Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efeso 4:25 - Ka Lamana'a Monoꞌi Lu Mu Tifiꞌehina Ka Yabe

25 To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

အခန်းကိုကြည့်ပါ။ ကော်ပီ




Efeso 4:25
42 ပူးပေါင်းရင်းမြစ်များ  

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.


Ya huto lali yege yege bona'i fato fato nohuta li nupa huto Kilisitotoga hepito moneko'na nohune. To gufa'a moneko'isi suhi huto kegi'a moneko moneko li nupa huto hepi'ohune. Ai'a gufa'a legi huto nominone.


Yupala nose'na ya'ma moneko'i nose'na lali asaga'i nolata nohune. Ana suhi luto lali asaga bona'i i hepito moneko'i lolo hulata nohune.


Nani koyapa'i lenele'mo hofa toto lenali kumu nofokeha kaga'ni ya'ma Taitasihi lu emi'ohunamo ni'ibe. To lenali kumu ka lu emi'ohuna yamofihi legeya'a ya'ma huto hu su ho'ehinamo ni'ibe. Nani ka'ni ya'ma faga hiti mone lu melepi'ohunamo ni'ibe. Ana huto lenigitini le'mo ho tito Taitasihi lu emi'ohunamofihi ya'ma legeya'a alolo hu'ehinamo ni'ibe.


Aku'i lali liginaga fi epito Hu'mamofihi kaga ma'naka luto ai lu eminogo ai lu eminogo hutoti ai latahati lolo huto nohina bo Kilisitotoga mino kikipa holototi fato fato suhi huto aitoga hofa talune.


Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.


Lenali enipakafa hose'na hiti to kenasabo bise'na hiti to enemegeka lite ya'ma asaga'i keheli he'milo. To luba lenegekesa mehino.


To ai bahane hanogo ai bahane hanogo hite meminalo. Ya'ma tafa hapatini mino'ehinaya lenali ananamo li gololo tite li he'mi'ehite yatai yuhufa bona'i lolo hite neminabe.


to moko hilata nehana, to bomagi lalu'afitoga buto i ke'molata nehana, bona'magihi yagapana'i gumina lilata nehana, to faga fagalo bo fakupa ka li epilata nehana, to ana'ina luga'a yamofihi mono kagagu faga fono ka nasana'a lilata suhi lite nehana. Ya'ma bona'magihi keya ka enali nasana ni'ibe. Enali kumu huto hu'ehina ni'ibe.


To faga fagalo bona'i enali laga mehina hapa'ani to kaga'animofihi legeya'a meni'ina komopa'ani logouba lo fili su ho'ehina legi huto neminana bona'magi enali ya'ma ka lu epilata nehana, faga yabe.


Ya'ma Kiliti melugu nehana bona'i enalitogati ka hapa'a keheli fotogo lu'ehina bo moneuba ma luto lu'ehina: Kiliti bona'i enali ya'ma fagalo bo lubalo kala legi nose'namu yagauba nohina suhi lolo hilata nehanamofihi fa'mene fuli minete nose'na neba neba nehana lili'na'mu kosele'i enoholata nohina bona'i nehabe.


Nani ka lamana'amofihi hapa'a ma luto ni'ibe. Hu'mau faga meluse bomofihi koyapa'i me'i hiti kokuluma hiti huto mehu'ehina kana'alo ya'ma amuya lemehi fi hetofa hu letalube luto mino kosaba huse'na lelepito lu'ehina fifa ito minolata nohune.


Keheli ule'ale huse'namofihi hapa'a li huto hi'ahana bona'i samahi tite sopopo suhi hite minete lele'mo bego bego hi'ahanamo ni'inagihe, yamofihi fifa ilata nehana bona'magi hololu lilata nehanamagihi hapa'ani'mu kehelito minoto keta'a hiti nasana ya'ma gololo tito li he'milune. To foipanamofihi hapa'auba lugufalo naga'i gi'ehina hiti li toba hoto li he'milune. Ya hulototi kapo lelepi'ehina analo kosele'i melehenogo hololu luto fotogo huto bilunagihe.


Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.


To ya huto ni'igo lenali foipanatini asaga'i li he'milo. To faga lilatana, kenetufatini loemo minolatana, to komopatinigu siko hilatana, huli ka ai lu emigo ai lu emigo hilatana yamofihi he'mi su halo.


To luga'amagi ufeha'a hiti nasana'mu enelesa lilina bona'i to mono ka keheli he'milata bona'i to kolo tanana lilata nehana bona'i to enoho fililata nehana bona'i to mokolo bona'i to nalisalo bona'i to faga lugefa enalapusa fi emilata nehana bona'i to faga fagalo bona'i ya'ma ya'iya nasana lite minelata hi'ahana asaga'i yege yegetoga enali nohi hepa'ani logo'a hiti nagami hefunugu kala efahi logo loto ni'inagu ya'ma minalabe luto lu'ehinamo ni'ibe. Ya nasanauba ya'ma filise'namofihi napa 2 lolo nohibe.


Nohi hepa'i nosipetoga ema minalana'a enali kolo tanana li'ahana'a to nalisalo bona'i to mokolo bona'i to enoho fililata bona'i to lugefa nasanalo enalapusa fi emi'ahana bona'i to fagalo bona'i hiti enali foyati bati huto ni'ibe lite faga lilete komopa'anigu li sibina nehana'a ya'ma enali asaga'i fegutoga minalana'mu yabe. Enali hepalugu metilana'mu yabe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ