo bise'na hiti to enemegeka lite ya'ma asaga'i keheli he'milo. To luba lenegekesa mehino.

Efeso 4:31 ပူးပေါင်းရင်းမြစ်များ

Aposolo 21:30

Ya nelago ana olopa hepato bona'i asaga'i kehelite hololu lite li nupa hite Poluhi nu kite le'mete mono nonuguti kefefe hite limilago mele'isi ya'ma sipi mono nohi kafe gi'ahabe.

Romu 3:14

Enabagaguti kenasabo nebina ka to huli ka hiti nelana bai toto ni'ibe.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

1 Koliti 5:8

Yamofihi Kilisitotoga hepito legelo bito minalune luto beleti nose'nagu yisiti meni'ina yamofihi foipana hiti moko lilata yisiti suhi li he'mi su holoto yisiti nasana'a meni'ilina nasana yamofihi eto'ehina hapa'a lito to ka lamana'a legeya'amofihi nasana yamofihi nohuto legelo bito minalune.

2 Koliti 12:20

Nani lenalitoga buto bu lenagaluna lenali kumu kehelinogo bati mehilifihe luto, to lenali nani kumu ana hite kehelinogo bati mehilifihe luto nokehelugo keta nonebesibe. To lenalitoga kenasabo bise'na to siko huse'na, to ibe fitobe nasana, to molomo titi hilata'na, to libe pigi bibe nasana, huli tali ka mege ka lulata, bona'i enugufa lelite tite, li sibi sibi hilata nasana yamofihi ni'inogo buto nehetito bu go lalube luto nokehelugo keta nonebesibe.

Galesia 5:20

To faga lugefa nasanamofihi fokehi holatana, nalisanauba komopa'ani li sibi hulatana, fatehe bona tegi hilata nehana to gulu gulu bilata nehanana luba sabo hulatana, siko hulatana, enali'ani keheligo tigo amuya melelata, to loko hite mine luga luga nehite minelata nasana.

Efeso 4:22

Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.

Efeso 4:25

To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

Efeso 4:26

To lenipakafa lenehenogo foipana li lalabe lite mele'isi he'mite su halo. Lenipakafa lenehenogo mineba mineba hite nehinogo yege liminogo bati mehibe.

Kolose 3:19

To lenali bomagita lihatinimagihi leniginaga fi epite lenipagu logo mebino.

1 Timoti 3:11

Ana suhi hite, enali liha'animagi hapa'ani bati huto ni'inogo fulu hite minalabe. Enali megeka melise minalabe. To ana ana'magi negi nagami neba neba hilana meni'ibe. To enali hapa'ani asaga'i hetofa hite minalabe. Mone gumina lise'na to faga lise'na ya hilana meni'ibe. Enali hapa'ani'mu kaba hilabe lite melete yanauba legeya'a lamana'a lolo hilibe.

1 Timoti 3:3

Amuya nagami'i silaga'i noloto negi nalina bo meminalibe. To negi nagami'i noloto lu baga luto luba li huto mehilibe. Ai legeso huto minoto le'mo baba ito to efaha foyalo komopa'a memalalibe.

1 Timoti 5:13

Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

2 Timoti 2:23

Ule'ale ka lite meluguti kifite nelana ka to negi nagi ka fa'mene kaga yamofihi kemegesa hu emibo. Yanamofihi legeya'a ya'ma lubana kenasabo bise'na ni'ina keheli'ahane.

2 Timoti 3:3

To enali komopa'anigu ule'ale hite fato bona'i meenehe'malata to eniginaga fi meepilata to huli tali ka lite fato bona'mu faga faga lilata, fatehe bona'i yaga kala suhi hite minete hagulu tite minalana, ana'ina lamana'amofihi libe pigi bibe hilana'mu yabe.

Taitasi 1:7

To Hu'mamofihi foya'alo kaba huto nominalina bo ai foipana'a meminenogo minalibe. Ya huloto minoto hipu hapu meilina to mele'isi enipakafa mehalina, to bai nagami'i babu luto menalina, luba mehilina, to yogo fe'no kumu ekesa yigi yigi huto muhi muhi bilina bo meminalibe.

Taitasi 2:3

Anago higo olopa ana'i lu epiletogo enali mono ana'i lolo hite, hapa'ani bati hinogo minalabe. Bai nagami'i nalanamofitoga agoya hu meemilabe. To fato bona'mofihi nasana'mu mege ka lite li muyalo malo mehise asaga hetofana'mu lu enelepite ana'ina lamana'amuko fi lehe tete lu epinogo yuhufa ana'magi enali'ani baha'animagihi yagapana'animagihi komopa'ani enalitoga melete kaba hu bati hite hi epalalabe.

Yemesi 1:19

Komopa'ni nolepuna nalalu'nigita, lenali ya'ma kaga'ni kehelilo. Lenali Hu'mamofihi ka'a mele'isi nekehelite fulu hite kaga lite lenita bilina nasana'mu kaga mele'isi melilo.

Yemesi 3:14

Komopatinigu lenipakafa ai hago ai hago hite siko hite minalana to fe'nohatini guna ite meepilana, ya'ma faga hiti li lalagi lenugufa lelite tite lali keheliya i'ohune lite melilo.

Yemesi 4:11

Nalalu'nigita, lenalitini ka foipa'a melilo. Moneuba ai lalu'afi kumu ka foipa'a lu etalina ai ya'ma Hu'mau keya ka lu'ehina kagamofihi li sibina hulata nohuto ana kagamofihi loko nohibe. Kai Hu'mau keya ka lu'ehina li sibi hilata ya'ma kegekesa yigito ka lamana'a meni'ibe luto lilatamoya, ana keya kalo mege'i mololata menohane. Ana kagamofihi loko huto fa'mene nominane.

1 Pita 2:1

To ya huto ni'igo lenali foipanatini asaga'i li he'milo. To faga lilatana, kenetufatini loemo minolatana, to komopatinigu siko hilatana, huli ka ai lu emigo ai lu emigo hilatana yamofihi he'mi su halo.

1 Yoni 3:12

Koyapa'i Atahi pana'a Keniu ai'a kapolo mebilune. Ai foipanamofihi pana'a lolo huloto gona'a ho fili'ehinamo ni'ibe. To henabe luto ho fili'ehibe? Hapa'a ya'ma huto ma ni'ibe. Ai'a minoto lito hu'ehina'a laga mehu'ehina yagi to gona'auba mino'ehina ya bati hu'ehina yabe. Ya higo gona'amofihi siko hu etoto ho fili'ehina yabe.

1 Yoni 3:15

To luga'amagi enali enalalu'anigihi enele'mo bati mehinogomo Hu'mau ya'ma enoho fililata bo suhi hite komopa'ani hiti nehabe luto lu epalalibe. To lenali enoho fililata bomu'i akehelilata nehabe. Enali minoba minobanamofihi babeyafa'a lolo hite menehabe.

Huto Hilina Ka 12:10

Ya nehago kokulumaga ka sipi ma luto huto higo keheli'ohuna: Hu'mau lubuto bilata nohina to ai amuya bo to gulu ho letalibe luto lu leto'ehina bomofihi kaba hulata amuya'a ya'ma ahuto hu su habe. Le'mo ho ti'ehina bo, Mesia ai amuya'a huto huto nohinagihe. Ligibo lalalutigihi enali kalana'i molo epolo'ehina'mu Hu'mamofihi gobisalo ho tito kana'amu kana'amu utehi etehi ka foya li epoloba li epoloba hu'ehina bo ai ya'ma kokulumatogati fitu fo he'migo limi'ehibe.