Efeso 4:23 - Ka Lamana'a Monoꞌi Lu Mu Tifiꞌehina Ka Yabe

²³ To komopatini lenegekesa kehelise'natini le'mo kosaba hinogo mineno.

Efeso 4:23 ပူးပေါင်းရင်းမြစ်များ

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Romu 6:4

To Yesu Kilisito fililago keli he'ahana suhi luto moneko'na hilune luto nagami'i folo'ohune. To ana huto afotifihi hetofa amuya'auba Kilisitohi fili'ehinagati le'mo ho ti'ehina supo huto lali yuhufa hapati huto minalune luto nagami'i folo'ohune. Nagami'i folose hapa'a ya huto ni'ibe.

Romu 8:6

To Sikalafu laga lebesise'nalo lali mege'i nomolota bona'magita Hu'mamofihi fuluna'a litoti to hetofa mino kosaba husemofihi lilata nohune. To enali enugufa'aniuba laga enebesise'nalo mege'i nemalana bona'magi filise kapogu bilata nehabe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Kolose 3:10

Hu'mau lenele'mo kosaba higo asaga kanagu ai'a meha'a legita minalabe luto lenele'mo bati bati nohuto kehelise'natini hokolo nohigo yuhufa bona'i lolo nehabe.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.